Plutarch, Antony, chapter 74

(플루타르코스, Antony, chapter 74)

ἔσχεν οὖν ἀναβολὴν ὁ πόλεμοσ τότε· τοῦ δὲ χειμῶνοσ παρελθόντοσ αὖθισ ἐπῄει διὰ Συρίασ, οἱ δὲ στρατηγοὶ διὰ Λιβύησ. ἁλόντοσ δὲ Πηλουσίου λόγοσ ἦν ἐνδοῦναι Σέλευκον οὐκ ἀκούσησ τῆσ Κλεοπάτρασ. ἡ δὲ ἐκείνου μὲν γυναῖκα καὶ παῖδασ Ἀντωνίῳ κτεῖναι παρεῖχεν, αὐτὴ δὲ θήκασ ἔχουσα καὶ μνήματα κατεσκευασμένα περιττῶσ εἴσ τε κάλλοσ καὶ ὕψοσ, ἃ προσῳκοδόμησε τῷ ναῷ τῆσ Ἴσιδοσ, ἐνταῦθα τῶν βασιλικῶν συνεφόρει τὰ πλείστησ ἄξια σπουδῆσ, χρυσόν, ἄργυρον, σμάραγδον, μαργαρίτην, ἔβενον, ἐλέφαντα, κινάμωμον· ἐπὶ πᾶσι δὲ δᾷδα πολλὴν καὶ στυππεῖον, ὥστε δείσαντα περὶ τῶν χρημάτων Καίσαρα, μὴ τραπομένη πρὸσ ἀπόγνωσιν ἡ γυνὴ διαφθείρῃ καὶ καταφλέξῃ τὸν πλοῦτον, ἀεί τινασ ἐλπίδασ αὐτῇ φιλανθ ρώπουσ προσπέμπειν ἅμα τῷ στρατῷ πορευόμενον ἐπὶ τὴν πόλιν.

ἱδρυθέντοσ δὲ αὐτοῦ περὶ τὸν ἱππόδρομον, Ἀντώνιοσ ἐπεξελθὼν ἠγωνίσατο λαμπρῶσ καὶ τροπὴν τῶν Καίσαροσ ἱππέων ἐποίησε, καὶ κατεδίωξεν ἄχρι τοῦ στρατοπέδου.

μεγαλυνόμενοσ δὲ τῇ νίκῃ παρῆλθεν εἰσ τὰ βασίλεια, καὶ τὴν Κλεοπάτραν κατεφίλησεν ἐν τοῖσ ὅπλοισ, καὶ τὸν ἠγωνισμένον προθυμότατα τῶν στρατιωτῶν συνέστησεν. ἡ δὲ ἀριστεῖον αὐτῷ θώρακα χρυσοῦν καὶ κράνοσ ἔδωκεν. ἐκεῖνοσ μὲν οὖν ὁ ἄνθρωποσ λαβὼν ταῦτα διὰ νυκτὸσ ηὐτομόλησε πρὸσ Καίσαρα.

일치하는 문장이 없습니다.

SEARCH

MENU NAVIGATION