헬라어 문장 검색 - Πλυταρ́Αντονψ́18́

(플루타르코스, Antony, chapter 18)

ἦν δὲ ὁρμὴ τοῖσ ἐπέκεινα στρατεύμασιν ἐντυχεῖν, ὧν Λέπιδοσ ἦρχε, φίλοσ εἶναι δοκῶν Ἀντωνίου καὶ πολλὰ τῆσ Καίσαροσ φιλίασ ἀπολελαυκέναι δἰ αὐτόν. ἐλθὼν δὲ καὶ παραστρατοπεδεύσασ πλησίον, ὡσ οὐθὲν ἀπήντα φιλάνθρωπον, ἔγνω παραβαλέσθαι. καὶ κόμη μὲν ἀτημελὴσ καὶ βαθὺσ πώγων μετὰ τὴν ἧτταν εὐθὺσ ἦν αὐτῷ καθειμένοσ, λαβὼν δὲ φαιὸν ἱμάτιον ἐγγὺσ προσῆγε τῷ χάρακι τοῦ Λεπίδου καὶ λέγειν ἤρξατο. πολλῶν δὲ καὶ πρὸσ τὴν ὄψιν ἐπικλωμένων καὶ τοῖσ λόγοισ ἀγομένων, δείσασ ὁ Λέπιδοσ τὰσ σάλπιγγασ ἐκέλευσε συνηχούσασ ἀφελέσθαι τὸ κατακούεσθαι τὸν Ἀντώνιον.

οἱ δὲ στρατιῶται μᾶλλον ᾤκτειραν καὶ διελέγοντο κρύφα, Λαίλιον καὶ Κλώδιον ἀποστείλαντεσ πρὸσ αὐτόν, ἐσθῆτασ λαβόντασ ἑταιρευομένων γυναικῶν, οἳ τὸν Ἀντώνιον ἐκέλευον ἐπιχειρεῖν θαρροῦντα τῷ χάρακι· πολλοὺσ γὰρ εἶναι δεξομένουσ καὶ τὸν Λέπιδον, εἰ βούλοιτο, κτενοῦντασ. Ἀντώνιοσ δὲ Λεπίδου μὲν οὐκ εἰάσεν ἅψασθαι, μεθ’ ἡμέραν δὲ τὸν στρατὸν ἔχων ἀπεπειρᾶτο τοῦ ποταμοῦ.

καὶ πρῶτοσ αὐτὸσ ἐμβὰσ ἐπορεύετο πρὸσ τὴν ἀντιπέρασ ὄχθην, ὁρῶν ἤδη πολλοὺσ τῶν Λεπίδου στρατιωτῶν τάσ τε χεῖρασ ὀρέγοντασ αὐτῷ καὶ τὸν χάρακα διασπῶντασ. εἰσελθὼν δὲ καὶ κρατήσασ ἁπάντων ἡμερώτατα Λεπίδῳ προσηνέχθη. πατέρα γὰρ προσηγόρευσεν αὐτὸν ἀσπασάμενοσ· καὶ τῷ μὲν ἔργῳ πάντων αὐτὸσ ἦν κύριοσ, ἐκείνῳ δ’ ὄνομα καὶ τιμὴν αὐτοκράτοροσ διετέλει φυλάττων. τοῦτο καὶ Πλάγκον αὐτῷ Μουνάτιον ἐποίησε προσθέσθαι, καθήμενον οὐ πρόσω μετὰ συχνῆσ δυνάμεωσ.

οὕτω δὲ μέγασ ἀρθεὶσ αὖθισ ὑπερέβαλε τὰσ Ἄλπεισ, εἰσ τὴν Ἰταλίαν ἄγων ἑπτακαίδεκα τέλη πεζῶν σὺν αὑτῷ καὶ μυρίουσ ἱππεῖσ· χωρὶσ δὲ φρουρὰν Γαλατίασ ἓξ τάγματα λελοίπει μετὰ Οὐαρίου τινὸσ τῶν συνήθων καὶ συμποτῶν, ὃν Κοτύλωνα προσηγόρευον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 18

(플루타르코스, Antony, chapter 18)

상위

목록

SEARCH

MENU NAVIGATION