호흡부호 보기
강세부호 보기
장단부호 보기
작은 Iota 보기
모든 부호 보기
ἔτι δὲ μειράκιον ὢν παντάπασι καὶ τῷ πατρὶ συστρατευόμενοσ ἀντιτεταγμένῳ πρὸσ Κίνναν , Λευκιόν τινα Τερέντιον εἶχεν ἑταῖρον καὶ σύσκηνον. οὗτοσ ὑπὸ Κίννα πεισθεὶσ χρήμασιν αὐτὸσ μὲν ἔμελλε Πομπήϊον ἀποκτενεῖν, ἕτεροι δὲ τὴν σκηνὴν ἐμπρήσειν τοῦ στρατηγοῦ, μηνύσεωσ δὲ τῷ Πομπηϊῴ περὶ δεῖπνον ὄντι προσπεσούσησ, οὐδὲν διαταραχθείσ, ἀλλὰ καὶ πιὼν προθυμότερον καὶ φιλοφρονησάμενοσ τὸν Τερέντιον, ἅμα τῷ τραπέσθαι πρὸσ ἀνάπαυσιν ὑπεκρυεὶσ τῆσ σκηνῆσ ἔλαθε, καὶ τῷ πατρὶ φρουρὰν περιστήσασ ἡσύχαζεν. ὁ δὲ Τερέντιοσ, ὡσ ἐνόμιζε καιρὸν εἶναι, σπασάμενοσ τὸ ξίφοσ ἀνέστη καὶ τῇ στιβάδι τοῦ Πομπηϊού προσελθὼν ὡσ κατακειμένου πολλὰσ ἐνεφόρει πληγὰσ τοῖσ στρώμασι.
ἐκ δὲ τούτου γίνεται μέγα κίνημα μίσει τοῦ στρατηγοῦ, καὶ πρὸσ ἀπόστασιν ὁρμὴ τῶν στρατιωτῶν, τάσ τε σκηνὰσ ἀνασπώντων καὶ τὰ ὅπλα λαμβανόντων, ὁ μὲν οὖν στρατηγὸσ οὐ προῄει δεδιὼσ τὸν θόρυβον, ὁ δὲ Πομπήϊοσ ἐν μέσοισ ἀναστρεφόμενοσ καὶ δακρύων ἱκέτευε, τέλοσ δὲ ῥίψασ ἑαυτὸν ἐπὶ στόμα πρὸ τῆσ πύλησ τοῦ χάρακοσ ἐμποδὼν ἔκειτο κλαίων καὶ πατεῖν κελεύων τοὺσ ἐξιόντασ, ὥστε ἕκαστον ἀναχωρεῖν ὑπ’ αἰδοῦσ καὶ πάντασ οὕτω πλὴν ὀκτακοσίων μεταβαλέσθαι καὶ διαλλαγῆναι πρὸσ τὸν στρατηγόν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기