헬라어 텍스트

Plutarch, Antony, chapter 75

(플루타르코스, Antony, chapter 75)

πάλιν δὲ Ἀντώνιοσ ἔπεμπε Καίσαρα μονομαχῆσαι προκαλούμενοσ. ἀποκριναμένου δὲ ἐκείνου πολλὰσ ὁδοὺσ Ἀντωνίῳ παρεῖναι θανάτων, συμφρονήσασ ὅτι τοῦ διὰ μάχησ οὐκ ἔστιν αὐτῷ βελτίων θάνατοσ, ἔγνω καὶ κατὰ γῆν ἅμα καὶ θάλατταν ἐπιχειρεῖν. καὶ παρὰ δεῖπνον, ὡσ λέγεται, τοὺσ οἰκέτασ ἐκέλευσεν ὑποχεῖν καὶ προθυμότερον εὐωχεῖν αὐτόν· ἄδηλον γάρ, εἰ τοῦτο ποιήσουσιν αὔριον ἢ δεσπόταισ ἑτέροισ ὑπηρετήσουσιν, αὐτὸσ δὲ κείσεται σκελετὸσ καὶ τὸ μηδὲν γενόμενοσ.

τοὺσ δὲ φίλουσ ἐπὶ τούτοισ δακρύοντασ ὁρῶν ἔφη μὴ προάξειν ἐπὶ τὴν μάχην, ἐξ ἧσ αὑτῷ θάνατον εὐκλεᾶ μᾶλλον ἢ σωτηρίαν ζητεῖν καὶ νίκην. ἐν ταύτῃ τῇ νυκτὶ λέγεται, μεσούσησ σχεδόν, ἐν ἡσυχίᾳ καὶ κατηφείᾳ τῆσ πόλεωσ διὰ φόβον καὶ προσδοκίαν τοῦ μέλλοντοσ οὔσησ, αἰφνίδιον ὀργάνων τε παντοδαπῶν ἐμμελεῖσ τινασ φωνὰσ ἀκουσθῆναι καὶ βοὴν ὄχλου μετὰ εὐασμῶν καὶ πηδήσεων σατυρικῶν, ὥσπερ θιάσου τινὸσ οὐκ ἀθορύβωσ ἐξελαύνοντοσ·

εἶναι δὲ τὴν ὁρμὴν ὁμοῦ τι διὰ τῆσ πόλεωσ μέσησ ἐπὶ τὴν πύλην ἔξω τὴν τετραμμένην πρὸσ τοὺσ πολεμίουσ, καὶ ταύτῃ τὸν θόρυβον ἐκπεσεῖν πλεῖστον γενόμενον.

ἐδόκει δὲ τοῖσ ἀναλογιζομένοισ τὸ σημεῖον ἀπολείπειν ὁ θεὸσ Ἀντώνιον, ᾧ μάλιστα συνεξομοιῶν καὶ συνοικειῶν ἑαυτὸν διετέλεσεν.