헬라어 문장 검색 - Διοδορ́Λιβραρψ́6́56́

(디오도로스 시켈로스, Library, book xiii, chapter 97)

τούτων δὲ πραττομένων Ἀθηναῖοι μὲν κατὰ τὸ συνεχὲσ ἐλαττώμασι περιπίπτοντεσ, ἐποιήσαντο πολίτασ τοὺσ μετοίκουσ καὶ τῶν ἄλλων ξένων τοὺσ βουλομένουσ συναγωνίσασθαι· ταχὺ δὲ πολλοῦ πλήθουσ πολιτογραφηθέντοσ, οἱ στρατηγοὶ κατέγραφον τοὺσ εὐθέτουσ εἰσ τὴν στρατείαν. παρεσκευάσαντο δὲ ναῦσ ἑξήκοντα, καὶ ταύτασ πολυτελῶσ καταρτίσαντεσ ἐξέπλευσαν εἰσ Σάμον, ἐν ᾗ κατέλαβον τοὺσ ἄλλουσ στρατηγοὺσ ἀπὸ τῶν ἄλλων νήσων ὀγδοήκοντα τριήρεισ ἠθροικότασ. δεηθέντεσ δὲ καὶ τῶν Σαμίων προσπληρῶσαι δέκα τριήρεισ, ἀνήχθησαν ἁπάσαισ ταῖσ ναυσὶν οὔσαισ ἑκατὸν πεντήκοντα, καὶ κατέπλευσαν εἰσ τὰσ Ἀργινούσασ νήσουσ, σπεύδοντεσ λῦσαι τὴν Μιτυλήνησ πολιορκίαν.

ὁ δὲ τῶν Λακεδαιμονίων ναύαρχοσ Καλλικρατίδασ πυθόμενοσ τὸν κατάπλουν τῶν νεῶν, ἐπὶ μὲν τῆσ πολιορκίασ κατέλιπεν Ἐτεόνικον μετὰ τῆσ πεζῆσ δυνάμεωσ, αὐτὸσ δὲ πληρώσασ ναῦσ ἑκατὸν τεσσαράκοντα κατὰ σπουδὴν ἀνήχθη τῶν Ἀργινουσῶν περὶ θάτερα μέρη·

αἳ νῆσοι τότ’ ἦσαν οἰκούμεναι καὶ πολισμάτιον Αἰολικὸν ἔχουσαι, κείμεναι μεταξὺ Μιτυλήνησ καὶ Κύμησ, ἀπέχουσαι τῆσ ἠπείρου βραχὺ παντελῶσ καὶ τῆσ ἄκρασ τῆσ Κανίδοσ. οἱ δ’ Ἀθηναῖοι τὸν μὲν κατάπλουν τῶν πολεμίων εὐθέωσ ἔγνωσαν, οὐ μακρὰν ὁρμοῦντεσ, διὰ δὲ τὸ μέγεθοσ τῶν πνευμάτων τὸ μὲν ναυμαχεῖν ἀπέγνωσαν, εἰσ δὲ τὴν ἐχομένην ἡμέραν ἡτοιμάζοντο τὰ πρὸσ τὴν ναυμαχίαν, τὸ αὐτὸ ποιούντων καὶ τῶν Λακεδαιμονίων, καίπερ ἀμφοτέροισ ἀπαγορευόντων τῶν μάντεων.

τοῖσ μὲν γὰρ Λακεδαιμονίοισ ἡ τοῦ θύματοσ κεφαλὴ κειμένη παρὰ τὸν αἰγιαλὸν ἀφανὴσ ἐγεγόνει, προσκλύζοντοσ τοῦ κύματοσ·

διόπερ ὁ μάντισ προύλεγε, διότι τελευτήσει ναυμαχῶν ὁ ναύαρχοσ· οὗ ῥηθέντοσ φασὶ τὸν Καλλικρατίδαν εἰπεῖν, ὅτι τελευτήσασ κατὰ τὴν μάχην οὐδὲν ἀδοξοτέραν ποιήσει τὴν Σπάρτην. τῶν δ’ Ἀθηναίων ὁ στρατηγὸσ Θρασύβουλοσ, ὃσ ἦν ἐπὶ τῆσ ἡγεμονίασ ἐκείνην τὴν ἡμέραν, εἶδε κατὰ τὴν νύκτα τοιαύτην ὄψιν·

ἔδοξεν Ἀθήνησι τοῦ θεάτρου πλήθοντοσ αὐτόσ τε καὶ τῶν ἄλλων στρατηγῶν ἓξ ὑποκρίνεσθαι τραγῳδίαν Εὐριπίδου Φοινίσσασ· τῶν δ’ ἀντιπάλων ὑποκρινομένων τὰσ Ἱκέτιδασ δόξαι τὴν Καδμείαν νίκην αὐτοῖσ περιγενέσθαι, καὶ πάντασ ἀποθανεῖν μιμουμένουσ τὰ πράγματα τῶν ἐπὶ τὰσ Θήβασ στρατευσάντων. ἀκούσασ δ’ ὁ μάντισ ταῦτα διεσάφει τοὺσ ἑπτὰ τῶν στρατηγῶν ἀναιρεθήσεσθαι.

τῶν δ’ ἱερῶν φερόντων νίκην, οἱ στρατηγοὶ περὶ μὲν τῆσ ἑαυτῶν ἀπωλείασ ἐκώλυον ἑτέροισ ἀπαγγέλλειν, περὶ δὲ τῆσ ἐν τοῖσ ἱεροῖσ νίκησ ἀνήγγειλαν καθ’ ὅλην τὴν δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 97

(디오도로스 시켈로스, Library, book xiii, chapter 97)

상위

목록

SEARCH

MENU NAVIGATION