헬라어 문장 검색 - Πλυταρ́Αντονψ́86́

(플루타르코스, Antony, chapter 86)

λέγεται δὲ τὴν ἀσπίδα κομισθῆναι σὺν τοῖσ σύκοισ ἐκείνοισ καὶ τοῖσ θρίοισ ἄνωθεν ἐπικαλυφθεῖσαν, οὕτω γὰρ τὴν Κλεοπάτραν κελεῦσαι, μηδὲ αὐτῆσ ἐπισταμένησ τῷ σώματι προσπεσεῖν τὸ θηρίον· ὡσ δὲ ἀφαιροῦσα τῶν σύκων εἶδεν, εἰπεῖν· "ἐνταῦθα ἦν ἄρα τοῦτο· καὶ τὸν βραχίονα παρασχεῖν τῷ δήγματι γυμνώσασαν. οἱ δὲ τηρεῖσθαι μὲν ἐν ὑδρίᾳ τὴν ἀσπίδα καθεἱργμένην φάσκουσιν, ἠλακάτῃ δέ τινι χρυσῇ τῆσ Κλεοπάτρασ ἐκκαλουμένησ αὐτὴν καὶ διαγριαινούσησ ὁρμήσασαν ἐμφῦναι τῷ βραχίονι.

τὸ δὲ ἀληθὲσ οὐδεὶσ οἶδεν· ἐπεὶ καὶ φάρμακον αὐτὴν ἐλέχθη φορεῖν ἐν κνηστίδι κοίλῃ, τὴν δὲ κνηστίδα κρύπτειν τῇ κόμῃ· πλὴν οὔτε κηλὶσ ἐξήνθησε τοῦ σώματοσ οὔτε ἄλλο φαρμάκου σημεῖον. οὐ μὴν οὐδὲ τὸ θηρίον ἐντὸσ ὤφθη, συρμοὺσ δέ τινασ αὐτοῦ παρὰ θάλασσαν, ᾗ τὸ δωμάτιον ἀφεώρα καὶ θυρίδεσ ἦσαν, ἰδεῖν ἔφασκον.

ἔνιοι δὲ καὶ τὸν βραχίονα τῆσ Κλεοπάτρασ ὀφθῆναι δύο νυγμὰσ ἔχοντα λεπτὰσ καὶ ἀμυδράσ· οἷσ ἐοίκε πιστεῦσαι καὶ ὁ Καῖσαρ. ἐν γὰρ τῷ θριάμβῳ τῆσ Κλεοπάτρασ αὐτῆσ εἴδωλον ἐκομίζετο καὶ τῆσ ἀσπίδοσ ἐμπεφυκυίασ. ταῦτα μὲν οὖν οὕτω λέγεται γενέσθαι. Καῖσαρ δέ, καίπερ ἀχθεσθεὶσ ἐπὶ τῇ τελευτῇ τῆσ γυναικόσ, ἐθαύμασε τὴν εὐγένειαν αὐτῆσ·

καὶ ταφῆναι τὸ σῶμα σὺν Ἀντωνίῳ λαμπρῶσ καὶ βασιλικῶσ ἐκέλευσεν. ἐντίμου δὲ καὶ τὰ γύναια κηδείασ ἔτυχεν αὐτοῦ προστάξαντοσ. ἐτελεύτησε δὲ Κλεοπάτρα μὲν ἑνὸσ δέοντα τεσσαράκοντα ἔτη βιώσασα, καὶ τούτων δύο καὶ εἴκοσι βασιλεύσασα, συνάρξασα δὲ Ἀντωνίῳ πλείω τῶν δεκατεσσάρων. Ἀντώνιον δὲ οἱ μὲν ἕξ, οἱ δὲ τρισὶ τὰ πεντήκοντα ὑπερβαλεῖν φασιν.

αἱ μὲν οὖν Ἀντωνίου καθῃρέθησαν εἰκόνεσ, αἱ δὲ Κλεοπάτρασ κατὰ χώραν ἔμειναν, Ἀρχιβίου τινὸσ τῶν φίλων αὐτῆσ δισχίλια τάλαντα Καίσαρι δόντοσ, ἵνα μὴ τὸ αὐτὸ ταῖσ Ἀντωνίου πάθωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 86

(플루타르코스, Antony, chapter 86)

상위

목록

SEARCH

MENU NAVIGATION