헬라어 문장 검색 - Διοδορ́Βιβλιοτ́3́28́

(디오도로스 시켈로스, Bibliotheca Historica, book 3, chapter 27)

ἔνιοι δὲ τῶν πλησίον κατοικούντων χωρὶσ κινδύνων θηρεύουσι τοὺσ ἐλέφαντασ τέχνῃ τῆσ βίασ περιγινόμενοι. εἰώθε γὰρ τοῦτο τὸ ζῷον, ἐπειδὰν ἀπὸ τῆσ νομῆσ πληρωθῇ, πρὸσ ὕπνον καταφέρεσθαι, διαφορὰν ἐχούσησ τῆσ περὶ αὐτὸ διαθέσεωσ πρὸσ τὰ λοιπὰ τῶν τετραπόδων· οὐ γὰρ δύναται τοῖσ γόνασι πρὸσ τὴν γῆν συγκαθιέναι τὸν ὅλον ὄγκον, ἀλλὰ πρὸσ δένδρον ἀνακλιθὲν ποιεῖται τὴν διὰ τῶν ὕπνων ἀνάπαυσιν.

διόπερ τὸ δένδρον διὰ τὴν γινομένην πρὸσ αὐτὸ πλεονάκισ πρόσκλισιν τοῦ ζῴου τετριμμένον τέ ἐστι καὶ ῥύπου πλῆρεσ, πρὸσ δὲ τούτοισ ὁ περὶ αὐτὸ τόποσ ἴχνη τε ἔχει καὶ σημεῖα πολλά, δι’ ὧν οἱ τὰ τοιαῦτα ἐρευνῶντεσ Αἰθίοπεσ γνωρίζουσι τὰσ τῶν ἐλεφάντων κοίτασ. ὅταν οὖν ἐπιτύχωσι τοιούτῳ δένδρῳ, πρίζουσιν αὐτὸ παρὰ τὴν γῆν, μέχρι ἂν ὀλίγην ἔτι τὴν ῥοπὴν ἔχῃ πρὸσ τὴν πτῶσιν·

εἶθ’ οὗτοι μὲν τὰ σημεῖα τῆσ ἰδίασ παρουσίασ ἀφανίσαντεσ ταχέωσ ἀπαλλάττονται, φθάνοντεσ τὴν ἔφοδον τοῦ ζῴου, ὁ δ’ ἐλέφασ πρὸσ τὴν ἑσπέραν ἐμπλησθεὶσ τῆσ τροφῆσ ἐπὶ τὴν συνήθη καταντᾷ κοίτην. κατακλιθεὶσ δὲ ἀθρόῳ τῷ βάρει παραχρῆμα μετὰ τῆσ τοῦ δένδρου φορᾶσ ἐπὶ τὴν γῆν καταφέρεται, πεσὼν δ’ ὕπτιοσ μένει τὴν νύκτα κείμενοσ διὰ τὸ τὴν τοῦ σώματοσ φύσιν ἀδημιούργητον εἶναι πρὸσ ἀνάστασιν. οἱ δὲ πρίσαντεσ τὸ δένδρον Αἰθίοπεσ ἅμ’ ἡμέρᾳ καταντῶσι, καὶ χωρὶσ κινδύνων ἀποκτείναντεσ τὸ ζῷον σκηνοποιοῦνται περὶ τὸν τόπον καὶ παραμένουσι μέχρι ἂν τὸ πεπτωκὸσ ἀναλώσωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 3, chapter 27

(디오도로스 시켈로스, Bibliotheca Historica, book 3, chapter 27)

상위

목록

SEARCH

MENU NAVIGATION