헬라어 문장 검색 - Διοδορ́Βιβλιοτ́3́20́

(디오도로스 시켈로스, Bibliotheca Historica, book 3, chapter 19)

οἰκήσεσι δὲ τὰ ἔθνη οὐχ ὁμοίαισ χρῆται, πρὸσ δὲ τὰσ τῆσ περιστάσεωσ ἰδιότητασ διηλλαγμέναισ ἐμβιοῦσι. τινὲσ μὲν γὰρ ἐν σπηλαίοισ κατοικοῦσι κεκλιμένοισ μάλιστα πρὸσ τὰσ ἄρκτουσ, ἐν οἷσ καταψύχουσιν ἑαυτοὺσ διά τε τὸ βάθοσ τῆσ σκιᾶσ καὶ διὰ τὰσ περιπνεούσασ αὔρασ· τὰ μὲν γὰρ πρὸσ μεσημβρίαν νεύοντα, τοῖσ ἴπνοισ παραπλησίαν ἔχοντα τὴν θερμασίαν, ἀπρόσιτα τοῖσ ἀνθρώποισ ἐστὶ δια τὴν τοῦ καύματοσ ὑπερβολήν. οἱ δὲ τῶν πρὸσ ἄρκτον νευόντων σπηλαίων σπανίζοντεσ ἀθροίζουσι τὰσ πλευρὰσ τῶν ἐκ τοῦ πελάγουσ ἐκπιπτόντων κητῶν·

τῆσ δὲ τούτων δαψιλείασ πολλῆσ οὔσησ, καταπλέξαντεσ ἐξ ἑκατέρου μέρουσ κύρτασ πρὸσ ἀλλήλασ νενευκυίασ, τῷ προσφάτῳ φύκει ταύτασ διαπλέκουσι. σκεπαζομένησ οὖν τῆσ καμάρασ, ἐν ταύτῃ τὸ βαρύτατον τοῦ καύματοσ ἀναπαύονται, τῆσ κατὰ φύσιν χρείασ αὐτοδίδακτον τέχνην ὑφηγουμένησ. τρίτοσ δὲ τρόποσ ἐστὶ τοῖσ Ἰχθυοφάγοισ τῆσ σκηνώσεωσ τοιοῦτοσ.

ἐλαῖαι φύονται πάνυ πολλαὶ περὶ τοὺσ τόπουσ τούτουσ, τὰ μὲν περὶ τὴν ῥίζαν ἔχουσαι προσκλυζόμενα τῇ θαλάττῃ, πυκναὶ δὲ τοῖσ φυλλώμασι, τὸν δὲ καρπὸν ὅμοιον ἔχουσαι τῷ κασταναϊκῷ καρύῳ. ταύτασ ἀλλήλαισ συμπλέκοντεσ καὶ συνεχῆ σκιὰν ποιοῦντεσ ἰδιαζούσαισ σκηναῖσ ἐμβιοῦσιν·

ἅμα γὰρ ἐν γῇ καὶ θαλάττῃ διατρίβοντεσ ἐπιτερπῶσ διεξάγουσι, τὸν μὲν ἥλιον φεύγοντεσ τῇ διὰ τῶν ἀκρεμόνων σκιᾷ, τὸ δὲ φυσικὸν περὶ τοὺσ τόπουσ καῦμα τῇ συνεχεῖ τοῦ κύματοσ προσκλύσει διορθούμενοι, ταῖσ δὲ περιπνοαῖσ τῶν εὐκαίρων ἀνέμων εἰσ ῥᾳστώνην ἄγοντεσ τὰ σώματα. ῥητέον δ’ ἡμῖν καὶ περὶ τοῦ τετάρτου μέρουσ τῆσ σκηνώσεωσ. ἐκ γὰρ τοῦ παντὸσ αἰῶνοσ σεσώρευται τοῦ μνίου φόρτοσ ἄπλατοσ, ὄρει παρεμφερήσ·

οὗτοσ ὑπὸ τῆσ συνεχοῦσ τοῦ κύματοσ πληγῆσ πεπιλημένοσ τὴν φύσιν ἔχει στερέμνιον καὶ συμπεπλεγμένην ἅμμῳ. ἐν τούτοισ οὖν τοῖσ ἀναστήμασιν ὑπονόμουσ ἀνδρομήκεισ ὀρύττοντεσ, τὸν μὲν κατὰ κορυφὴν τόπον ἐῶσι στέγην, κάτωθεν δ’ αὐλῶνασ παραμήκεισ καὶ πρὸσ ἀλλήλουσ συντετρημένουσ κατασκευάζουσιν. ἐν δὲ τούτοισ ἀναψύχοντεσ ἑαυτοὺσ ἀλύπουσ κατασκευάζουσι, καὶ κατὰ τὰσ ἐπικλύσεισ τῶν κυμάτων ἐκπηδῶντεσ περὶ τὴν θήραν τῶν ἰχθύων ἀσχολοῦνται· ὅταν δὲ ἄμπωτισ γένηται, κατευωχησόμενοι τὰ ληφθέντα συμφεύγουσι πάλιν εἰσ τοὺσ προειρημένουσ αὐλῶνασ. τοὺσ δὲ τελευτήσαντασ θάπτουσι κατὰ μὲν τὸν τῆσ ἀμπώτεωσ καιρὸν ἐῶντεσ ἐρριμμένουσ, ὅταν δ’ ἡ πλημυρὶσ ἐπέλθῃ, ῥίπτουσιν εἰσ τὴν θάλατταν τὰ σώματα.

διὸ καὶ τὴν ἰδίαν ταφὴν τροφὴν τῶν ἰχθύων ποιούμενοι κυκλούμενον ἰδιοτρόπωσ τὸν βίον ἔχουσι παρ’ ὅλον τὸν αἰῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 19

(디오도로스 시켈로스, Bibliotheca Historica, book 3, chapter 19)

상위

목록

SEARCH

MENU NAVIGATION