헬라어 문장 검색 - Πλυταρ́Αντονψ́06́

(플루타르코스, Antony, chapter 6)

ἐκ τούτου λαβὼν τὴν στρατιὰν ὁ Καῖσαρ εἰσ Ἰταλίαν ἐνέβαλε. διὸ καὶ Κικέρων ἐν τοῖσ Φιλιππικοῖσ ἔγραψε τοῦ μὲν Τρωϊκοῦ πολέμου τὴν Ἑλένην, τοῦ δ’ ἐμφυλίου τὸν Ἀντώνιον ἀρχὴν γενέσθαι, περιφανῶσ ψευδόμενοσ. οὐ γὰρ οὕτωσ εὐχερὴσ ἦν οὐδὲ ῥᾴδιοσ ὑπ’ ὀργῆσ ἐκπεσεῖν τῶν λογισμῶν Γάϊοσ Καῖσαρ ὥστε, εἰ μὴ ταῦτα πάλαι ἔγνωστο πράττειν, οὕτωσ ἂν ἐπὶ καιροῦ τὸν κατὰ τῆσ πατρίδοσ ἐξενεγκεῖν πόλεμον, ὅτι φαύλωσ ἠμφιεσμένον εἶδεν Ἀντώνιον καὶ Κάσσιον ἐπὶ ζεύγουσ μισθίου πεφευγότασ πρὸσ αὐτόν, ἀλλὰ ταῦτα πάλαι δεομένῳ προφάσεωσ σχῆμα καὶ λόγον εὐπρεπῆ τοῦ πολέμου παρέσχεν.

ἦγε δὲ αὐτὸν ἐπὶ πάντασ ἀνθρώπουσ ἃ καὶ πρότερον Ἀλέξανδρον καὶ πάλαι Κῦρον, ἔρωσ ἀπαρηγόρητοσ ἀρχῆσ καὶ περιμανὴσ ἐπιθυμία τοῦ πρῶτον εἶναι καὶ μέγιστον·

ὧν τυχεῖν οὐκ ἦν μὴ Πομπηϊού καταλυθέντοσ. ὡσ δ’ οὖν ἐπελθὼν ἐκράτησε τῆσ Ῥώμησ καὶ Πομπήϊον ἐξήλασε τῆσ Ἰταλίασ καὶ πρὸσ τὰσ ἐν Ἰβηρίᾳ Πομπηϊού δυνάμεισ ἐπιστρέφειν ἔγνω πρότερον, εἶτα οὕτωσ παρασκευασ άμενοσ στόλον ἐπὶ Πομπήϊον διαβαίνειν, Λεπίδῳ μὲν στρατηγοῦντι τὴν Ῥώμην, Ἀντωνίῳ δὲ δημαρχοῦντι τὰ στρατεύματα καὶ τὴν Ἰταλίαν ἐπέτρεψεν.

ὁ δὲ τοῖσ μὲν στρατιώταισ εὐθὺσ προσφιλὴσ ἦν συγγυμναζόμενοσ καὶ συνδιαιτώμενοσ τὰ πολλὰ καὶ δωρούμενοσ ἐκ τῶν παρόντων, τοῖσ δὲ ἄλλοισ ἐπαχθήσ.

καὶ γὰρ ἀδικουμένων ὑπὸ ῥᾳθυμίασ ὠλιγώρει, καὶ πρὸσ ὀργὴν ἠκροᾶτο τῶν ἐντυγχανόντων καὶ κακῶσ ἐπὶ γυναιξὶν ἀλλοτρίαισ ἤκουε. καὶ ὅλωσ τὴν Καίσαροσ ἀρχήν, πάντα μᾶλλον ἢ τυραννίδα δἰ αὐτὸν ἐκεῖνον φανεῖσαν, οἱ φίλοι διέβαλλον, ὧν Ἀντώνιοσ ἀπ’ ἐξουσίασ μεγίστησ ἁμαρτάνειν μέγιστα δόξασ τὴν πλείστην αἰτίαν ἔλαβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Antony, chapter 6

(플루타르코스, Antony, chapter 6)

상위

목록

SEARCH

MENU NAVIGATION