헬라어 문장 검색 - Διοδορ́Βιβλιοτ́3́16́

(디오도로스 시켈로스, Bibliotheca Historica, book 3, chapter 15)

περὶ πρώτων δὲ τῶν Ἰχθυοφάγων ἐροῦμεν τῶν κατοικούντων τὴν παράλιον τὴν ἀπὸ Καρμανίασ καὶ Γεδρωσίασ ἑώσ τῶν ἐσχάτων τοῦ μυχοῦ τοῦ κατὰ τὸν Ἀράβιον κόλπον ἱδρυμένου, ὃσ εἰσ τὴν μεσόγειον ἀνήκων ἄπιστον διάστημα δυσὶν ἠπείροισ περικλείεται πρὸσ τὸν ἔκπλουν, τῇ μὲν ὑπὸ τῆσ εὐδαίμονοσ Ἀραβίασ, τῇ δ’ ὑπὸ τῆσ Τρωγλοδυτικῆσ. τούτων δὲ τῶν βαρβάρων τινὲσ μὲν γυμνοὶ τὸ παράπαν βιοῦντεσ κοινὰσ ἔχουσι τὰσ γυναῖκασ καὶ τὰ τέκνα παραπλησίωσ ταῖσ τῶν θρεμμάτων ἀγέλαισ, ἡδονῆσ δὲ καὶ πόνου τὴν φυσικὴν μόνον ἀντίληψιν ποιολύμενοι τῶν αἰσχρῶν καὶ καλῶν οὐδεμίαν λαμβάνουσιν ἔννοιαν.

τὰσ δὲ οἰκήσεισ ἔχουσιν οὐκ ἄπωθεν τῆσ θαλάττησ παρὰ τὰσ ῥαχίασ, καθ’ ἅσ εἰσιν οὐ μόνον βαθεῖαι κοιλάδεσ, ἀλλὰ καὶ φάραγγεσ ἀνώμαλοι καὶ στενοὶ παντελῶσ αὐλῶνεσ σκολιαῖσ ἐκτροπαῖσ ὑπὸ τῆσ φύσεωσ διειλημμένοι.

τούτων δὲ τῇ χρείᾳ τῶν ἐγχωρίων πεφυκότων ἁρμοζόντωσ, τὰσ ἐκτροπὰσ καὶ διεξόδουσ συγκεχώκασι λίθοισ μεγάλοισ, δι’ ὧν ὥσπερ δικτύων τὴν θήραν τῶν ἰχθύων ποιοῦνται. ὅταν γὰρ ἡ πλημυρὶσ τῆσ θαλάττησ λάττησ ἐπὶ τὴν χέρσον φέρηται λάβρωσ, ὃ ποιεῖ δὶσ τῆσ ἡμέρασ περὶ τρίτην καὶ ἐνάτην μάλιστά πωσ ὡρ́αν, ἡ μὲν θάλαττα πᾶσαν τὴν ῥαχίαν ἐπικλύζουσα καλύπτει, καὶ λάβρῳ καὶ πολλῷ κύματι συναποκομίζει πρὸσ τὴν χέρσον ἄπιστον πλῆθοσ παντοίων ἰχθύων, οἳ τὸ μὲν πρῶτον ἐν τῇ παραλίῳ μένουσι, νομῆσ χάριν πλανώμενοι περὶ τὰσ ὑποδύσεισ καὶ τὰ κοιλώματα·

ἐπὰν δ’ ὁ τῆσ ἀμπώτεωσ ἔλθῃ χρόνοσ, τὸ μὲν ὑγρὸν ἐκ τοῦ κατ’ ὀλίγον διὰ τῶν κεχωσμένων λίθων καὶ φαράγγων ἀπορρεῖ, οἱ δ’ ἰχθῦσ ἐν τοῖσ κοιλώμασι καταλείπονται. κατὰ δὲ τοῦτον τὸν καιρὸν τὸ πλῆθοσ τῶν ἐγχωρίων μετὰ τέκνων καὶ γυναικῶν εἰσ τὰσ ῥαχίασ ἀθροίζεται καθάπερ ἀφ’ ἑνὸσ κελεύσματοσ.

σχιζομένων δὲ τῶν βαρβάρων εἰσ τὰ κατὰ μέροσ συστήματα, πρὸσ τοὺσ ἰδίουσ ἕκαστοι τόπουσ μετὰ βοῆσ ἐξαισίου φέρονται, καθάπερ αἰφνιδίου τινὸσ κυνηγίασ ἐμπεπτωκυίασ. εἶθ’ αἱ μὲν γυναῖκεσ μετὰ τῶν παίδων τοὺσ ἐλάττονασ τῶν ἰχθύων καὶ πλησίον ὄντασ τῆσ χέρσου συλλαμβάνουσαι ῥίπτουσιν ἐπὶ τὴν γῆν, οἱ δὲ τοῖσ σώμασιν ἀκμάζοντεσ προσφέρουσι τὰσ χεῖρασ τοῖσ διὰ τὸ μέγεθοσ δυσκαταγωνίστοισ·

ἐκπίπτουσι γὰρ ἐκ τοῦ πελάγουσ ὑπερμεγέθεισ οὐ μόνον σκορπίοι καὶ μύραιναι καὶ κύνεσ, ἀλλὰ καὶ φῶκαι καὶ πολλὰ τοιαῦτα ξένα καὶ ταῖσ ὄψεσι καὶ ταῖσ προσηγορίαισ· ταῦτα δὲ τὰ θηρία καταμάχονται τεχνικῆσ μὲν ὅπλων κατασκευῆσ οὐδὲν ἔχοντεσ, κέρασι δὲ αἰγῶν ὀξέσι κατακεντοῦντεσ καὶ ταῖσ ἀπορρῶξι πέτραισ ἐπιτέμνοντεσ·

πάντα γὰρ ἡ χρεία διδάσκει τὴν φύσιν, οἰκείωσ τοῖσ ὑποκειμένοισ καιροῖσ ἁρμοζομένην πρὸσ τὴν ἐκ τῆσ ἐλπίδοσ εὐχρηστίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 15

(디오도로스 시켈로스, Bibliotheca Historica, book 3, chapter 15)

상위

목록

SEARCH

MENU NAVIGATION