Diodorus Siculus, Bibliotheca Historica, book 3, chapter 37

(디오도로스 시켈로스, Bibliotheca Historica, book 3, chapter 37)

οὐ μὴν ἀπέγνωσαν τὴν θήραν, ὑπερβαλλούσησ τῆσ ἀπὸ τοῦ βασιλέωσ χάριτοσ καὶ δωρεᾶσ τοὺσ ἀπὸ τῆσ πείρασ ἐγνωσμένουσ κινδύνουσ, φιλοτεχνίᾳ δὲ καὶ δόλῳ τὸ τῇ βίᾳ δυσκαταγώνιστον ἐχειρώσαντο, τοιάνδε τινὰ μηχανὴν πορισάμενοι. κατεσκεύασαν ἀπὸ σχοίνου πυκνῆσ περιφερὲσ πλόκανον, τῷ μὲν τύπῳ τοῖσ κύρτοισ ἐμφερέσ, τῷ δὲ μεγέθει καὶ τῇ διαλήψει τῆσ χώρασ δυνάμενον δέξασθαι τὸν ὄγκον τοῦ θηρίου. κατοπτεύσαντεσ οὖν τὸν φωλεὸν αὐτοῦ καὶ τὴν ὡρ́αν τῆσ τε ἐπὶ τὴν νομὴν ἐξόδου καὶ πάλιν τῆσ ἐπανόδου, ὡσ τάχισθ’ ὡρ́μησεν ἐπὶ τὴν ἄγραν τὴν συνήθη τῶν ἑτερογενῶν ζῴων, τὸ μὲν προϋπάρχον τοῦ φωλεοῦ στόμα λίθοισ εὐμεγέθεσι καὶ γῇ συνῳκοδόμησαν, τὸν δὲ πλησίον τῆσ λόχμησ τόπον ὑπόνομον ποιήσαντεσ καὶ τὸ πλόκανον εἰσ αὐτὸν ἐνθέντεσ ἐναντίον ἐποίησαν τὸ στόμιον, ὥστε ἐξ ἑτοίμου τῷ θηρίῳ τὴν εἴσοδον ὑπάρχειν.

κατὰ δὲ τὴν ἐπάνοδον τοῦ ζῴου παρεσκευασμένοι τοξότασ καὶ σφενδονήτασ, ἔτι δὲ ἱππεῖσ πολλούσ, πρὸσ δὲ τούτοισ σαλπικτὰσ καὶ τὴν ἄλλην ἅπασαν χορηγίαν, ἅμα τῷ προσπελάζειν τὸ μὲν θηρίον μετεωρότερον τῶν ἱππέων ἐξῆρε τὸν αὐχένα, οἱ δ’ ἐπὶ τὴν θήραν ἠθροισμένοι προσεγγίσαι μὲν οὐκ ἐτόλμων, νενουθετημένοι ταῖσ προγεγενημέναισ συμφοραῖσ, πόρρωθεν δὲ πολλαῖσ χερσὶν ἐφ’ ἕνα καὶ μέγαν σκοπὸν βάλλοντεσ ἐτύγχανον, καὶ τῇ τε τῶν ἱππέων ἐπιφανείᾳ καὶ πλήθει κυνῶν ἀλκίμων, ἔτι δὲ τῷ διὰ τῶν σαλπίγγων ἤχῳ, κατέπληττον τὸ ζῷον.

διόπερ ὑποχωροῦντοσ αὐτοῦ πρὸσ τὴν οἰκείαν λόχμην τοσοῦτον ἐπεδίωκον ὥστε μὴ παροξύνειν ἐπὶ πλέον. ὡσ δὲ τῆσ ἐνῳκοδομημένησ φάραγγοσ ἤγγισεν, ἀθρόωσ ψόφον μὲν πολὺν διὰ τῶν ὅπλων ἐποίησαν, ταραχὴν δὲ καὶ φόβον διὰ τῆσ τῶν ὄχλων ἐπιφανείασ καὶ σαλπίγγων.

τὸ δὲ θηρίον τὴν μὲν εἴσοδον οὐχ ηὑρ́ισκε, τὴν δὲ τῶν κυνηγῶν ὁρμὴν καταπληττόμενον κατέφυγεν εἰσ τὸ πλησίον κατεσκευασμένον στόμιον. πιμπλαμένου δὲ τοῦ πλοκάνου τῇ διαλύσει τῆσ σπείρασ, ἔφθασαν τῶν κυνηγῶν τινεσ προσιπτάμενοι, καὶ πρὸ τοῦ στραφῆναι τὸν ὄφιν ἐπὶ τὴν ἔξοδον κατελάβοντο δεσμοῖσ τὸ στόμιον πρόμηκεσ ὂν καὶ πεφιλοτεχνημένον πρὸσ ταύτην τὴν ὀξύτητα·

ἐξελκύσαντεσ δὲ τὸ πλόκανον καὶ φάλαγγασ ὑποθέντεσ μετέωρον ἐξῆραν. τὸ δὲ θηρίον ἀπειλημμένον ἐν ἀπεστενωμένῳ τόπῳ παρὰ φύσιν συριγμὸν ἐξαίσιον ἠφίει καὶ τοῖσ ὀδοῦσι τὴν περιέχουσαν σχοῖνον κατέσπα, πάντῃ δὲ διασειόμενον προσδοκίαν ἐποίησε τοῖσ φέρουσιν ὡσ ἐκπηδῆσον ἐκ τοῦ περιέχοντοσ αὐτὸ φιλοτεχνήματοσ.

διὸ καὶ καταπλαγέντεσ ἔθεσαν ἐπὶ τὴν γῆν τὸν ὄφιν, καὶ τοὺσ περὶ τὴν οὐρὰν τόπουσ κατακεντοῦντεσ ἀντιπεριέσπων τοῦ θηρίου τὸν ἀπὸ τῶν ὀδόντων σπαραγμὸν ἐπὶ τὴν αἴσθησιν τῶν ἀλγούντων μερῶν. ἀπενέγκαντεσ δ’ εἰσ τὴν Ἀλεξάνδρειαν ἐδωρήσαντο τῷ βασιλεῖ, παράδοξον θέαμα καὶ τοῖσ ἀκούσασιν ἀπιστούμενον.

τῇ δ’ ἐνδείᾳ τῆσ τροφῆσ καταπονήσαντεσ τὴν ἀλκὴν τοῦ θηρίου τιθασὸν ἐκ τοῦ κατ’ ὀλίγον ἐποίησαν, ὥστε θαυμαστὴν αὐτοῦ γενέσθαι τὴν ἐξημέρωσιν. ὁ δὲ Πτολεμαῖοσ τοῖσ μὲν κυνηγοῖσ τὰσ ἀξίασ ἀπένειμε δωρεάσ, τὸν δ’ ὄφιν ἔτρεφε τετιθασευμένον καὶ τοῖσ εἰσ τὴν βασιλείαν παραβάλλουσι ξένοισ μέγιστον παρεχόμενον καὶ παραδοξότατον θέαμα.

διόπερ τηλικούτου μεγέθουσ ὄφεωσ εἰσ ὄψιν κοινὴν κατηντηκότοσ οὐκ ἄξιον ἀπιστεῖν τοῖσ Αἰθίοψιν οὐδὲ μῦθον ὑπολαμβάνειν τὸ θρυλούμενον ὑπ’ αὐτῶν.

ἀποφαίνονται γὰρ ὁρᾶσθαι κατὰ τὴν χώραν αὐτῶν ὄφεισ τηλικούτουσ τὸ μέγεθοσ ὥστε μὴ μόνον βοῦσ τε καὶ ταύρουσ καὶ τῶν ἄλλων ζῴων τὰ τηλικαῦτα τοῖσ ὄγκοισ ἀναλίσκειν, ἀλλὰ καὶ τοῖσ ἐλέφασιν εἰσ ἀλκὴν συνίστασθαι, καὶ διὰ μὲν τῆσ σπείρασ ἐμπλεκομένουσ τοῖσ σκέλεσιν ἐμποδίζειν τὴν κατὰ φύσιν κίνησιν, τὸν δ’ αὐχένα μετεωρίσαντασ ὑπὲρ τὴν προβοσκίδα τὴν κεφαλὴν ἐναντίαν ποιεῖν τοῖσ τῶν ἐλεφάντων ὄμμασι, διὰ δὲ τοῦ πυρωποῦ τῶν ὀφθαλμῶν ἀστραπῇ παραπλησίασ τὰσ λαμπηδόνασ προβάλλοντασ ἀποτυφλοῦν τὴν ὁρ́ασιν, καὶ σφήλαντασ ἐπὶ τὴν γῆν σαρκοφαγεῖν τὰ χειρωθέντα τῶν ζῴων.

일치하는 문장이 없습니다.

SEARCH

MENU NAVIGATION