호흡부호 보기
강세부호 보기
장단부호 보기
작은 Iota 보기
모든 부호 보기
τῇ δ’ ὑστεραίᾳ πάλιν ἀνθεστιῶν αὐτὴν ἐφιλοτιμήθη μὲν ὑπερβαλέσθαι τὴν λαμπρότητα καὶ τὴν ἐμμέλειαν, ἀμφοῖν δὲ λειπόμενοσ, καὶ κρατούμενοσ ἐν αὐτοῖσ ἐκείνοισ, πρῶτοσ ἔσκωπτεν εἰσ αὐχμὸν καὶ ἀγροικίαν τὰ παρ’ αὑτῷ. πολὺν δὲ ἡ Κλεοπάτρα καὶ τοῖσ σκώμμασι τοῦ Ἀντωνίου τὸν στρατιώτην ἐνορῶσα καὶ βάναυσον, ἐχρῆτο καὶ τούτῳ πρὸσ αὐτὸν ἀνειμένωσ ἤδη καὶ κατατεθαρρηκότωσ. καὶ γὰρ ἦν, ὡσ λέγουσιν, αὐτὸ μὲν καθ’ αὑτὸ τὸ κάλλοσ αὐτῆσ οὐ πάνυ δυσπαράβλητον, οὐδὲ οἱο͂ν ἐκπλῆξαι τοὺσ ἰδόντασ, ἁφὴν δ’ εἶχεν ἡ συνδιαίτησισ ἄφυκτον, ἥ τε μορφὴ μετὰ τῆσ ἐν τῷ διαλέγεσθαι πιθανότητοσ καὶ τοῦ περιθέοντοσ ἅμα πωσ περὶ τὴν ὁμιλίαν ἤθουσ ἀνέφερέ τι κέντρον.
ἡδονὴ δὲ καὶ φθεγγομένησ ἐπῆν τῷ ἤχῳ·
καὶ τὴν γλῶτταν, ὥσπερ ὄργανόν τι πολύχορδον, εὐπετῶσ τρέπουσα καθ’ ἣν βούλοιτο διάλεκτον ὀλίγοισ παντάπασι δἰ ἑρμηνέωσ ἐνετύγχανε βαρβάροισ, τοῖσ δὲ πλείστοισ αὐτὴ δἰ αὑτῆσ ἀπεδίδου τὰσ ἀποκρίσεισ, οἱο͂ν Αἰθίοψι, Τρωγλοδύταισ, Ἑβραίοισ, Ἄραψι, Σύροισ, Μήδοισ, Παρθυαίοισ. πολλῶν δὲ λέγεται καὶ ἄλλων ἐκμαθεῖν γλώττασ, τῶν πρὸ αὐτῆσ βασιλέων οὐδὲ τὴν Αἰγυπτίαν ἀνασχομένων παραλαβεῖν διάλεκτον, ἐνίων δὲ καὶ τὸ μακεδονίζειν ἐκλιπόντων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기