Diodorus Siculus, Bibliotheca Historica, book 3, chapter 23

(디오도로스 시켈로스, Bibliotheca Historica, book 3, chapter 23)

διεληλυθότεσ δὲ περὶ τῶν παροικούντων τὴν ἀπὸ τῆσ Βαβυλωνίασ παράλιον ἑώσ Ἀραβίου κόλπου, περὶ τῶν ἑξῆσ τούτοισ ἐθνῶν διέξιμεν. κατὰ γὰρ τὴν Αἰθιοπίαν τὴν ὑπὲρ Αἰγύπτου παρὰ τὸν Ἄσαν καλούμενον ποταμὸν παροικεῖ τὸ τῶν Ῥιζοφάγων ἔθνοσ. ἐκ γὰρ τῶν πλησιοχώρων τὰσ ῥίζασ τῶν καλάμων ὀρύττοντεσ οἱ βάρβαροι πλύνουσι φιλοτίμωσ· ποιήσαντεσ δὲ καθαρὰσ κόπτουσι λίθοισ, μέχρι ἂν γένηται τὸ ἔργον λεῖον καὶ κολλῶδεσ· ἔπειτα περιπλάσαντεσ χειροπληθιαίουσ ὄγκουσ ἐν ἡλίῳ παροπτῶσι, καὶ ταύτῃ χρώμενοι τροφῇ πάντα τὸν βίον διατελοῦσιν. ἀνεκλείπτουσ δ’ ἔχοντεσ τὰσ τῆσ τροφῆσ ταύτησ δαψιλείασ, καὶ πρὸσ ἀλλήλουσ ἀεὶ εἰρήνην ἄγοντεσ, ὑπὸ πλήθουσ λεόντων πολεμοῦνται·

ἐμπύρου γὰρ τοῦ πέριξ ἀέροσ ὄντοσ ἐκ τῆσ ἐρήμου πρὸσ αὐτοὺσ φοιτῶσι λέοντεσ σκιᾶσ ἕνεκεν, οἱ δὲ καὶ θήρασ τῶν ἐλαττόνων θηρίων. διόπερ τοὺσ ἐκ τῶν τελμάτων ἐξιόντασ τῶν Αἰθιόπων ὑπὸ τούτων τῶν θηρίων ἀναλίσκεσθαι συμβαίνει· ἀδυνατοῦσι γὰρ ὑφίστασθαι τὰσ ἀλκὰσ τῶν λεόντων, ὡσ ἂν μηδεμίαν βοήθειαν ὅπλων ἔχοντεσ, καὶ πέρασ ἄρδην ἂν αὐτῶν διεφθάρη τὸ γένοσ, εἰ μὴ ἡ φύσισ τι αὐτοῖσ αὐτόματον ἐποίησε βοήθημα. ὑπὸ γὰρ τὴν ἀνατολὴν τοῦ κυνὸσ παραδόξωσ γινομένησ νηνεμίασ περὶ τοὺσ τόπουσ τοσοῦτο πλῆθοσ ἀθροίζεται κωνώπων, ὑπερέχον δυνάμει τοὺσ γνωριζομένουσ, ὥστε τοὺσ μὲν ἀνθρώπουσ καταφυγόντασ εἰσ τὰσ ἑλώδεισ λίμνασ μηδὲν πάσχειν, τοὺσ δὲ λέοντασ πάντασ φεύγειν ἐκ τῶν τόπων, ἅμα μὲν ὑπὸ τοῦ δηγμοῦ κακουχουμένουσ, ἅμα δὲ τὸν ἀπὸ τῆσ φωνῆσ ἦχον καταπεπληγμένουσ.

일치하는 문장이 없습니다.

SEARCH

MENU NAVIGATION