호흡부호 보기
강세부호 보기
장단부호 보기
작은 Iota 보기
모든 부호 보기
κἀκείνοισ δὲ τὴν εὐπρεπεστάτην πρόφασιν ἄκων παρεσχεν Ἀντώνιοσ. ἦν μὲν γὰρ ἡ τῶν Λυκαίων ἑορτὴ Ῥωμαίοισ, ἣν Λουπερκάλια καλοῦσι, Καῖσαρ δὲ κεκοσμημένοσ ἐσθῆτι θριαμβικῇ καὶ καθήμενοσ ὑπὲρ βήματοσ ἐν ἀγορᾷ τοὺσ διαθέοντασ ἐθεᾶτο· διαθέουσι δὲ τῶν εὐγενῶν νέοι πολλοὶ καὶ τῶν ἀρχόντων, ἀληλιμμένοι λίπα, σκύτεσι λασίοισ καθικνούμενοι μετὰ παιδιᾶσ τῶν ἐντυγχανόντων. ἐν τούτοισ ὁ Ἀντώνιοσ διαθέων τὰ μὲν πάτρια χαίρειν εἰάσε, διάδημα δὲ δάφνησ στεφάνῳ περιελίξασ προσέδραμε τῷ βήματι, καὶ συνεξαρθεὶσ ὑπὸ τῶν συνθεόντων ἐπέθηκε τῇ κεφαλῇ τοῦ Καίσαροσ, ὡσ δὴ βασιλεύειν αὐτῷ προσῆκον.
ἐκείνου δὲ θρυπτομένου καὶ διακλίνοντοσ ἡσθεὶσ ὁ δῆμοσ ἀνεκρότησε· καὶ πάλιν ὁ Ἀντώνιοσ ἐπῆγε, καὶ πάλιν ἐκεῖνοσ ἀπετρίβετο.
καὶ πολὺν χρόνον οὕτω διαμαχομένων Ἀντωνίῳ μὲν ὀλίγοι τῶν φίλων βιαζομένῳ, Καίσαρι δὲ ἀρνουμένῳ πᾶσ ὁ δῆμοσ ἐπεκρότει μετὰ βοῆσ· ὃ καὶ θαυμαστὸν ἦν, ὅτι τοῖσ ἔργοισ τὰ τῶν βασιλευομένων ὑπομένοντεσ τοὔνομα τοῦ βασιλέωσ ὡσ κατάλυσιν τῆσ ἐλευθερίασ ἔφευγον. ἀνέστη μὲν οὖν ὁ Καῖσαρ ἀχθεσθεὶσ ἀπὸ τοῦ βήματοσ, καὶ τὸ ἱμάτιον ἀπάγων ἀπὸ τοῦ τραχήλου τῷ βουλομένῳ παρέχειν τὴν σφαγὴν ἐβόα.
τὸν δὲ στέφανον ἑνὶ τῶν ἀνδριάντων αὐτοῦ περιτεθέντα δήμαρχοί τινεσ κατέσπασαν, οὓσ ὁ δῆμοσ εὐφημῶν μετὰ κρότου παρείπετο, Καῖσαρ δὲ τῆσ ἀρχῆσ ἀπέστησεν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기