Diodorus Siculus, Bibliotheca Historica, book 3, chapter 22

(디오도로스 시켈로스, Bibliotheca Historica, book 3, chapter 22)

ἡ δὲ κατὰ τὴν Βαβυλωνίαν παράλιοσ συνάπτει μὲν ἡμέρῳ καὶ καταφύτῳ χώρᾳ, τοσοῦτο δέ ἐστι πλῆθοσ τῶν ἰχθύων τοῖσ ἐγχωρίοισ ὥστε τοὺσ ἀναλίσκοντασ μὴ δύνασθαι ῥᾳδίωσ περιγενέσθαι τῆσ δαψιλείασ. παρὰ γὰρ τοὺσ αἰγιαλοὺσ ἱστᾶσι καλάμουσ πυκνοὺσ καὶ πρὸσ ἀλλήλουσ διαπεπλεγμένουσ, ὥστε τὴν πρόσοψιν ὁμοίαν εἶναι δικτύῳ παρὰ θάλατταν ἑστηκότι.

κατὰ δὲ πᾶν τὸ ἔργον ὑπάρχουσι πυκναὶ θύραι, τῇ μὲν πλοκῇ ταρσώδεισ, τὰσ στροφὰσ δ’ ἔχουσαι πρὸσ τὰσ εἰσ ἑκάτερα τὰ μέρη κινήσεισ εὐλύτουσ. ταύτασ ὁ κλύδων φερόμενοσ μὲν εἰσ τὴν γῆν κατὰ τὸν τῆσ πλημυρίδοσ καιρὸν ἀνοίγει, παλισσυτῶν δὲ κατὰ τὴν ἄμπωτιν ἀποκλείει. διόπερ συμβαίνει καθ’ ἑκάστην ἡμέραν πλημυρούσησ μὲν τῆσ θαλάττησ ἐκ βυθοῦ τοὺσ ἰχθῦσ συνεκφερομένουσ διὰ τῶν θυρῶν παρεισπίπτειν, ἀναχωρούσησ δὲ μὴ δύνασθαι τοῖσ ὑγροῖσ συνδιαρρεῖν διὰ τῆσ τῶν καλάμων πλοκῆσ.

διὸ καὶ παρὰ τὸν ὠκεανὸν ἐνίοτε σωροὺσ ἰχθύων σπαιρόντων ὁρᾶν ἔστι γινομένουσ, οὓσ ἀναλεγόμενοι συνεχῶσ οἱ πρὸσ τούτοισ τεταγμένοι δαψιλεῖσ ἀπολαύσεισ ἔχουσι καὶ μεγάλασ προσόδουσ. ἔνιοι δὲ τῶν περὶ τοὺσ τόπουσ διατριβόντων, πεδιάδοσ τε καὶ ταπεινῆσ τῆσ χώρασ ὑπαρχούσησ, τάφρουσ ὀρύττουσιν ἀπὸ θαλάττησ εὐρείασ ἐπὶ πολλοὺσ σταδίουσ μέχρι ἰδίων ἐπαύλεων, ῥαβδωτὰσ δὲ θύρασ ἐπ’ ἄκρασ αὐτὰσ ἐπιστήσαντεσ ἀναβαινούσησ μὲν τῆσ πλημυρίδοσ ἀνοίγουσιν, εἰσ δὲ τοὐναντίον μεταπιπτούσησ κλείουσιν.

εἶτα τῆσ μὲν θαλάττησ διὰ τῶν τῆσ θύρασ ἀραιωμάτων ἀπορρεούσησ, τῶν δ’ ἰχθύων ἀποληφθέντων ἐν ταῖσ τάφροισ, ταμιεύονται καὶ λαμβάνουσιν ὅσουσ ἂν προαιρῶνται καὶ καθ’ ὃν ἂν χρόνον βούλωνται.

일치하는 문장이 없습니다.

SEARCH

MENU NAVIGATION