헬라어 문장 검색 - Διοδορ́Λιβραρψ́6́13́

(디오도로스 시켈로스, Library, book xiii, chapter 23)

καλόν, ὦ ἄνδρεσ Συρακόσιοι, κατάρξασθαι φιλίασ, καὶ τῷ τῶν ἠτυχηκότων ἐλέῳ σπείσασθαι τὴν διαφοράν. δεῖ γὰρ τὴν μὲν πρὸσ τοὺσ φίλουσ εὔνοιαν ἀθάνατον φυλάττειν, τὴν δὲ πρὸσ τοὺσ ἐναντίουσ ἔχθραν θνητήν· οὕτω γὰρ συμβήσεται τοὺσ μὲν συμμάχουσ γίνεσθαι πλείουσ, τοὺσ δὲ πολεμίουσ ἐλάττουσ. τὴν δὲ διαφορὰν αἰώνιον διαφυλάττοντασ παραδιδόναι παισὶ παίδων οὔτ’ εὔγνωμον οὔτε ἀσφαλέσ·

ἐνίοτε γὰρ οἱ δοκοῦντεσ ὑπερέχειν ἐν ῥοπῇ καιροῦ τῶν πρότερον ὑποπεπτωκότων ἀσθενέστεροι γίνονται. μαρτυρεῖ δ’ ὁ νῦν γενόμενοσ πόλεμοσ·

οἱ γὰρ ἐπὶ πολιορκίᾳ παραγενόμενοι καὶ διὰ τὴν ὑπεροχὴν ἀποτειχίσαντεσ τὴν πόλιν ἐκ μεταβολῆσ αἰχμάλωτοι γεγόνασιν, ὡσ ὁρᾶτε. καλὸν οὖν ἐν ταῖσ τῶν ἄλλων ἀτυχίαισ ἡμέρουσ φανέντασ ἕτοιμον ἔχειν τὸν παρὰ πάντων ἔλεον, ἐάν τι συμβαίνῃ τῶν ἀνθρωπίνων. πολλὰ γὰρ ὁ βίοσ ἔχει παράδοξα, στάσεισ πολιτικάσ, λῃστείασ, πολέμουσ, ἐν οἷσ οὐ ῥᾴδιον διαφεύγειν τὸν κίνδυνον ἄνθρωπον ὄντα. διόπερ εἰ τὸν πρὸσ τοὺσ ὑποπεπτωκότασ ἔλεον ἀποκόψομεν, πικρὸν καθ’ ἑαυτῶν νόμον θήσομεν εἰσ ἅπαντα τὸν αἰῶνα.

οὐ γὰρ δυνατὸν τοὺσ ἄλλοισ ἀνημέρωσ χρησαμένουσ αὐτοὺσ παρ’ ἑτέρων τυχεῖν ποτε φιλανθρωπίασ, ἄλλουσ τε πράξαντασ δεινὰ παθεῖν εὐγνώμονα, καὶ παρὰ τοὺσ τῶν Ἑλλήνων ἐθισμοὺσ τοσούτουσ ἄνδρασ φονεύσαντασ ἐν ταῖσ τοῦ βίου μεταβολαῖσ ἐπιβοᾶσθαι τὰ κοινὰ πάντων νόμιμα. τίσ γὰρ Ἑλλήνων τοὺσ παραδόντασ ἑαυτοὺσ καὶ τῇ τῶν κρατούντων εὐγνωμοσύνῃ πιστεύσαντασ ἀπαραιτήτου τιμωρίασ ἠξίωκεν, ἢ τίσ ἧττον τοῦ μὲν ὠμοῦ τὸν ἔλεον, τῆσ δὲ προπετείασ τὴν εὐλάβειαν ἔσχηκεν;

πάντεσ δὲ ἀνατείνονται μὲν πρὸσ τοὺσ ἀντιταττομένουσ, εἴκουσι δὲ τοῖσ ὑποπεπτωκόσιν, ὧν μὲν τὴν τόλμαν καταπονοῦντεσ, ὧν δὲ τὴν ἀτυχίαν οἰκτείροντεσ.

θραύεται γὰρ ἡμῶν ὁ θυμόσ, ὅταν ὁ πρότερον ἐχθρὸσ ὢν ἐκ μεταβολῆσ ἱκέτησ γενόμενοσ ὑπομένῃ παθεῖν ὅ,τι ἂν δοκῇ τοῖσ κρατοῦσιν. ἁλίσκονται δ’, οἶμαι, τῶν ἡμέρων ἀνδρῶν αἱ ψυχαὶ μάλιστά πωσ ἐλέῳ διὰ τὴν κοινὴν τῆσ φύσεωσ ὁμοπάθειαν.

Ἀθηναῖοι γὰρ κατὰ τὸν Πελοποννησιακὸν πόλεμον εἰσ τὴν Σφακτηρίαν νῆσον πολλοὺσ τῶν Λακεδαιμονίων κατακλείσαντεσ καὶ λαβόντεσ αἰχμαλώτουσ ἀπελύτρωσαν τοῖσ Σπαρτιάταισ. πάλιν Λακεδαιμόνιοι πολλοὺσ τῶν Ἀθηναίων καὶ τῶν συμμάχων αἰχμαλωτισάμενοι παραπλησίωσ ἐχρήσαντο.

καὶ καλῶσ ἀμφότεροι ταῦτ’ ἔπραξαν. δεῖ γὰρ τοῖσ Ἕλλησι τὴν ἔχθραν εἶναι μέχρι τῆσ νίκησ, καὶ κολάζειν μέχρι τοῦ κρατῆσαι τῶν ἐναντίων. ὁ δὲ περαιτέρω τὸν ὑποπεσόντα καὶ πρὸσ τὴν τοῦ κρατοῦντοσ εὐγνωμοσύνην προσφεύγοντα τιμωρούμενοσ οὐκέτι τὸν ἐχθρὸν κολάζει, πολὺ δὲ μᾶλλον ἀδικεῖ τὴν ἀνθρωπίνην ἀσθένειαν.

εἴποι γὰρ ἄν τισ πρὸσ τὴν τοῦ τοιούτου σκληρότητα τὰσ τῶν πάλαι σοφῶν ἀποφάσεισ, ἄνθρωπε, μὴ μέγα φρόνει, γνῶθι σαυτόν, ἰδὲ τὴν τύχην ἁπάντων οὖσαν κυρίαν.

τίνοσ γὰρ χάριν οἱ πρόγονοι πάντων τῶν Ἑλλήνων ἐν ταῖσ κατὰ πόλεμον νίκαισ κατέδειξαν οὐ διὰ λίθων, διὰ δὲ τῶν τυχόντων ξύλων ἱστάναι τὰ τρόπαια; ἆρ’ οὐχ ὅπωσ ὀλίγον χρόνον διαμένοντα ταχέωσ ἀφανίζηται τὰ τῆσ ἔχθρασ ὑπομνήματα;

καθόλου δ’ εἰ μὲν αἰώνιον ἵστασθαι τὴν διαφορὰν βούλεσθε, μάθετε τὴν ἀνθρωπίνην ἀσθένειαν ὑπερφρονοῦντεσ· εἷσ γὰρ καιρὸσ καὶ βραχεῖα ῥοπὴ τύχησ ταπεινοῖ πολλάκισ τοὺσ ὑπερηφάνουσ. εἰ δ’, ὅπερ εἰκόσ ἐστι, παύσεσθε πολεμοῦντεσ, τίνα καλλίω καιρὸν εὑρήσετε τοῦ νῦν ὑπάρχοντοσ, ἐν ᾧ τὴν πρὸσ τοὺσ ἐπταικότασ φιλανθρωπίαν ἀφορμὴν τῆσ φιλίασ ποιήσεσθε;

μὴ γὰρ οἰέσθε τὸν τῶν Ἀθηναίων δῆμον τελέωσ ἐξησθενηκέναι διὰ τὴν ἐν Σικελίᾳ συμφοράν, ὃσ κρατεῖ σχεδὸν τῶν τε κατὰ τὴν Ἑλλάδα νήσων ἁπασῶν, καὶ τῆσ παραλίου τῆσ τε κατὰ τὴν Εὐρώπην καὶ τὴν Ἀσίαν ἔχει τὴν ἡγεμονίαν. καὶ γὰρ πρότερον περὶ τὴν Αἴγυπτον τριακοσίασ τριήρεισ αὐτάνδρουσ ἀπολέσασ τὸν δοκοῦντα κρατεῖν βασιλέα συνθήκασ ἀσχήμονασ ποιεῖν ἠνάγκασε, καὶ πάλιν ὑπὸ Ξέρξου τῆσ πόλεωσ κατασκαφείσησ μετ’ ὀλίγον κἀκεῖνον ἐνίκησε καὶ τῆσ Ἑλλάδοσ τὴν ἡγεμονίαν ἐκτήσατο.

ἀγαθὴ γὰρ ἡ πόλισ ἐν τοῖσ μεγίστοισ ἀτυχήμασι μεγίστην ἐπίδοσιν λαβεῖν καὶ μηδέποτε ταπεινὸν μηδὲν βουλεύεσθαι.

καλὸν οὖν ἀντὶ τοῦ τὴν ἔχθραν ἐπαύξειν συμμάχουσ αὐτοὺσ ἔχειν φεισαμένουσ τῶν αἰχμαλώτων. ἀνελόντεσ μὲν γὰρ αὐτοὺσ τῷ θυμῷ μόνον χαριούμεθα, τὴν ἄκαρπον ἐπιθυμίαν ἐκπληροῦντεσ, φυλάξαντεσ δὲ παρὰ μὲν τῶν εὖ παθόντων τὴν χάριν ἕξομεν, παρὰ δὲ τῶν ἄλλων ἁπάντων τὴν εὐδοξίαν.

ναί, ἀλλά τινεσ τῶν Ἑλλήνων ἀπέσφαξαν τοὺσ αἰχμαλώτουσ.

τί οὖν; εἰ μὲν αὐτοῖσ ἐκ ταύτησ τῆσ πράξεωσ ἔπαινοι τυγχάνουσι, μιμησώμεθα τοὺσ τῆσ δόξησ πεφροντικότασ· εἰ δὲ παρὰ πρώτων ἡμῶν τυγχάνουσι κατηγορίασ, μηδὲ αὐτοὶ πράξωμεν τὰ αὐτὰ τοῖσ ὁμολογουμένωσ ἡμαρτηκόσι. μέχρι μὲν γὰρ τοῦ μηδὲν ἀνήκεστον πεπονθέναι τοὺσ εἰσ τὴν ἡμετέραν πίστιν ἑαυτοὺσ παραδόντασ, ἅπαντεσ καταμέμψονται δικαίωσ τὸν Ἀθηναίων δῆμον·

ἐὰν δὲ ἀκούσωσι παρὰ τὰ κοινὰ νόμιμα τοὺσ αἰχμαλώτουσ παρεσπονδημένουσ, ἐφ’ ἡμᾶσ μετοίσουσι τὴν κατηγορίαν. καὶ γὰρ εἴ τινων ἄλλων, Ἀθηναίων ἄξιόν ἐστιν ἐντραπῆναι μὲν τὸ τῆσ πόλεωσ ἀξίωμα, χάριν δ’ αὐτοῖσ ἀπομερίσαι τῶν εἰσ ἄνθρωπον εὐεργετημάτων. οὗτοι γάρ εἰσιν οἱ πρῶτοι τροφῆσ ἡμέρου τοῖσ Ἕλλησι μεταδόντεσ, ἣν ἰδίᾳ παρὰ θεῶν λαβόντεσ τῇ χρείᾳ κοινὴν ἐποίησαν·

οὗτοι νόμουσ εὑρ͂ον, δι’ οὓσ ὁ κοινὸσ βίοσ ἐκ τῆσ ἀγρίασ καὶ ἀδίκου ζωῆσ εἰσ ἥμερον καὶ δικαίαν ἐλήλυθε συμβίωσιν· οὗτοι πρῶτοι τοὺσ καταφυγόντασ διασώσαντεσ τοὺσ περὶ τῶν ἱκετῶν νόμουσ παρὰ πᾶσιν ἀνθρώποισ ἰσχῦσαι παρεσκεύασαν· ὧν ἀρχηγοὺσ γενομένουσ οὐκ ἄξιον αὐτοὺσ ἀποστερῆσαι. καὶ ταῦτα μὲν πρὸσ ἅπαντασ· ἰδίᾳ δ’ ἐνίουσ ὑπομνήσω τῶν φιλανθρώπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 23

(디오도로스 시켈로스, Library, book xiii, chapter 23)

상위

목록

SEARCH

MENU NAVIGATION