헬라어 문장 검색 - Πλυταρ́Αντονψ́54́

(플루타르코스, Antony, chapter 54)

Ὀκταουίαν δὲ Καῖσαρ ὑβρίσθαι δοκοῦσαν, ὡσ ἐπανῆλθεν ἐξ Ἀθηνῶν, ἐκέλευσε καθ’ ἑαυτὴν οἰκεῖν. ἡ δὲ οὐκ ἔφη τὸν οἶκον ἀπολείψειν τοῦ ἀνδρόσ, ἀλλὰ κἀκεῖνον αὐτόν, εἰ μὴ δἰ ἑτέρασ αἰτίασ ἔγνωκε πολεμεῖν Ἀντωνίῳ, παρεκάλει τὰ καθ’ ἑαυτὴν ἐᾶν, ὡσ οὐδὲ ἀκοῦσαι καλόν, εἰ τῶν μεγίστων αὐτοκρατόρων ὁ μὲν δἰ ἔρωτα γυναικόσ, ὁ δὲ διὰ ζηλοτυπίαν εἰσ ἐμφύλιον πόλεμον Ῥωμαίουσ κατέστησε. ταῦτα δὲ λέγουσα μᾶλλον ἐβεβαίου δἰ ἔργων.

καὶ γὰρ ᾤκει τὴν οἰκίαν, ὥσπερ αὐτοῦ παρόντοσ ἐκείνου, καὶ τῶν τέκνων οὐ μόνον τῶν ἐξ ἑαυτῆσ, ἀλλὰ καὶ τῶν ἐκ Φουλβίασ γεγονότων, καλῶσ καὶ μεγαλοπρεπῶσ ἐπεμελεῖτο· καὶ τοὺσ πεμπομένουσ ἐπὶ ἀρχάσ τινασ ἢ πράγματα τῶν Ἀντωνίου φίλων ὑποδεχομένη συνέπραττεν ὧν παρὰ Καίσαροσ δεηθεῖεν. ἄκουσα δὲ ἔβλαπτε διὰ τούτων Ἀντώνιον· ἐμισεῖτο γὰρ ἀδικῶν γυναῖκα τοιαύτην. ἐμισήθη δὲ καὶ διὰ τὴν διανέμησιν ἣν ἐποιήσατο τοῖσ τέκνοισ ἐν Ἀλεξανδρείᾳ, τραγικὴν καὶ ὑπερήφανον καὶ μισορρώμαιον φανεῖσαν.

ἐμπλήσασ γὰρ ὄχλου τὸ γυμνάσιον καὶ θέμενοσ ἐπὶ βήματοσ ἀργυροῦ δύο θρόνουσ χρυσοῦσ, τὸν μὲν ἑαυτῷ, τὸν δὲ Κλεοπάτρᾳ, καὶ τοῖσ παισὶν ἑτέρουσ ταπεινοτέρουσ, πρῶτον μὲν ἀπέφηνε Κλεοπάτραν βασίλισσαν Αἰγύπτου καὶ Κύπρου καὶ Λιβύησ καὶ κοίλησ Συρίασ, συμβασιλεύοντοσ αὐτῇ Καισαρίωνοσ, ὃσ ἐκ Καίσαροσ ἐδόκει τοῦ προτέρου γεγονέναι Κλεοπάτραν ἔγκυον καταλιπόντοσ· δεύτερον δὲ τοὺσ ἐξ αὑτοῦ καὶ Κλεοπάτρασ υἱοὺσ βασιλεῖσ βασιλέων ἀναγορεύσασ Ἀλεξάνδρῳ μὲν Ἀρμενίαν ἀπένειμε καὶ Μηδίαν καὶ τὰ Πάρθων, ὅταν ὑπαγάγηται, Πτολεμαίῳ δὲ Φοινίκην καὶ Συρίαν καὶ Κιλικίαν.

ἅμα δὲ καὶ προήγαγε τῶν παίδων Ἀλέξανδρον μὲν ἐσθῆτι Μηδικῇ τιάραν καὶ κίταριν ὀρθὴν ἐχούσῃ, Πτολεμαῖον δὲ κρηπῖσι καὶ χλανίδι καὶ καυσίᾳ διαδηματοφόρῳ κεκοσμημένον.

αὕτη γὰρ ἦν σκευὴ τῶν ἀπ’ Ἀλεξάνδρου βασιλέων, ἐκείνη δὲ Μήδων καὶ Ἀρμενίων. ἀσπασαμένων δὲ τῶν παίδων τοὺσ γονεῖσ, τὸν μὲν Ἀρμενίων φυλακὴ περιΐστατο, τὸν δὲ Μακεδόνων.

Κλεοπάτρα μὲν γὰρ καὶ τότε καὶ τὸν ἄλλον χρόνον εἰσ πλῆθοσ ἐξιοῦσα στολὴν ἱερὰν Ἴσιδοσ ἐλάμβανε καὶ νέα Ἶσισ ἐχρημάτιζε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Antony, chapter 54

(플루타르코스, Antony, chapter 54)

상위

목록

SEARCH

MENU NAVIGATION