헬라어 문장 검색 - Διοδορ́Βιβλιοτ́3́61́

(디오도로스 시켈로스, Bibliotheca Historica, book 3, chapter 60)

μετὰ δὲ τὴν Ὑπερίονοσ τελευτὴν μυθολογοῦσι τοὺσ υἱοὺσ τοῦ Οὐρανοῦ διελέσθαι τὴν βασιλείαν, ὧν ὑπάρχειν ἐπιφανεστάτουσ Ἄτλαντα καὶ Κρόνον. τούτων δὲ τὸν μὲν Ἄτλαντα λαχεῖν τοὺσ παρὰ τὸν ὠκεανὸν τόπουσ, καὶ τούσ τε λαοὺσ Ἀτλαντίουσ ὀνομάσαι καὶ τὸ μέγιστον τῶν κατὰ τὴν χώραν ὀρῶν ὁμοίωσ Ἄτλαντα προσαγορεῦσαι. φασὶ δ’ αὐτὸν τὰ περὶ τὴν ἀστρολογίαν ἐξακριβῶσαι.

καὶ τὸν σφαιρικὸν λόγον εἰσ ἀνθρώπουσ πρῶτον ἐξενεγεῖν· ἀφ’ ἧσ αἰτίασ δόξαι τὸν σύμπαντα κόσμον ἐπὶ τῶν Ἄτλαντοσ ὤμων ὀχεῖσθαι, τοῦ μύθου τὴν τῆσ σφαίρασ εὑρ́εσιν καὶ καταγραφὴν αἰνιττομένου. γενέσθαι δ’ αὐτῷ πλείουσ υἱούσ, ὧν ἕνα διενεγκεῖν εὐσεβείᾳ καὶ τῇ πρὸσ τοὺσ ἀρχομένουσ δικαιοσύνῃ καὶ φιλανθρωπίᾳ, τὸν προσαγορευόμενον Ἕσπερον. τοῦτον δ’ ἐπὶ τὴν κορυφὴν τοῦ Ἄτλαντοσ ὄρουσ ἀναβαίνοντα καὶ τὰσ τῶν ἄστρων παρατηρήσεισ ποιούμενον ἐξαίφνησ ὑπὸ πνευμάτων συναρπαγέντα μεγάλων ἄφαντον γενέσθαι·

διὰ δὲ τὴν ἀρετὴν αὐτοῦ τὸ πάθοσ τὰ πλήθη ἐλεήσαντα τιμὰσ ἀθανάτουσ ἀπονεῖμαι καὶ τὸν ἐπιφανέστατον τῶν κατὰ τὸν οὐρανὸν ἀστέρων ὁμωνύμωσ ἐκείνῳ προσαγορεῦσαι. ὑπάρξαι δ’ Ἄτλαντι καὶ θυγατέρασ ἑπτά, τὰσ κοινῶσ μὲν ἀπὸ τοῦ πατρὸσ καλουμένασ Ἀτλαντίδασ, ἰδίᾳ δ’ ἑκάστην ὀνομαζομένην Μαῖαν, Ἠλέκτραν, Ταϋγέτην, Στερόπην, Μερόπην, Ἁλκυόνην, καὶ τελευταίαν Κελαινώ.

ταύτασ δὲ μιγείσασ τοῖσ ἐπιφανεστάτοισ ἡρ́ωσι καὶ θεοῖσ ἀρχηγοὺσ καταστῆναι τοῦ γένουσ τῶν ἀνθρώπων, τεκούσασ τοὺσ δι’ ἀρετὴν θεοὺσ καὶ ἡρ́ωασ ὀνομασθέντασ, οἱο͂ν τὴν πρεσβυτάτην Μαῖαν Διὶ μιγεῖσαν Ἑρμῆν τεκνῶσαι, πολλῶν εὑρετὴν γενόμενον τοῖσ ἀνθρώποισ· παραπλησίωσ δὲ καὶ τὰσ ἄλλασ Ἀτλαντίδασ γεννῆσαι παῖδασ ἐπιφανεῖσ, ὧν τοὺσ μὲν ἐθνῶν, τοὺσ δὲ πόλεων γενέσθαι κτίστασ. διόπερ οὐ μόνον παρ’ ἐνίοισ τῶν βαρβάρων, ἀλλὰ καὶ παρὰ τοῖσ Ἕλλησι τοὺσ πλείστουσ τῶν ἀρχαιοτάτων ἡρώων εἰσ ταύτασ ἀναφέρειν τὸ γένοσ.

ὑπάρξαι δ’ αὐτὰσ καὶ σώφρονασ διαφερόντωσ, καὶ μετὰ τὴν τελευτὴν τυχεῖν ἀθανάτου τιμῆσ παρ’ ἀνθρώποισ καθιδρυθείσασ ἐν τῷ κόσμῳ καὶ τῇ τῶν Πλειάδων προσηγορίᾳ περιληφθείσασ. ἐκλήθησαν δὲ αἱ Ἀτλαντίδεσ καὶ νύμφαι διὰ τὸ τοὺσ ἐγχωρίουσ κοινῇ τὰσ γυναῖκασ νύμφασ προσαγορεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 60

(디오도로스 시켈로스, Bibliotheca Historica, book 3, chapter 60)

상위

목록

SEARCH

MENU NAVIGATION