호흡부호 보기
강세부호 보기
장단부호 보기
작은 Iota 보기
모든 부호 보기
ἐπὶ δ’ οὖν ταῖσ διαλλαγαῖσ ταύταισ οἱ στρατιῶται περιστάντεσ ἠξίουν καὶ γάμῳ τινὶ τὴν φιλίαν συνάψαι Καίσαρα, λαβόντα τὴν Φουλβίασ τῆσ Ἀντωνίου γυναικὸσ θυγατέρα Κλωδίαν. ὁμολογηθέντοσ δὲ καὶ τούτου τριακόσιοι μὲν ἐκ προγραφῆσ ἐθανατώθησαν ὑπ’ αὐτῶν· Κικέρωνοσ δὲ σφαγέντοσ ἐκέλευσεν Ἀντώνιοσ τήν τε κεφαλὴν ἀποκοπῆναι καὶ τὴν χεῖρα τὴν δεξιάν, ᾗ τοὺσ κατ’ αὐτοῦ λόγουσ ἔγραψε.
καὶ κομισθέντων ἐθεᾶτο γεγηθὼσ καὶ ἀνακαγχάζων ὑπὸ χαρᾶσ πολλάκισ· εἶτα ἐμπλησθεὶσ ἐκέλευσεν ὑπὲρ τοῦ βήματοσ ἐν ἀγορᾷ τεθῆναι, καθάπερ εἰσ τὸν νεκρὸν ὑβρίζων, οὐχ αὑτὸν ἐνυβρίζοντα τῇ τύχῃ καὶ καταισχύνοντα τὴν ἐξουσίαν ἐπιδεικνύμενοσ. ὁ δὲ θεῖοσ αὐτοῦ Καῖσαρ ζητούμενοσ καὶ διωκόμενοσ κατέφυγε πρὸσ τὴν ἀδελφήν.
ἡ δέ, τῶν σφαγέων ἐπιστάντων καὶ βιαζομένων εἰσ τὸ δωμάτιον αὐτῆσ, ἐν ταῖσ θύραισ στᾶσα καὶ διασχοῦσα τὰσ χεῖρασ ἐβόα πολλάκισ· "οὐκ ἀποκτενεῖτε Καίσαρα Λεύκιον, ἐὰν μὴ πρότερον ἐμὲ ἀποκτείνητε τὴν τὸν αὐτοκράτορα τεκοῦσαν. ἐκείνη μὲν οὖν τοιαύτη γενομένη διέκλεψε καὶ διέσωσε τὸν ἀδελφόν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기