헬라어 문장 검색 - Πλυταρ́Αντονψ́53́

(플루타르코스, Antony, chapter 53)

ἐν δὲ Ῥώμῃ βουλομένησ Ὀκταου ασ πλεῦσαι πρὸσ Ἀντώνιον, ἐπέτρεψε Καῖσαρ, ὡσ οἱ πλείουσ λέγουσιν, οὐκ ἐκείνῃ χαριζόμενοσ, ἀλλ’ ὅπωσ περιυβρισθεῖσα καὶ καταμεληθεῖσα πρὸσ τὸν πόλεμον αἰτίαν εὐπρεπῆ παράσχοι. γενομένη δὲ ἐν Ἀθήναισ ἐδέξατο γράμματα παρὰ Ἀντωνίου κελεύοντοσ αὐτόθι προσμένειν καὶ τὰ περὶ τὴν ἀνάβασιν δηλοῦντοσ. ἡ δέ, καίπερ ἀχθομένη καὶ νοοῦσα τὴν πρόφασιν, ὅμωσ ἔγραψε πυνθανομένη ποῖ κελεύει πεμφθῆναι τὰ κομιζόμενα πρὸσ αὐτόν.

ἐκόμιζε δὲ πολλὴν μὲν ἐσθῆτα στρατιωτικήν, πολλὰ δὲ ὑποζύγια καὶ χρήματα καὶ δῶρα τοῖσ περὶ αὐτὸν ἡγεμόσι καὶ φίλοισ· ἐκτὸσ δὲ τούτων στρατιώτασ ἐπιλέκτουσ δισχιλίουσ εἰσ στρατηγικὰσ σπείρασ κεκοσμημένουσ ἐκπρεπέσι πανοπλίαισ. ταῦτα Νίγροσ τισ Ἀντωνίου φίλοσ ἀποσταλεὶσ παρ’ αὐτῆσ ἔφραζε, καὶ προσετίθει τοὺσ ἀξίουσ καὶ πρέποντασ ἐπαίνουσ. αἰσθομένη δὲ ἡ Κλεοπάτρα τὴν Ὀκταουίαν ὁμόσε χωροῦσαν αὑτῇ, καὶ φοβηθεῖσα μὴ τοῦ τρόπου τῇ σεμνότητι καὶ τῇ Καίσαροσ δυνάμει προσκτησαμένη τὸ καθ’ ἡδονὴν ὁμιλεῖν καὶ θεραπεύειν Ἀντώνιον ἄμαχοσ γένηται καὶ κρατήσῃ παντάπασι τοῦ ἀνδρόσ, ἐρᾶν αὐτὴ προσεποιεῖτο τοῦ Ἀντωνίου, καὶ τὸ σῶμα λεπταῖσ καθῄρει διαίταισ·

τὸ δὲ βλέμμα προσιόντοσ ἐκπεπληγμένον, ἀπερχομένου δὲ τηκόμενον καὶ ταπεινούμενον ὑπεφαίνετο. πραγματευομένη δὲ πολλάκισ ὀφθῆναι δακρύουσα ταχὺ τῶν δακρύων ἀφῄρει καὶ ἀπέκρυπτεν, ὡσ δὴ βουλομένη λανθάνειν ἐκεῖνον.

ἐπράττετο δὲ ταῦτα μέλλοντοσ τοῦ ἀνδρὸσ ἐκ Συρίασ ἀναβαίνειν πρὸσ τὸν Μῆδον. οἱ δὲ κόλακεσ σπουδάζοντεσ ὑπὲρ αὐτῆσ ἐλοιδόρουν τὸν Ἀντώνιον ὡσ σκληρὸν καὶ ἀπαθῆ καὶ παραπολλύντα γύναιον εἰσ ἕνα καὶ μόνον ἐκεῖνον ἀνηρτημένον. Ὀκταουίαν μὲν γὰρ πραγμάτων ἕνεκα διὰ τὸν ἀδελφὸν συνελθεῖν καὶ τὸ τῆσ γαμετῆσ ὄνομα καρποῦσθαι·

Κλεοπάτραν δὲ τοσούτων ἀνθρώπων βασιλεύουσαν ἐρωμένην Ἀντωνίου καλεῖσθαι, καὶ τοὔνομα τοῦτο μὴ φεύγειν μηδ’ ἀπαξιοῦν, ἑώσ ὁρᾶν ἐκεῖνον ἔξεστι καὶ συζῆν· ἀπελαυνομένην δὲ τούτου μὴ περιβιώσεσθαι. τέλοσ δ’ οὖν οὕτω τὸν ἄνθρωπον ἐξέτηξαν καὶ ἀπεθήλυναν, ὥστε δείσαντα μὴ Κλεοπάτρα πρόηται τὸν βίον, εἰσ Ἀλεξάνδρειαν ἐπανελθεῖν, τὸν δὲ Μῆδον εἰσ ὡρ́αν ἔτουσ ἀναβαλέσθαι, καίπερ ἐν στάσει τῶν Παρθικῶν εἶναι λεγομένων.

οὐ μὴν ἀλλὰ τοῦτον μὲν ἀναβὰσ αὖθισ εἰσ φιλίαν προσηγάγετο, καὶ λαβὼν ἑνὶ τῶν ἐκ Κλεοπάτρασ υἱῶν γυναῖκα μίαν αὐτοῦ τῶν θυγατέρων ἔτι μικρὰν οὖσαν ἐγγυήσασ ἐπανῆλθεν, ἤδη πρὸσ τὸν ἐμφύλιον πόλεμον τετραμμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 53

(플루타르코스, Antony, chapter 53)

상위

목록

SEARCH

MENU NAVIGATION