Diodorus Siculus, Bibliotheca Historica, book 3, chapter 20

(디오도로스 시켈로스, Bibliotheca Historica, book 3, chapter 20)

ἓν δὲ γένοσ τῶν Ἰχθυοφάγων τοιαύτασ ἔχει τὰσ οἰκήσεισ ὥστε πολλὴν ἀπορίαν παρέχεσθαι τοῖσ τὰ τοιαῦτα φιλοτιμουμένοισ ζητεῖν· ἐν γὰρ ἀποκρήμνοισ φάραγξι καθίδρυνταί τινεσ, εἰσ ἃσ ἐξ ἀρχῆσ ἦν ἀδύνατον παραβάλλειν τοὺσ ἀνθρώπουσ, ἄνωθεν μὲν ἐπεχούσησ πέτρασ ὑψηλῆσ καὶ πανταχόθεν ἀποτόμου, ἐκ πλαγίων δὲ κρημνῶν ἀπροσίτων ὑφαιρουμένων τὰσ παρόδουσ, τὴν δὲ λοιπὴν πλευρὰν τοῦ πελάγουσ ὁρίζοντοσ, ὃ πεζῇ μὲν διελθεῖν ἀδύνατον, σχεδίαισ δὲ οὐ χρῶνται τὸ παράπαν, πλοίων τε τῶν παρ’ ἡμῖν ὑπάρχουσιν ἀνεννόητοι. τοιαύτησ δὲ ἀπορίασ περὶ αὐτοὺσ οὔσησ, ὑπολείπεται λέγειν αὐτόχθονασ αὐτοὺσ ὑπάρχειν, ἀρχὴν μὲν τοῦ πρώτου γένουσ μηδεμίαν ἐσχηκότασ, ἀεὶ δ’ ἐξ αἰῶνοσ γεγονότασ, καθάπερ ἔνιοι τῶν φυσιολόγων περὶ πάντων τῶν φυσιολογουμένων ἀπεφήναντο.

ἀλλὰ γὰρ περὶ μὲν τῶν τοιούτων ἀνεφίκτου τῆσ ἐπινοίασ ἡμῖν οὔσησ οὐδὲν κωλύει τοὺσ τὰ πλεῖστα ἀποφηναμένουσ ἐλάχιστα γινώσκειν, ὡσ ἂν τῆσ ἐν τοῖσ λόγοισ πιθανότητοσ τὴν μὲν ἀκοὴν πειθούσησ, τὴν δ’ ἀλήθειαν οὐδαμῶσ εὑρισκούσησ.

일치하는 문장이 없습니다.

SEARCH

MENU NAVIGATION