헬라어 문장 검색 - Διοδορ́Λιβραρψ́6́57́

(디오도로스 시켈로스, Library, book xiii, chapter 98)

Καλλικρατίδασ δ’ ὁ ναύαρχοσ συναγαγὼν τὰ πλήθη καὶ παραθαρσύνασ τοῖσ οἰκείοισ λόγοισ, τὸ τελευταῖον εἶπεν· εἰσ τὸν ὑπὲρ τῆσ πατρίδοσ κίνδυνον οὕτωσ εἰμὶ πρόθυμοσ αὐτόσ, ὥστε τοῦ μάντεωσ λέγοντοσ διὰ τῶν ἱερείων ὑμῖν μὲν προσημαίνεσθαι νίκην, ἐμοὶ δὲ θάνατον, ὅμωσ ἕτοιμόσ εἰμι τελευτᾶν. εἰδὼσ οὖν μετὰ τὸν τῶν ἡγεμόνων θάνατον ἐν θορύβῳ τὰ στρατόπεδα γινόμενα, νῦν ἀναδεικνύω ναύαρχον, ἂν ἐγώ τι πάθω, τὸν διαδεξόμενον Κλέαρχον, ἄνδρα πεῖραν δεδωκότα τῶν κατὰ τὸν πόλεμον ἔργων. ὁ μὲν οὖν Καλλικρατίδασ ταῦτ’ εἰπὼν οὐκ ὀλίγουσ ἐποίησε ζηλῶσαι τὴν ἀρετὴν αὐτοῦ καὶ προθυμοτέρουσ γενέσθαι πρὸσ τὴν μάχην.

καὶ Λακεδαιμόνιοι μὲν παρακαλοῦντεσ ἀλλήλουσ ἀνέβαινον εἰσ τὰσ ναῦσ· οἱ δ’ Ἀθηναῖοι, παρακληθέντεσ ὑπὸ τῶν στρατηγῶν εἰσ τὸν ἀγῶνα, κατὰ σπουδὴν ἐπλήρουν τὰσ τριήρεισ καὶ πάντεσ εἰσ τάξιν καθίσταντο. τοῦ μὲν οὖν δεξιοῦ κέρατοσ Θράσυλλοσ ἡγεῖτο καὶ Περικλῆσ ὁ Περικλέουσ τοῦ προσαγορευθέντοσ κατὰ τὴν δύναμιν Ὀλυμπίου·

συμπαρέλαβε δὲ καὶ Θηραμένην εἰσ τὸ δεξιὸν κέρασ, ἐφ’ ἡγεμονίασ τάξασ· ὃσ ἰδιώτησ ὢν μὲν συνεστράτευε τότε, πρότερον δὲ πολλάκισ ἦν ἀφηγημένοσ δυνάμεων· τοὺσ δ’ ἄλλουσ στρατηγοὺσ παρ’ ὅλην τὴν φάλαγγα διέταξε, καὶ τὰσ καλουμένασ Ἀργινούσασ νήσουσ συμπεριέλαβε τῇ τάξει, σπεύδων ὅτι πλεῖστον παρεκτεῖναι τὰσ ναῦσ. ὁ δὲ Καλλικρατίδασ ἀνήχθη τὸ μὲν δεξιὸν μέροσ αὐτὸσ ἔχων, τὸ δ’ εὐώνυμον παρέδωκε Βοιωτοῖσ, ὧν Θρασώνδασ ὁ Θηβαῖοσ τὴν ἡγεμονίαν ἔσχεν.

οὐ δυνάμενοσ δὲ τὴν τάξιν ἐξισῶσαι τοῖσ πολεμίοισ διὰ τὸ τὰσ νήσουσ πολὺν ἐπέχειν τόπον, διείλατο τὴν δύναμιν, καὶ δύο ποιήσασ στόλουσ πρὸσ ἑκάτερον μέροσ δίχα διηγωνίζετο. διὸ καὶ παρείχετο μεγάλην κατάπληξιν πολλαχῇ τοῖσ θεωμένοισ, ὡσ ἂν τεττάρων μὲν στόλων ναυμαχούντων, τῶν δὲ νεῶν συνηθροισμένων εἰσ ἕνα τόπον οὐ πολλαῖσ ἐλάττω τῶν τριακοσίων·

μεγίστη γὰρ αὕτη μνημονεύεται ναυμαχία γεγενημένη Ἕλλησι πρὸσ Ἕλληνασ. ἅμα δ’ οἵ τε ναύαρχοι τοῖσ σαλπιγκταῖσ παρεκελεύοντο σημαίνειν καὶ τὸ παρ’ ἑκατέροισ πλῆθοσ ἐναλλὰξ ἐπαλαλάζον ἐξαίσιον ἐποίει βοήν·

πάντεσ δὲ μετὰ σπουδῆσ ἐλαύνοντεσ τὸ ῥόθιον ἐφιλοτιμοῦντο πρὸσ ἀλλήλουσ, ἑκάστου σπεύδοντοσ πρώτου κατάρξασθαι τῆσ μάχησ. ἔμπειροί τε γὰρ ἦσαν τῶν κινδύνων οἱ πλεῖστοι διὰ τὸ μῆκοσ τοῦ πολέμου καὶ σπουδὴν ἀνυπέρβλητον εἰσεφέροντο διὰ τὸ τοὺσ κρατίστουσ εἰσ τὸν ὑπὲρ τῶν ὅλων ἀγῶνα συνηθροῖσθαι·

πάντεσ γὰρ ὑπελάμβανον τοὺσ ταύτῃ τῇ μάχῃ νικήσαντασ πέρασ ἐπιθήσειν τῷ πολέμῳ. οὐ μὴν ἀλλ’ ὁ Καλλικρατίδασ ἀκηκοὼσ τοῦ μάντεωσ τὴν περὶ αὐτὸν ἐσομένην τελευτήν, ἔσπευδεν ἐπιφανέστατον ἑαυτῷ περιποιήσασθαι θάνατον.

διόπερ πρῶτοσ ἐπὶ τὴν Λυσίου τοῦ στρατηγοῦ ναῦν ἐπιπλεύσασ, καὶ σὺν ταῖσ ἅμα πλεούσαισ τριήρεσιν ἐξ ἐφόδου τρώσασ, κατέδυσε· τῶν δ’ ἄλλων τὰσ μὲν τοῖσ ἐμβόλοισ τύπτων ἄπλουσ ἐποίει, τῶν δὲ τοὺσ ταρσοὺσ παρασύρων ἀχρήστουσ ἀπετέλει πρὸσ τὴν μάχην. τὸ δὲ τελευταῖον δοὺσ ἐμβολὴν τῇ τοῦ Περικλέουσ τριήρει βιαιότερον, τῆσ μὲν τριήρουσ ἐπὶ πολὺν ἀνέρρηξε τόπον, τοῦ δὲ στόματοσ ἐναρμοσθέντοσ εἰσ τὴν λακίδα, καὶ μὴ δυναμένων αὐτῶν ἀνακρούσασθαι, Περικλῆσ μὲν ἐπέβαλε τῇ τοῦ Καλλικρατίδα νηὶ σιδηρᾶν χεῖρα, προσαφθείσησ δ’ αὐτῆσ οἱ μὲν Ἀθηναῖοι περιστάντεσ τὴν ναῦν εἰσήλλοντο, καὶ περιχυθέντεσ τοὺσ ἐν αὐτῇ πάντασ ἀπέσφαξαν.

τότε δή φασι τὸν Καλλικρατίδαν λαμπρῶσ ἀγωνισάμενον καὶ πολὺν ἀντισχόντα χρόνον, τὸ τελευταῖον ὑπὸ τοῦ πλήθουσ πανταχόθεν τιτρωσκόμενον καταπονηθῆναι.

ὡσ δὲ τὸ περὶ τὸν ναύαρχον ἐλάττωμα συμφανὲσ ἐγένετο, συνέβη τοὺσ Πελοποννησίουσ δείσαντασ ἐγκλῖναι. τοῦ δὲ δεξιοῦ μέρουσ τῶν Πελοποννησίων φυγόντοσ, οἱ τὸ λαιὸν ἔχοντεσ Βοιωτοὶ χρόνον μέν τινα διεκαρτέρουν εὐρώστωσ ἀγωνιζόμενοι·

εὐλαβοῦντο γὰρ αὐτοί τε καὶ οἱ συγκινδυνεύοντεσ Εὐβοεῖσ καὶ πάντεσ οἱ τῶν Ἀθηναίων ἀφεστηκότεσ, μήποτε Ἀθηναῖοι τὴν ἀρχὴν ἀνακτησάμενοι τιμωρίαν παρ’ αὐτῶν λάβωσιν ὑπὲρ τῆσ ἀποστάσεωσ· ἐπειδὴ δὲ τὰσ πλείστασ ναῦσ ἑώρων τετρωμένασ καὶ τὸ πλῆθοσ τῶν νικώντων ἐπ’ αὐτοὺσ ἐπιστραφέν, ἠναγκάσθησαν φυγεῖν. τῶν μὲν οὖν Πελοποννησίων οἱ μὲν εἰσ Χίον, οἱ δ’ εἰσ Κύμην διεσώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 98

(디오도로스 시켈로스, Library, book xiii, chapter 98)

상위

목록

SEARCH

MENU NAVIGATION