Diodorus Siculus, Bibliotheca Historica, book 3, chapter 45

(디오도로스 시켈로스, Bibliotheca Historica, book 3, chapter 45)

παραπλεύσαντι δὲ τοὺσ τόπουσ τούτουσ ὄρη πέντε διεστηκότα ἀλλήλων εἰσ ὕψοσ ἀνατείνει, συναγομένασ ἔχοντα τὰσ κορυφὰσ εἰσ πετρώδη μαστόν, παραπλήσιον φαντασίαν ἀποτελοῦντα ταῖσ κατ’ Αἴγυπτον πυραμίσιν. ἑξῆσ δ’ ἐστὶ κόλποσ κυκλοτερὴσ μεγάλοισ ἀκρωτηρίοισ περιεχόμενοσ, οὗ κατὰ μέσην τὴν διάμετρον ἀνέστηκε λόφοσ τραπεζοειδήσ, ἐφ’ οὗ τρεῖσ ναοὶ θαυμαστοὶ τοῖσ ὕψεσιν ᾠκοδόμηνται θεῶν, ἀγνοουμένων μὲν ὑπὸ τῶν Ἑλλήνων, τιμωμένων δ’ ὑπὸ τῶν ἐγχωρίων διαφερόντωσ.

μετὰ δὲ ταῦτα αἰγιαλὸσ παρήκει κάθυγροσ, ναματιαίοισ καὶ γλυκέσι ῥείθροισ διειλημμένοσ·

καθ’ ὅν ἐστιν ὄροσ ὀνομαζόμενον μὲν Χαβῖνον, δρυμοῖσ δὲ παντοδαποῖσ πεπυκνωμένον. τὴν δὲ χέρσον τὴν ἐχομένην τῆσ ὀρεινῆσ νέμονται τῶν Ἀράβων οἱ καλούμενοι Δέβαι. οὗτοι δὲ καμηλοτροφοῦντεσ πρὸσ ἅπαντα χρῶνται τὰ μέγιστα τῶν κατὰ τὸν βίον τῇ τοῦ ζῴου τούτου χρείᾳ·

πρὸσ μὲν γὰρ τοὺσ πολεμίουσ ἀπὸ τούτων μάχονται, τὰσ δὲ κομιδὰσ τῶν φορτίων ἐπὶ τούτων νωτοφοροῦντεσ ῥᾳδίωσ ἅπαντα συντελοῦσι, τὸ δὲ γάλα πίνοντεσ ἀπὸ τούτων διατρέφονται, καὶ τὴν ὅλην χώραν περιπολοῦσιν ἐπὶ τῶν δρομάδων καμήλων. κατὰ δὲ μέσην τὴν χώραν αὐτῶν φέρεται ποταμὸσ τοσοῦτο χρυσοῦ καταφέρων ψῆγμα φαινόμενον ὥστε κατὰ τὰσ ἐκβολὰσ τὴν ἰλὺν ἀποφέρεσθαι περιστίλβουσαν.

οἱ δ’ ἐγχώριοι τῆσ μὲν ἐργασίασ τῆσ τοῦ χρυσοῦ παντελῶσ εἰσιν ἄπειροι, φιλόξενοι δ’ ὑπάρχουσιν, οὐ πρὸσ πάντασ τοὺσ ἀφικνουμένουσ, ἀλλὰ πρὸσ μόνουσ τοὺσ ἀπὸ Βοιωτίασ καὶ Πελοποννήσου διά τινα παλαιὰν ἀφ’ Ἡρακλέουσ οἰκειότητα πρὸσ τὸ ἔθνοσ, ἣν μυθικῶσ ἑαυτοὺσ παρειληφέναι παρὰ τῶν προγόνων ἱστοροῦσιν. ἡ δ’ ἑξῆσ χώρα κατοικεῖται μὲν ὑπὸ Ἀράβων Ἀλιλαίων καὶ Γασανδῶν, οὐκ ἔμπυροσ οὖσα καθάπερ αἱ πλησίον, ἀλλὰ μαλακαῖσ καὶ δασείαισ νεφέλαισ πολλάκισ κατεχομένη·

ἐκ δὲ τούτων ὑετοὶ γίνονται καὶ χειμῶνεσ εὔκαιροι καὶ ποιοῦντεσ τὴν θερινὴν ὡρ́αν εὔκρατον. ἥ τε χώρα πάμφορόσ ἐστι καὶ διάφοροσ κατὰ τὴν ἀρετήν, οὐ μέντοι τυγχάνει τῆσ ἐνδεχομένησ ἐπιμελείασ διὰ τὴν τῶν λαῶν ἀπειρίαν. τὸν δὲ χρυσὸν εὑρίσκοντεσ ἐν τοῖσ φυσικοῖσ ὑπονόμοισ τῆσ γῆσ συνάγουσι πολύν, οὐ τὸν ἐκ τοῦ ψήγματοσ συντηκόμενον, ἀλλὰ τὸν αὐτοφυῆ καὶ καλούμενον ἀπὸ τοῦ συμβεβηκότοσ ἄπυρον.

κατὰ δὲ τὸ μέγεθοσ ἐλάχιστοσ μὲν εὑρίσκεται παραπλήσιοσ πυρῆνι, μέγιστοσ δὲ οὐ πολὺ λειπόμενοσ βασιλικοῦ καρύου. φοροῦσι δ’ αὐτὸν περί τε τοὺσ καρποὺσ τῶν χειρῶν καὶ περὶ τοὺσ τραχήλουσ, τετρημένον ἐναλλὰξ λίθοισ διαφανέσι.

καὶ τούτου μὲν τοῦ γένουσ ἐπιπολάζοντοσ παρ’ αὐτοῖσ, χαλκοῦ δὲ καὶ σιδήρου σπανίζοντοσ, ἐπ’ ἴσησ ἀλλάττονται ταῦτα τὰ φορτία πρὸσ τοὺσ ἐμπόρουσ.

일치하는 문장이 없습니다.

SEARCH

MENU NAVIGATION