Diodorus Siculus, Bibliotheca Historica, book 3, chapter 25

(디오도로스 시켈로스, Bibliotheca Historica, book 3, chapter 25)

τὴν δὲ ἑξῆσ χώραν τῶν Αἰθιόπων ἐπέχουσιν οἱ καλούμενοι Κυνηγοί, σύμμετροι μὲν κατὰ τὸ πλῆθοσ, βίον δ’ οἰκεῖον ἔχοντεσ τῇ προσηγορίᾳ. θηριώδουσ γὰρ οὔσησ τῆσ χώρασ καὶ παντελῶσ λυπρᾶσ, ἔτι δὲ ὑδάτων ῥύσεισ ναματιαίων ἐχούσησ ὀλίγασ, καθεύδουσι μὲν ἐπὶ τῶν δένδρων διὰ τὸν ἀπὸ τῶν θηρίων φόβον, ὑπὸ δὲ τὴν ἑωθινὴν πρὸσ τὰσ συρρύσεισ τῶν ὑδάτων μεθ’ ὅπλων φοιτῶντεσ ἑαυτοὺσ ἀποκρύβουσιν εἰσ τὴν ὕλην καὶ σκοπεύουσιν ἐπὶ τῶν δένδρων. κατὰ δὲ τὸν τοῦ καύματοσ καιρόν, ἐρχομένων βοῶν τε ἀγρίων καὶ παρδάλεων καὶ τῶν ἄλλων θηρίων πλήθουσ πρὸσ τὸ ποτόν, ταῦτα μὲν διὰ τὴν ὑπερβολὴν τοῦ τε καύματοσ καὶ δίψουσ λάβρωσ προσφέρεται τὸ ὑγρόν, μέχρι ἂν ἐμπλησθῇ, οἱ δ’ Αἰθίοπεσ, γενομένων αὐτῶν βαρέων καὶ δυσκινήτων, καταπηδῶντεσ ἀπὸ τῶν δένδρων καὶ χρώμενοι ξύλοισ πεπυρακτωμένοισ καὶ λίθοισ, ἔτι δὲ τοξεύμασι, ῥᾳδίωσ καταπονοῦσι.

κατὰ δὲ συστήματα ταύταισ χρώμενοι ταῖσ κυνηγίαισ σαρκοφαγοῦσι τὰ ληφθέντα, καὶ σπανίωσ μὲν ὑπὸ τῶν ἀλκιμωτάτων ζῴων αὐτοὶ διαφθείρονται, τὰ δὲ πολλὰ δόλῳ τὴν ἐκ βίασ ὑπεροχὴν χειροῦνται.

ἐὰν δέ ποτε τῶν κυνηγουμένων ζῴων σπανίζωσι, τὰσ δορὰσ τῶν πρότερον εἰλημμένων βρέξαντεσ ἐπιτιθέασιν ἐπὶ πῦρ ἁπαλόν·

σποδίσαντεσ δὲ τὰσ τρίχασ τὰ δέρματα διαιροῦσι, καὶ κατεσθίοντεσ βεβιασμένωσ ἀναπληροῦσι τὴν ἔνδειαν. τοὺσ δὲ ἀνήβουσ παῖδασ γυμνάζουσιν ἐπὶ σκοπὸν βάλλειν, καὶ μόνοισ διδόασι τροφὴν τοῖσ ἐπιτυχοῦσι.

διὸ καὶ θαυμαστοὶ ταῖσ εὐστοχίαισ ἄνδρεσ γίνονται, κάλλιστα διδασκόμενοι ταῖσ τοῦ λιμοῦ πληγαῖσ.

일치하는 문장이 없습니다.

SEARCH

MENU NAVIGATION