Plutarch, Antony, chapter 29

(플루타르코스, Antony, chapter 29)

ἡ δὲ Κλεοπάτρα τὴν κολακείαν οὐχ, ὥσπερ ὁ Πλάτων φησί, τετραχῆ, πολλαχῆ δὲ διελοῦσα, καὶ σπουδῆσ ἁπτομένῳ καὶ παιδιᾶσ ἀεί τινα καινὴν ἡδονὴν ἐπιφέρουσα καὶ χάριν, διεπαιδαγώγει τὸν Ἀντώνιον οὔτε νυκτὸσ οὔτε ἡμέρασ ἀνιεῖσα. καὶ γὰρ συνεκύβευε καὶ συνέπινε καὶ συνεθήρευε καὶ γυμναζόμενον ἐν ὅπλοισ ἐθεᾶτο, καὶ νύκτωρ προσισταμένῳ θύραισ καὶ θυρίσι δημοτῶν καὶ σκώπτοντι τοὺσ ἔνδον συνεπλανᾶτο καὶ συνήλυε θεραπαινιδίου στολὴν λαμβάνουσα καὶ γὰρ ἐκεῖνοσ οὕτωσ ἐπειρᾶτο σκευάζειν ἑαυτόν. ὅθεν ἀεὶ σκωμμάτων, πολλάκισ δὲ καὶ πληγῶν ἀπολαύσασ ἐπανήρχετο· τοῖσ δὲ πλείστοισ ἦν δἰ ὑπονοίασ.

οὐ μὴν ἀλλὰ προσέχαιρον αὐτοῦ τῇ βωμολοχίᾳ καὶ συνέπαιζον οὐκ ἀρρύθμωσ οὐδὲ ἀμούσωσ οἱ Ἀλεξανδρεῖσ, ἀγαπῶντεσ καὶ λέγοντεσ ὡσ τῷ τραγικῷ πρὸσ τοὺσ Ῥωμαίουσ χρῆται προσώπῳ, τῷ δὲ κωμικῷ πρὸσ αὐτούσ. τὰ μὲν οὖν πολλὰ τῶν ὑπ’ αὐτοῦ παιζομένων διηγεῖσθαι πολὺσ ἂν εἰή φλύαροσ·

ἐπεὶ δὲ ἁλιεύων ποτὲ καὶ δυσαγρῶν ἤχθετο παρούσησ τῆσ Κλεοπάτρασ, ἐκέλευσε τοὺσ ἁλιεῖσ ὑπονηξαμένουσ κρύφα τῷ ἀγκίστρῳ περικαθάπτειν ἰχθῦσ τῶν προεαλωκότων, καὶ δὶσ ἢ τρὶσ ἀνασπάσασ οὐκ ἔλαθε τὴν Αἰγυπτίαν. προσποιουμένη δὲ θαυμάζειν τοῖσ φίλοισ διηγεῖτο, καὶ παρεκάλει τῇ ὑστεραίᾳ γενέσθαι θεατάσ. ἐμβάντων δὲ πολλῶν εἰσ τὰσ ἁλιάδασ καὶ τοῦ Ἀντωνίου τὴν ὁρμιὰν καθέντοσ, ἐκέλευσέ τινα τῶν αὑτῆσ ὑποφθάσαντα καὶ προσνηξάμενον τῷ ἀγκίστρῳ περιπεῖραι Ποντικὸν τάριχοσ.

"τὸν κάλαμον, αὐτόκρατορ, τοῖσ Φαρίταισ καὶ Κανωβίταισ ἁλιεῦσιν· "ἡ δὲ σὴ θήρα πόλεισ εἰσὶ καὶ βασιλεῖαι καὶ ἤπειροι.

일치하는 문장이 없습니다.

SEARCH

MENU NAVIGATION