헬라어 문장 검색 - Πλυταρ́Αντονψ́05́

(플루타르코스, Antony, chapter 5)

ταῦτα μὲν οὖν ὕστερον· ἐπεὶ δὲ τὰ Ῥωμαίων πράγματα διέστη, τῶν μὲν ἀριστοκρατικῶν Πομπηϊῴ παρόντι προσθεμένων, τῶν δὲ δημοτικῶν Καίσαρα καλούντων ἐκ Γαλατίασ ἐν τοῖσ ὅπλοισ ὄντα, Κουρίων ὁ Ἀντωνίου φίλοσ ἐκ μεταβολῆσ θεραπεύων τὰ Καίσαροσ Ἀντώνιον προσηγάγετο, καὶ μεγάλην μὲν ἀπὸ τοῦ λέγειν ἐν τοῖσ πολλοῖσ ἔχων ἰσχύν, χρώμενοσ δὲ καὶ δαπάναισ ἀφειδῶσ ἀφ’ ὧν Καῖσαρ ἐχορήγει, δήμαρχον ἀπέδειξε τὸν Ἀντώνιον, εἶτα τῶν ἐπ’ οἰωνοῖσ ἱερέων, οὓσ Αὔγουρασ καλοῦσιν. ὁ δὲ εὐθὺσ εἰσ τὴν ἀρχὴν παρελθὼν οὐ μικρὸν ἦν ὄφελοσ τοῖσ πολιτευομένοισ ὑπὲρ Καίσαροσ.

ἀλλὰ πρῶτον μὲν Μαρκέλλου τοῦ ὑπάτου Πομπηϊῴ τούσ τε συνειλεγμένουσ ἤδη στρατιώτασ παρεγγυῶντοσ καὶ καταλέγειν ἑτέρουσ διδόντοσ ἐμποδὼν ἔστη, διάταγμα γράψασ ὅπωσ ἡ μὲν ἠθροισμένη δύναμισ εἰσ Συρίαν πλέῃ καὶ Βύβλῳ βοηθῇ πολεμοῦντι Πάρθοισ, οὓσ δὲ Πομπήϊοσ καταλέγει, μὴ προσέχωσιν αὐτῷ· δεύτερον δὲ τὰσ Καίσαροσ ἐπιστολὰσ οὐ προσιεμένων οὐδὲ ἐώντων ἀναγινώσκεσθαι τῶν συγκλητικῶν, αὐτὸσ ἰσχύων διὰ τὸ ἄρχειν ἀνέγνω, καὶ πολλοὺσ μετέστησε τῇ γνώμῃ, δίκαια καὶ μέτρια Καίσαροσ ἀξιοῦν ἀφ’ ὧν ἔγραψε δόξαντοσ.

τέλοσ δὲ δυεῖν ἐρωτήσεων ἐν τῇ βουλῇ γενομένων, τῆσ μὲν εἰ δοκεῖ Πομπήϊον ἀφεῖναι τὰ στρατεύματα, τῆσ δὲ εἰ Καίσαρα, καὶ Πομπήϊον μὲν ὀλίγων τὰ ὅπλα καταθέσθαι, Καίσαρα δὲ πάντων παρ’ ὀλίγουσ κελευόντων, ἀναστὰσ Ἀντώνιοσ ἠρώτησεν εἰ δοκεῖ καὶ Πομπήϊον ὁμοῦ καὶ Καίσαρα τὰ ὅπλα καταθέσθαι καὶ τὰσ δυνάμεισ ἀφεῖναι.

ταύτην ἐδέξαντο λαμπρῶσ τὴν γνώμην ἅπαντεσ, καὶ μετὰ βοῆσ ἐπαινοῦντεσ τὸν Ἀντώνιον ἠξίουν ἐπιψηφίζεσθαι. μὴ βουλομένων δὲ τῶν ὑπάτων, αὖθισ ἑτέρασ οἱ Καίσαροσ φίλοι προὔτειναν ἐπιεικεῖσ εἶναι δοκούσασ ἀξιώσεισ, αἷσ ὅ τε Κάτων ἀντέπιπτε καὶ Λέντλοσ ὑπατεύων ἐξέβαλε τῆσ βουλῆσ τὸν Ἀντώνιον. ὁ δὲ πολλὰ μὲν αὐτοῖσ ἐξιὼν ἐπηράσατο, λαβὼν δὲ θεράποντοσ ἐσθῆτα καὶ μισθωσάμενοσ μετὰ Κασσίου Κοΐντου ζεῦγοσ, ἐξώρμησε πρὸσ Καίσαρα· καὶ κατεβόων εὐθὺσ ὀφθέντεσ ὡσ οὐδένα κόσμον ἔτι τῶν ἐν Ῥώμῃ πραγμάτων ἐχόντων, ὅτε μηδὲ δημάρχοισ παρρησίασ μέτεστιν, ἀλλ’ ἐλαύνεται καὶ κινδυνεύει πᾶσ ὁ φθεγξάμενοσ ὑπὲρ τῶν δικαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 5

(플루타르코스, Antony, chapter 5)

상위

목록

SEARCH

MENU NAVIGATION