헬라어 문장 검색 - Διοδορ́Βιβλιοτ́3́75́

(디오도로스 시켈로스, Bibliotheca Historica, book 3, chapter 74)

τὸν μὲν οὖν πρῶτον Διόνυσον ἐξ Ἄμμωνοσ καὶ Ἀμαλθείασ γενόμενον τοιαύτασ οἱ Λίβυεσ ἱστοροῦσιν ἐπιτελέσασθαι πράξεισ· τὸν δὲ δεύτερόν φασιν ἐξ Ιοὖσ τῆσ Ἰνάχου Διὶ γενόμενον βασιλεῦσαι μὲν τῆσ Αἰγύπτου, καταδεῖξαι δὲ τὰσ τελετάσ· τελευταῖον δὲ τὸν ἐκ Διὸσ καὶ Σεμέλησ τεκνωθέντα παρὰ τοῖσ Ἕλλησι ζηλωτὴν γενέσθαι τῶν προτέρων. τὰσ δ’ ἀμφοτέρων προαιρέσεισ μιμησάμενον στρατεῦσαι μὲν ἐπὶ πᾶσαν τὴν οἰκουμένην, στήλασ δ’ οὐκ ὀλίγασ ἀπολιπεῖν τῶν ὁρ́ων τῆσ στρατείασ·

καὶ τὴν μὲν χώραν ἐξημεροῦν ταῖσ φυτείαισ, στρατιώτιδασ δ’ ἐπιλέξασθαι γυναῖκασ, καθάπερ καὶ ὁ παλαιὸσ τὰσ Ἀμαζόνασ. ἐνεργῆσαι δ’ ἐπὶ πλέον καὶ τὰ περὶ τοὺσ ὀργιασμούσ, καὶ τελετὰσ ἃσ μὲν μεταθεῖναι πρὸσ τὸ κρεῖττον, ἃσ δ’ ἐπινοῆσαι. διὰ δὲ τὸ πλῆθοσ τοῦ χρόνου τῶν προτέρων εὑρετῶν ἀγνοηθέντων ὑπὸ τῶν πολλῶν, τοῦτον κληρονομῆσαι τὴν τῶν προγενεστέρων προαίρεσίν τε καὶ δόξαν.

οὐκ ἐπὶ τούτου δὲ μόνου συμβῆναι τὸ προειρημένον, ἀλλὰ καὶ μετὰ ταῦτ’ ἐφ’ Ἡρακλέουσ. δυοῖν γὰρ ὄντων τῶν προγενεστέρων τῶν τὴν αὐτὴν ἐσχηκότων προσηγορίαν, τὸν μὲν ἀρχαιότατον Ἡρακλέα μυθολογεῖσθαι γεγονέναι παρ’ Αἰγυπτίοισ, καὶ πολλὴν τῆσ οἰκουμένησ τοῖσ ὅπλοισ καταστρεψάμενον θέσθαι τὴν ἐπὶ τῆσ Λιβύησ στήλην, τὸν δὲ δεύτερον ἐκ Κρήτησ ἕνα τῶν Ἰδαίων ὄντα Δακτύλων καὶ γενόμενον γόητα καὶ στρατηγικὸν συστήσασθαι τὸν Ὀλυμπικὸν ἀγῶνα·

τὸν δὲ τελευταῖον μικρὸν πρὸ τῶν Τρωικῶν ἐξ Ἀλκμήνησ καὶ Διὸσ τεκνωθέντα πολλὴν ἐπελθεῖν τῆσ οἰκουμένησ, ὑπηρετοῦντα τοῖσ Εὐρυσθέωσ προστάγμασιν. ἐπιτυχόντα δὲ πᾶσι τοῖσ ἄθλοισ θέσθαι μὲν καὶ στήλην τὴν ἐπὶ τῆσ Εὐρώπησ, διὰ δὲ τὴν ὁμωνυμίαν καὶ τὴν τῆσ προαιρέσεωσ ὁμοιότητα χρόνων ἐπιγενομένων τελευτήσαντα κληρονομῆσαι τὰσ τῶν ἀρχαιοτέρων πράξεισ, ὡσ ἑνὸσ Ἡρακλέουσ γεγονότοσ ἐν παντὶ τῷ πρότερον αἰῶνι.

ὑπὲρ δὲ τοῦ πλείουσ Διονύσουσ γεγονέναι σὺν ἄλλαισ ἀποδείξεσι πειρῶνται φέρειν τὴν ἐκ τῆσ Τιτανομαχίασ·

συμφωνουμένου γὰρ παρὰ πᾶσιν ὅτι Διόνυσοσ τῷ Διὶ συνηγωνίσατο τὸν πρὸσ τοὺσ Τιτᾶνασ πόλεμον, οὐδαμῶσ πρέπειν φασὶ τὴν τῶν Τιτάνων γενεὰν τιθέναι κατὰ τοὺσ τῆσ Σεμέλησ χρόνουσ οὐδὲ Κάδμον τὸν Ἀγήνοροσ ἀποφαίνεσθαι πρεσβύτερον εἶναι τῶν Ὀλυμπίων θεῶν. οἱ μὲν οὖν Λίβυεσ περὶ Διονύσου τοιαῦτα μυθολογοῦσιν· ἡμεῖσ δὲ τὴν ἐν ἀρχῇ πρόθεσιν τετελεκότεσ αὐτοῦ περιγράψομεν τὴν τρίτην βίβλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 74

(디오도로스 시켈로스, Bibliotheca Historica, book 3, chapter 74)

상위

목록

SEARCH

MENU NAVIGATION