Plutarch, Antony, chapter 13

(플루타르코스, Antony, chapter 13)

ταῦτα τοὺσ περὶ Βροῦτον καὶ Κάσσιον ἐπέρρωσε· καὶ τῶν φίλων τοὺσ πιστοὺσ καταλέγοντεσ ἐπὶ τὴν πρᾶξιν ἐσκέπτοντο περὶ Ἀντωνίου. τῶν δὲ ἄλλων προσιεμένων τὸν ἄνδρα Τρεβώνιοσ ἀντεῖπεν· ἔφη γὰρ ὑφ’ ὃν χρόνον ἀπήντων ἐξ Ἰβηρίασ ἐπανιόντι Καίσαρι, τοῦ Ἀντωνίου συσκηνοῦντοσ αὐτῷ καὶ συνοδεύοντοσ, ἅψασθαι τῆσ γνώμησ ἀτρέμα πωσ καὶ μετ’ εὐλαβείασ, τὸν δὲ νοῆσαι μέν, οὐ δέξασθαι δὲ τὴν πεῖραν, οὐ μὴν οὐδὲ πρὸσ Καίσαρα κατειπεῖν, ἀλλὰ πιστῶσ κατασιωπῆσαι τὸν λόγον. ἐκ τούτου πάλιν ἐβουλεύοντο Καίσαρα κτείναντεσ ἐπισφάττειν Ἀντώνιον·

ἐκώλυσε δὲ Βροῦτοσ, ἀξιῶν τὴν ὑπὲρ τῶν νόμων καὶ τῶν δικαίων τολμωμένην πρᾶξιν εἰλικρινῆ καὶ καθαρὰν ἀδικίασ εἶναι. φοβούμενοι δὲ τήν τε ῥώμην τοῦ Ἀντωνίου καὶ τὸ τῆσ ἀρχῆσ ἀξίωμα, τάττουσιν ἐπ’ αὐτὸν ἐνίουσ τῶν ἐκ τῆσ συνωμοσίασ, ὅπωσ, ὅταν εἰσίῃ Καῖσαρ εἰσ τὴν βουλὴν καὶ μέλλῃ δρᾶσθαι τὸ ἔργον, ἔξω διαλεγόμενοί τι καὶ σπουδάζοντεσ κατέχωσιν αὐτόν.

일치하는 문장이 없습니다.

SEARCH

MENU NAVIGATION