헬라어 문장 검색 - Διοδορ́Λιβραρψ́6́03́

(디오도로스 시켈로스, Library, book xiii, chapter 2)

ἐπ’ ἄρχοντοσ γὰρ Ἀθήνησι Χαβρίου Ῥωμαῖοι μὲν ἀντὶ τῶν ὑπάτων κατέστησαν χιλιάρχουσ τρεῖσ, Λεύκιον Σέργιον, Μάρκον Παπίριον, Μάρκον Σερουίλιον. ἐπὶ δὲ τούτων Ἀθηναῖοι ψηφισάμενοι τὸν πρὸσ Συρακοσίουσ πόλεμον τάσ τε ναῦσ ἐπεσκεύασαν καὶ χρήματα συναγαγόντεσ μετὰ πολλῆσ σπουδῆσ ἅπαντα τὰ πρὸσ τὴν στρατείαν παρεσκευάζοντο. ᾑρημένοι δὲ τρεῖσ στρατηγούσ, Ἀλκιβιάδην, Νικίαν, Λάμαχον, αὐτοκράτορασ αὐτοὺσ κατέστησαν ἁπάντων τῶν κατὰ τὸν πόλεμον. τῶν δὲ ἰδιωτῶν οἱ ταῖσ οὐσίαισ εὐποροῦντεσ τῇ προθυμίᾳ τοῦ δήμου χαρίζεσθαι βουλόμενοι τινὲσ μὲν ἰδίασ τριήρεισ κατεσκεύασαν, τινὲσ δὲ χρήματα δώσειν εἰσ τὰσ τροφὰσ τῆσ δυνάμεωσ ἐπηγγέλλοντο·

πολλοὶ δὲ καὶ τῶν δημοτικῶν πολιτῶν καὶ ξένων, ἔτι δὲ συμμάχων, ἑκουσίωσ προσιόντεσ τοῖσ στρατηγοῖσ διεκελεύοντο καταγράφειν ἑαυτοὺσ εἰσ τοὺσ στρατιώτασ. οὕτωσ ἅπαντεσ μεμετεωρισμένοι ταῖσ ἐλπίσιν ἐξ ἑτοίμου κατακληρουχεῖν ἤλπιζον τὴν Σικελίαν. ἤδη δὲ τοῦ στόλου παρεσκευασμένου, τοὺσ ἑρμᾶσ τοὺσ κατὰ τὴν πόλιν παμπληθεῖσ ὄντασ συνέβη ἐν μιᾷ νυκτὶ περικοπῆναι.

ὁ μὲν οὖν δῆμοσ, οὐχ ὑπὸ τῶν τυχόντων νομίσασ γεγενῆσθαι τὴν πρᾶξιν, ἀλλ’ ὑπὸ τῶν προεχόντων ταῖσ δόξαισ ἐπὶ τῇ καταλύσει τῆσ δημοκρατίασ, ἐμισοπονήρει καὶ τοὺσ πράξαντασ ἐζήτει μεγάλασ δωρεὰσ προθεὶσ τῷ μηνύσαντι. προσελθὼν δέ τισ τῇ βουλῇ τῶν ἰδιωτῶν ἔφησεν εἰσ οἰκίαν μετοίκου τινὰσ ἑωρακέναι τῇ νουμηνίᾳ περὶ μέσασ νύκτασ εἰσιόντασ, ἐν οἷσ καὶ τὸν Ἀλκιβιάδην.

ἀνακρινόμενοσ δ’ ὑπὸ τῆσ βουλῆσ, πῶσ νυκτὸσ οὔσησ ἐπεγίνωσκε τὰσ ὄψεισ, ἔφησε πρὸσ τὸ τῆσ σελήνησ φῶσ ἑωρακέναι. οὗτοσ μὲν οὖν αὑτὸν ἐξελέγξασ κατεψευσμένοσ ἠπιστήθη, τῶν δ’ ἄλλων οὐδ’ ἴχνοσ οὐδεὶσ τῆσ πράξεωσ εὑρεῖν ἠδυνήθη. τριήρων μὲν ἑκατὸν τεσσαράκοντα ἑτοιμασμένων, ὁλκάδων δὲ καὶ τῶν ἱππαγωγῶν, ἔτι δὲ τῶν τὸν σῖτον καὶ τὴν ἄλλην παρασκευὴν κομιζόντων πολύσ τισ ἀριθμὸσ ἦν·

ὁπλῖται δὲ καὶ σφενδονῆται, πρὸσ δὲ τούτοισ ἱππεῖσ καὶ τῶν συμμάχων πλείουσ τῶν ἑπτακισχιλίων ἐκτὸσ τῶν ἐν τοῖσ πληρώμασι. τότε μὲν οὖν οἱ στρατηγοὶ μετὰ τῆσ βουλῆσ ἐν ἀπορρήτῳ συνεδρεύοντεσ ἐβουλεύοντο, πῶσ χρὴ διοικῆσαι τὰ κατὰ τὴν Σικελίαν, ἐὰν τῆσ νήσου κρατήσωσιν.

ἔδοξεν οὖν αὐτοῖσ Σελινουντίουσ μὲν καὶ Συρακοσίουσ ἀνδραποδίσασθαι, τοῖσ δ’ ἄλλοισ ἁπλῶσ τάξαι φόρουσ, οὓσ κατ’ ἐνιαυτὸν οἴσουσιν Ἀθηναίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 2

(디오도로스 시켈로스, Library, book xiii, chapter 2)

상위

목록

SEARCH

MENU NAVIGATION