Diodorus Siculus, Bibliotheca Historica, book 3, chapter 72

(디오도로스 시켈로스, Bibliotheca Historica, book 3, chapter 72)

τοῦ δ’ οὖν Διονύσου μέλλοντοσ στρατεύειν ἐπὶ τὸν Κρόνον καὶ τῆσ δυνάμεωσ ἐκ τῆσ Νύσησ ἐξιούσησ, μυθολογοῦσιν Ἀρισταῖον τὸν ἐπιστάτην αὐτοῦ θυσίαν τε παραστῆσαι καὶ πρῶτον ἀνθρώπων ὡσ θεῷ θῦσαι. συστρατεῦσαι δέ φασι καὶ τῶν Νυσαίων τοὺσ εὐγενεστάτουσ, οὓσ ὀνομάζεσθαι Σειληνούσ. πρῶτον γὰρ τῶν ἁπάντων βασιλεῦσαί φασι Σειληνόν, οὗ τὸ γένοσ ὅθεν ἦν ὑπὸ πάντων ἀγνοεῖσθαι διὰ τὴν ἀρχαιότητα.

ἔχοντοσ δ’ αὐτοῦ κατὰ τὴν ὀσφῦν οὐράν, διατελέσαι καὶ τοὺσ ἐκγόνουσ τὸ παράσημον τοῦτο φοροῦντασ διὰ τὴν τῆσ φύσεωσ κοινωνίαν. τὸν δ’ οὖν Διόνυσον ἀναζεύξαντα μετὰ τῆσ δυνάμεωσ, καὶ διελθόντα πολλὴν μὲν ἄνυδρον χώραν, οὐκ ὀλίγην δ’ ἔρημον καὶ θηριώδη, καταστρατοπεδεῦσαι περὶ πόλιν Λιβυκὴν τὴν ὀνομαζομένην Ζάβιρναν. πρὸσ δὲ ταύτῃ γηγενὲσ ὑπάρχον θηρίον καὶ πολλοὺσ ἀναλίσκον τῶν ἐγχωρίων, τὴν ὀνομαζομένην Κάμπην, ἀνελεῖν καὶ μεγάλησ τυχεῖν δόξησ ἐπ’ ἀνδρείᾳ παρὰ τοῖσ ἐγχωρίοισ.

ποιῆσαι δ’ αὐτὸν καὶ χῶμα παμμέγεθεσ ἐπὶ τῷ φονευθέντι θηρίῳ, βουλόμενον ἀθάνατον ἀπολιπεῖν ὑπόμνημα τῆσ ἰδίασ ἀρετῆσ, τὸ καὶ διαμεῖναν μέχρι τῶν νεωτέρων χρόνων. ἔπειτα τὸν μὲν Διόνυσον προάγειν πρὸσ τοὺσ Τιτᾶνασ, εὐτάκτωσ ποιούμενον τὰσ ὁδοιπορίασ καὶ πᾶσι τοῖσ ἐγχωρίοισ φιλανθρώπωσ προσφερόμενον καὶ τὸ σύνολον ἑαυτὸν ἀποφαινόμενον στρατεύειν ἐπὶ κολάσει μὲν τῶν ἀσεβῶν, εὐεργεσίᾳ δὲ τοῦ κοινοῦ γένουσ τῶν ἀνθρώπων.

τοὺσ δὲ Λίβυασ θαυμάζοντασ τὴν εὐταξίαν καὶ τὸ τῆσ ψυχῆσ μεγαλοπρεπέσ, τροφάσ τε παρέχεσθαι τοῖσ ἀνθρώποισ δαψιλεῖσ καὶ συστρατεύειν προθυμότατα. συνεγγιζούσησ δὲ τῆσ δυνάμεωσ τῇ πόλει τῶν Ἀμμωνίων, τὸν Κρόνον πρὸ τοῦ τείχουσ παρατάξει λειφθέντα τὴν μὲν πόλιν νυκτὸσ ἐμπρῆσαι, σπεύδοντα εἰσ τέλοσ καταφθεῖραι τοῦ Διονύσου τὰ πατρῷα βασίλεια, αὐτὸν δ’ ἀναλαβόντα τὴν γυναῖκα Ῥέαν καί τινασ τῶν συνηγωνισμένων φίλων λαθεῖν ἐκ τῆσ πόλεωσ διαδράντα.

οὐ μὴν τόν γε Διόνυσον ὁμοίαν ἔχειν τούτῳ προαίρεσιν· λαβόντα γὰρ τόν τε Κρόνον καὶ τὴν Ῥέαν αἰχμαλώτουσ οὐ μόνον ἀφεῖναι τῶν ἐγκλημάτων διὰ τὴν συγγένειαν, ἀλλὰ καὶ παρακαλέσαι τὸν λοιπὸν χρόνον γονέων ἔχειν πρὸσ αὐτὸν εὔνοιάν τε καὶ τάξιν καὶ συζῆν τιμωμένουσ ὑπ’ αὐτοῦ μάλιστα πάντων. τὴν μὲν οὖν Ῥέαν διατελέσαι πάντα τὸν βίον ὡσ υἱὸν ἀγαπῶσαν, τὸν δὲ Κρόνον ὕπουλον ἔχειν τὴν εὔνοιαν.

γενέσθαι δ’ αὐτοῖσ περὶ τούτουσ τοὺσ χρόνουσ υἱόν, ὃν προσαγορευθῆναι Δία, τιμηθῆναι δὲ μεγάλωσ ὑπὸ τοῦ Διονύσου, καὶ δι’ ἀρετὴν ἐν τοῖσ ὕστερον χρόνοισ γενέσθαι πάντων βασιλέα.

일치하는 문장이 없습니다.

SEARCH

MENU NAVIGATION