호흡부호 보기
강세부호 보기
장단부호 보기
작은 Iota 보기
모든 부호 보기
τοῦτον μὲν οὖν ὕστερον ἀπέκτεινε μετὰ τὴν Κλεοπάτρασ τελευτήν. Ἀντώνιον δὲ πολλῶν αἰτουμένων θάψαι καὶ βασιλέων καὶ στρατηγῶν, οὐκ ἀφείλετο Κλεοπάτρασ τὸ σῶμα Καῖσαρ, ἀλλὰ ἐθάπτετο ταῖσ ἐκείνησ χερσὶ πολυτελῶσ καὶ βασιλικῶσ, πᾶσιν ὡσ ἐβούλετο χρῆσθαι λαβούσησ. ἐκ δὲ λύπησ ἅμα τοσαύτησ καὶ ὀδύνησ ἁ̓νεφλέγμηνε γὰρ αὐτῆσ τὰ στέρνα τυπτομένησ καὶ ἥλκωτὀ πυρετῶν ἐπιλαβόντων ἠγάπησε τὴν πρόφασιν, ὡσ ἀφεξομένη τροφῆσ διὰ τοῦτο καὶ παραλύσουσα τοῦ ζῆν ἀκωλύτωσ ἑαυτήν. ἦν δὲ ἰατρὸσ αὐτῇ συνήθησ Ὄλυμποσ, ᾧ φράσασα τἀληθὲσ ἐχρῆτο συμβούλῳ καὶ συνεργῷ τῆσ καθαιρέσεωσ, ὡσ αὐτὸσ ὁ Ὄλυμποσ εἴρηκεν ἱστορίαν τινὰ τῶν πραγμάτων τούτων ἐκδεδωκώσ.
ὑπονοήσασ δὲ Καῖσαρ ἀπειλὰσ μέν τινασ αὐτῇ καὶ φόβουσ περὶ τῶν τέκνων προσέβαλλεν, οἷσ ἐκείνη καθάπερ μηχανήμασιν ὑπηρείπετο καὶ παρεδίδου τὸ σῶμα θεραπεύειν καὶ τρέφειν τοῖσ χρῄζουσιν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기