헬라어 문장 검색 - Διοδορ́Βιβλιοτ́3́25́

(디오도로스 시켈로스, Bibliotheca Historica, book 3, chapter 24)

ἑπόμενοι δὲ τούτοισ εἰσὶν οἵ τε Ὑλοφάγοι καὶ οἱ Σπερματοφάγοι καλούμενοι. τούτων δ’ οἱ μὲν ὑπὸ τὴν θερείαν τὸν πίπτοντα καρπὸν ἀπὸ τῶν δένδρων ὄντα πολὺν ἀθροίζοντεσ ἀπόνωσ διατρέφονται, κατὰ δὲ τὸν ἄλλον καιρὸν τῆσ βοτάνησ τῆσ ἐν ταῖσ σκιαζομέναισ συναγκείαισ φυομένησ προσφέρονται τὴν προσηνεστάτην· στερεὰ γὰρ οὖσα τὴν φύσιν, καὶ καυλὸν ἔχουσα παραπλήσιον ταῖσ λεγομέναισ βουνιάσιν, ἐκπληροῖ τὴν τῆσ ἀναγκαίασ τροφῆσ ἔνδειαν. οἱ δὲ Ὑλοφάγοι μετὰ τέκνων καὶ γυναικῶν ἐπὶ τὰσ νομὰσ ἐξιόντεσ ἀναβαίνουσιν ἐπὶ τὰ δένδρα καὶ τοὺσ ἁπαλοὺσ τῶν ἀκρεμόνων προσφέρονται.

τοιαύτην δ’ ἐκ τῆσ συνεχοῦσ μελέτησ τὴν ἐπ’ ἄκρουσ τοὺσ κλάδουσ ἀναδρομὴν ποιοῦνται πάντεσ ὥστε ἄπιστον εἶναι τὸ γινόμενον· καὶ γὰρ μεταπηδῶσιν ἀφ’ ἑτέρου ἐφ’ ἕτερον δένδρον ὁμοίωσ τοῖσ ὀρνέοισ, καὶ τὰσ ἀναβάσεισ ἐπὶ τῶν λεπτοτάτων κλάδων ποιοῦνται χωρὶσ κινδύνων. ἰσχνότητι γὰρ σώματοσ καὶ κουφότητι διαφέροντεσ, ἐπειδὰν τοῖσ ποσὶ σφάλλωνται, ταῖσ χερσὶν ἀντιλαμβάνονται·

κἂν τύχωσι πεσόντεσ ἀφ’ ὕψουσ, οὐδὲν πάσχουσι διὰ τὴν κουφότητα· καὶ πάντα δὲ κλάδον ἔγχυλον τοῖσ ὀδοῦσι κατεργαζόμενοι πέττουσιν εὐκόπωσ ταῖσ κοιλίαισ. οὗτοι δ’ ἀεὶ βιοῦσι γυμνοὶ μὲν ἐσθῆτοσ, κοιναῖσ δὲ χρώμενοι γυναιξὶν ἀκολούθωσ καὶ τοὺσ γεννηθέντασ παῖδασ κοινοὺσ ἡγοῦνται.

διαπολεμοῦσι δὲ πρὸσ ἀλλήλουσ περὶ τῶν τόπων ῥάβδοισ ὡπλισμένοι, καὶ ταύταισ ἀμυνόμενοι τοὺσ ἐναντίουσ διασπῶσι τοὺσ χειρωθέντασ. τελευτῶσι δ’ αὐτῶν οἱ πλεῖστοι λιμῷ καταπονηθέντεσ, ὅταν τῶν ὀμμάτων ἀπογλαυκωθέντων τὸ σῶμα στερηθῇ τῆσ ἀναγκαίασ ἐκ ταύτησ τῆσ αἰσθήσεωσ χρείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 24

(디오도로스 시켈로스, Bibliotheca Historica, book 3, chapter 24)

상위

목록

SEARCH

MENU NAVIGATION