헬라어 문장 검색 - Πλυταρ́Αντονψ́33́

(플루타르코스, Antony, chapter 33)

Ἀντώνιοσ δὲ μετὰ τὰσ διαλύσεισ Οὐεντίδιον μὲν εἰσ Ἀσίαν προὔπεμπε Πάρθοισ ἐμποδὼν ἐσόμενον τοῦ πρόσω χωρεῖν, αὐτὸσ δὲ Καίσαρι χαριζόμενοσ ἱερεὺσ ἀπεδείχθη τοῦ προτέρου Καίσαροσ· καὶ τἆλλα κοινῶσ καὶ φιλικῶσ ἐν τοῖσ πολιτικοῖσ καὶ μεγίστοισ ἔπραττον. αἱ δὲ περὶ τὰσ παιδιὰσ ἅμιλλαι τὸν Ἀντώνιον ἐλύπουν ἀεὶ τοῦ Καίσαροσ ἔλαττον φερόμενον. ἦν γάρ τισ ἀνὴρ σὺν αὐτῷ μαντικὸσ ἀπ’ Αἰγύπτου τῶν τὰσ γενέσεισ ἐπισκοπούντων, ὃσ εἴτε Κλεοπάτρᾳ χαριζόμενοσ εἴτε χρώμενοσ ἀληθείᾳ πρὸσ τὸν Ἀντώνιον ἐπαρρησιάζετο, λέγων τὴν τύχην αὐτοῦ λαμπροτάτην οὖσαν καὶ μεγίστην ὑπὸ τῆσ Καίσαροσ ἀμαυροῦσθαι, καὶ συνεβούλευε πορρωτάτω τοῦ νεανίσκου ποιεῖν ἑαυτόν.

"δαίμων τὸν τούτου φοβεῖται· "καὶ γαῦροσ ὢν καὶ ὑψηλὸσ ὅταν ᾖ καθ’ ἑαυτόν, ὑπ’ ἐκείνου γίνεται ταπεινότεροσ ἐγγίσαντοσ καὶ ἀγεννέστεροσ. καὶ μέντοι τὰ γινόμενα τῷ Αἰγυπτίῳ μαρτυρεῖν ἐδόκει.

λέγεται γὰρ ὅτι κληρουμένων μετὰ παιδιᾶσ ἐφ’ ὅτῳ τύχοιεν ἑκάστοτε καὶ κυβευόντων ἔλαττον ἔχων ὁ Ἀντώνιοσ ἀπῄει. πολλάκισ δὲ συμβαλόντων ἀλεκτρυόνασ, πολλάκισ δὲ μαχίμουσ ὄρτυγασ, ἐνίκων οἱ Καίσαροσ. ἐφ’ οἷσ ἀνιώμενοσ ἀδήλωσ ὁ Ἀντώνιοσ καὶ μᾶλλόν τι τῷ Αἰγυπτίῳ προσέχων, ἀπῆρεν ἐκ τῆσ Ἰταλίασ, ἐγχειρίσασ Καίσαρι τὰ οἰκεῖα· τὴν δὲ Ὀκταουίαν ἄχρι τῆσ Ἑλλάδοσ ἐπήγετο θυγατρίου γεγονότοσ αὐτοῖσ. διαχειμάζοντι δὲ αὐτῷ περὶ Ἀθήνασ ἀπαγγέλλεται τὰ πρῶτα τῶν Οὐεντιδίου κατορθωμάτων, ὅτι μάχῃ τοὺσ Πάρθουσ κρατήσασ Λαβιηνὸν ἀπεκτόνοι καὶ Φαρναπάτην ἡγεμονικώτατον τῶν Ὑρώδου βασιλέωσ στρατηγῶν.

ἐπὶ τούτοισ εἱστία τοὺσ Ἕλληνασ, ἐγυμνασιάρχει δὲ Ἀθηναίοισ, καὶ τὰ τῆσ ἡγεμονίασ παράσημα καταλιπὼν οἴκοι μετὰ τῶν γυμνασιαρχικῶν ῥάβδων ἐν ἱματίῳ καὶ φαικασίοισ προῄει καὶ διαλαμβάνων τοὺσ νεανίσκουσ ἐτραχήλιζεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 33

(플루타르코스, Antony, chapter 33)

상위

목록

SEARCH

MENU NAVIGATION