Plutarch, Antony, chapter 52

(플루타르코스, Antony, chapter 52)

τῷ δὲ βασιλεῖ τῶν Μήδων γίνεται διαφορὰ πρὸσ Φραόρτην τὸν Πάρθον, ἀρξαμένη μέν, ὥσ φασιν, ὑπὲρ τῶν Ῥωμαϊκῶν λαφύρων, ὑπόνοιαν δὲ τῷ Μήδῳ καὶ φόβον ἀφαιρέσεωσ τῆσ ἀρχῆσ παρασχοῦσα. διὸ καὶ πέμπων ἐκάλει τὸν Ἀντώνιον, ἐπαγγελλόμενοσ συμπολεμήσειν μετὰ τῆσ ἑαυτοῦ δυνάμεωσ. γενόμενοσ οὖν ἐπ’ ἐλπίδοσ μεγάλησ ὁ Ἀντώνιοσ ᾡ̔͂ γὰρ ἐδόκει μόνῳ τοῦ κατειργάσθαι Πάρθουσ ἀπολιπεῖν, ἱππέων πολλῶν καὶ τοξοτῶν ἐνδεὴσ ἐλθών, τοῦτο ἑώρα προσγινόμενον αὐτῷ χαριζομένῳ μᾶλλον ἢ δεομένᾠ παρεσκευάζετο δἰ Ἀρμενίασ αὖθισ ἀναβαίνειν καὶ συγγενόμενοσ τῷ Μήδῳ περὶ ποταμὸν Ἀράξην οὕτω κινεῖν τὸν πόλεμον.

일치하는 문장이 없습니다.

SEARCH

MENU NAVIGATION