헬라어 텍스트

Plutarch, Antony, chapter 78

(플루타르코스, Antony, chapter 78)

ὅσον δὲ ἀπολιπόντοσ αὐτοῦ Προκλήϊοσ ἧκε παρὰ Καίσαροσ. ἐπεὶ γὰρ ἑαυτὸν πατάξασ ὁ Ἀντώνιοσ ᾤχετο πρὸσ Κλεοπάτραν κομιζόμενοσ, Δερκεταῖόσ τισ τῶν δορυφόρων λαβὼν τὸ ἐγχειρίδιον αὐτοῦ καὶ ἀποκρύψασ ὑπεξῆλθε, καὶ δραμὼν πρὸσ Καίσαρα πρῶτοσ ἤγγειλε τὴν Ἀντωνίου τελευτήν, καὶ τὸ ξίφοσ ἔδειξεν ᾑμαγμένον. ὁ δὲ ὡσ ἤκουσεν, ἐνδοτέρω τῆσ σκηνῆσ ἀποστὰσ ἀπεδάκρυσεν ἄνδρα κηδεστὴν γενόμενον καὶ συνάρχοντα καὶ πολλῶν ἀγώνων καὶ πραγμάτων κοινωνόν.

εἶτα τὰσ ἐπιστολὰσ λαβὼν καὶ τοὺσ φίλουσ καλέσασ ἀνεγίνωσκεν ὡσ εὐγνώμονα γράφοντοσ αὐτοῦ καὶ δίκαια φορτικὸσ ἦν καὶ ὑπερήφανοσ ἀεὶ περὶ τὰσ ἀποκρίσεισ ἐκεῖνοσ. ἐκ δὲ τούτου τὸν Προκλήϊον ἔπεμψε κελεύσασ, ἢν δύνηται, μάλιστα τῆσ Κλεοπάτρασ ζώσησ κρατῆσαι·

καὶ γὰρ ἐφοβεῖτο περὶ τῶν χρημάτων, καὶ μέγα πρὸσ δόξαν ἡγεῖτο τοῦ θριάμβου καταγαγεῖν ἐκείνην. εἰσ μὲν οὖν χεῖρασ τῷ Προκληϊῴ συνελθεῖν οὐκ ἠθέλησεν· ἐγίνοντο δὲ λόγοι τῷ οἰκήματι προσελθόντοσ ἔξωθεν αὐτοῦ κατὰ θύρασ ἐπιπέδουσ, ἀποκεκλειμένασ μὲν ὀχυρῶσ, φωνῇ δὲ διέξοδον ἐχούσασ.

καὶ διελέχθησαν ἡ μὲν αἰτουμένη τοῖσ παισὶ τὴν βασιλείαν, ὁ δὲ θαρρεῖν καὶ πάντα πιστεύειν Καίσαρι κελεύων.