Plutarch, Antony, chapter 58

(플루타르코스, Antony, chapter 58)

Καῖσαρ δὲ τὸ τάχοσ καὶ τὸ μέγεθοσ τῆσ παρασκευῆσ ἀκούσασ ἐθορυβήθη, μὴ τοῦ θέρουσ ἐκείνου διαπολεμεῖν ἀναγκασθῇ. καὶ γὰρ ἐνέδει πολλά, καὶ τοὺσ ἀνθρώπουσ ἐλύπουν αἱ τῶν χρημάτων εἰσπράξεισ· ἀναγκαζόμενοι γὰρ οἱ μὲν ἄλλοι τὰ τέταρτα τῶν καρπῶν, οἱ δὲ ἐξελευθερικοὶ τῶν κτημάτων αὐτῶν τὰσ ὀγδόασ ἀποφέρειν κατεβόων αὐτοῦ, καὶ ταραχαὶ κατεῖχον ἐκ τούτων ἅπασαν τὴν Ἰταλίαν. ὅθεν ἐν τοῖσ μεγίστοισ ἁμαρτήμασιν Ἀντωνίου τὴν ἀναβολὴν τοῦ πολέμου τίθενται.

καὶ γὰρ παρασκευάσασθαι χρόνον ἔδωκε Καίσαρι καὶ τὰσ ταραχὰσ τῶν ἀνθρώπων ἐξέλυσε. πραττόμενοι γὰρ ἠγριαίνοντο, πραχθέντεσ δὲ καὶ δόντεσ ἡσύχαζον. Τίτιοσ δὲ καὶ Πλάγκοσ, Ἀντωνίου φίλοι τῶν ὑπατικῶν, ὑπὸ Κλεοπάτρασ προπηλακιζόμενοι ̔πλεῖστα γὰρ ἠναντιώθησαν αὐτῇ περὶ τοῦ συστρατεύειν’ ἀποδράντεσ ᾤχοντο πρὸσ Καίσαρα, καὶ περὶ τῶν Ἀντωνίου διαθηκῶν ἐγένοντο μηνυταί, τὰ γεγραμμένα συνειδότεσ. ἀπέκειντο δ’ αὗται παρὰ ταῖσ Ἑστιάσι παρθένοισ, καὶ Καίσαροσ αἰτοῦντοσ οὐκ ἔδωκαν·

εἰ δὲ βούλοιτο λαμβάνειν, ἐλθεῖν αὐτὸν ἐκέλευον. ἔλαβεν οὖν ἐλθών· καὶ πρῶτον μὲν αὐτὸσ ἰδίᾳ τὰ γεγραμμένα διῆλθε, καὶ παρεσημήνατο τόπουσ τινὰσ εὐκατηγορήτουσ· ἔπειτα τὴν βουλὴν ἀθροίσασ ἀνεγίνωσκε, τῶν πλείστων ἀηδῶσ ἐχόντων. ἀλλόκοτον γὰρ ἔδοξεν εἶναι καὶ δεινόν, εὐθύνασ τινὰ διδόναι ζῶντα περὶ ὧν ἐβουλήθη γενέσθαι μετὰ τὴν τελευτήν.

ἐπεφύετο δὲ τῶν γεγραμμένων μάλιστα τῷ περὶ τῆσ ταφῆσ. ἐκέλευε γὰρ αὑτοῦ τὸ σῶμα, κἂν ἐν Ῥώμῃ τελευτήσῃ, δἰ ἀγορᾶσ πομπευθὲν εἰσ Ἀλεξάνδρειαν ὡσ Κλεοπάτραν ἀποσταλῆναι. Καλουΐσιοσ δὲ Καίσαροσ ἑταῖροσ ἔτι καὶ ταῦτα τῶν εἰσ Κλεοπάτραν ἐγκλημάτων Ἀντωνίῳ προὔφερε·

χαρίσασθαι μὲν αὐτῇ τὰσ ἐκ Περγάμου βιβλιοθήκασ, ἐν αἷσ εἴκοσι μυριάδεσ βιβλίων ἁπλῶν ἦσαν· ἐν δὲ συνδείπνῳ πολλῶν παρόντων ἀναστάντα τρίβειν αὐτῆσ τοὺσ πόδασ ἔκ τινοσ ὁρισμοῦ καὶ συνθήκησ γενομένησ· Ἐφεσίουσ δὲ ἀνασχέσθαι παρόντοσ αὐτοῦ κυρίαν τὴν Κλεοπάτραν ἀσπασαμένουσ· δικάζοντα δὲ πολλάκισ τετράρχαισ καὶ βασιλεῦσιν ἐπὶ βήματοσ δελτάρια τῶν ἐρωτικῶν ὀνύχινα καὶ κρυστάλλινα δέχεσθαι παρ’ αὐτῆσ καὶ ἀναγινώσκειν·

Φουρνίου δὲ λέγοντοσ, ὃσ ἦν ἀξιώματοσ μεγάλου καὶ δεινότατοσ εἰπεῖν Ῥωμαίων, τὴν μὲν Κλεοπάτραν ἐν φορείῳ διὰ τῆσ ἀγορᾶσ κομίζεσθαι, τὸν δὲ Ἀντώνιον, ὡσ εἶδεν, ἀναπηδήσαντα τὴν μὲν δίκην ἀπολιπεῖν, ἐκκρεμαννύμενον δὲ τοῦ φορείου παραπέμπειν ἐκείνην.

일치하는 문장이 없습니다.

SEARCH

MENU NAVIGATION