헬라어 문장 검색 - Διοδορ́Βιβλιοτ́3́67́

(디오도로스 시켈로스, Bibliotheca Historica, book 3, chapter 66)

αὗται μὲν οὖν αἱ γενέσεισ συμφωνοῦνται μάλιστα παρὰ τοῖσ παλαιοῖσ· ἀμφισβητοῦσι δὲ καὶ πόλεισ οὐκ ὀλίγαι Ἑλληνίδεσ τῆσ τούτου τεκνώσεωσ· καὶ γὰρ Ἠλεῖοι καὶ Νάξιοι, πρὸσ δὲ τούτοισ οἱ τὰσ Ἐλευθερὰσ οἰκοῦντεσ καὶ Τήιοι καὶ πλείουσ ἕτεροι παρ’ ἑαυτοῖσ ἀποφαίνονται τεκνωθῆναι. καὶ Τήιοι μὲν τεκμήριον φέρουσι τῆσ παρ’ αὐτοῖσ γενέσεωσ τοῦ θεοῦ τὸ μέχρι τοῦ νῦν τεταγμένοισ χρόνοισ ἐν τῇ πόλει πηγὴν αὐτομάτωσ ἐκ τῆσ γῆσ οἴνου ῥεῖν εὐωδίᾳ διαφέροντοσ·

τῶν δ’ ἄλλων οἱ μὲν ἱερὰν Διονύσου δεικνύουσι τὴν χώραν, οἱ δὲ ναοὺσ καὶ τεμένη διαφερόντωσ ἐκ παλαιῶν χρόνων αὐτῷ καθιδρυμένα. καθόλου δ’ ἐν πολλοῖσ τόποισ τῆσ οἰκουμένησ ἀπολελοιπότοσ τοῦ θεοῦ σημεῖα τῆσ ἰδίασ εὐεργεσίασ ἅμα καὶ παρουσίασ, οὐδὲν παράδοξον ἑκάστουσ νομίζειν οἰκειότητά τινα γεγονέναι τῷ Διονύσῳ πρὸσ τὴν ἑαυτῶν πόλιν τε καὶ χώραν.

μαρτυρεῖ δὲ τοῖσ ὑφ’ ἡμῶν λεγομένοισ καὶ ὁ ποιητὴσ ἐν τοῖσ ὕμνοισ, λέγων περὶ τῶν ἀμφισβητούντων τῆσ τούτου γενέσεωσ καὶ ἅμα τεκνωθῆναι παρεισάγων αὐτὸν ἐν τῇ κατὰ τὴν Ἀραβίαν Νύσῃ, οἱ μὲν γὰρ Δρακάνῳ δ’, οἱ δ’ Ἰκάρῳ ἠνεμοέσσῃ φάσ’, οἱ δ’ ἐν Νάξῳ, δῖον γένοσ, εἰραφιῶτα, οἱ δέ σ’ ἐπ’ Ἀλφειῷ ποταμῷ βαθυδινήεντι κυσαμένην Σεμέλην τεκέειν Διὶ τερπικεραύνῳ, ἄλλοι δ’ ἐν Θήβῃσιν, ἄναξ, σε λέγουσι γενέσθαι, ψευδόμενοι· σὲ δ’ ἔτικτε πατὴρ ἀνδρῶν τε θεῶν τε πολλὸν ἀπ’ ἀνθρώπων κρύπτων λευκώλενον Ἥρην. ἔστι δέ τισ Νύση, ὕπατον ὄροσ, ἀνθέον ὕλῃ, τηλοῦ Φοινίκησ, σχεδὸν Αἰγύπτοιο ῥοάων. οὐκ ἀγνοῶ δ’ ὅτι καὶ τῶν τὴν Λιβύην νεμομένων οἱ παρὰ τὸν ὠκεανὸν οἰκοῦντεσ ἀμφισβητοῦσι τῆσ τοῦ θεοῦ γενέσεωσ, καὶ τῆν Νῦσαν καὶ τἄλλα τὰ περὶ αὐτοῦ μυθολογούμενα παρ’ ἑαυτοῖσ δεικνύουσι γεγενημένα, καὶ πολλὰ τεκμήρια τούτων μέχρι τοῦ καθ’ ἡμᾶσ βίου διαμένειν κατὰ τὴν χώραν φασί·

πρὸσ δὲ τούτοισ ὅτι πολλοὶ τῶν παλαιῶν παρ’ Ἕλλησι μυθογράφων καὶ ποιητῶν συμφωνούμενα τούτοισ ἱστοροῦσι καὶ τῶν μεταγενεστέρων συγγραφέων οὐκ ὀλίγοι. διόπερ, ἵνα μηδὲν παραλίπωμεν τῶν ἱστορημένων περὶ Διονύσου, διέξιμεν ἐν κεφαλαίοισ τὰ παρὰ τοῖσ Λίβυσι λεγόμενα καὶ τῶν Ἑλληνικῶν συγγραφέων ὅσοι τούτοισ σύμφωνα γεγράφασι καὶ Διονυσίῳ τῷ συνταξαμένῳ τὰσ παλαιὰσ μυθοποιίασ.

οὗτοσ γὰρ τά τε περὶ τὸν Διόνυσον καὶ τὰσ Ἀμαζόνασ, ἔτι δὲ τοὺσ Ἀργοναύτασ καὶ τὰ κατὰ τὸν Ἰλιακὸν πόλεμον πραχθέντα καὶ πόλλ’ ἕτερα συντέτακται, παρατιθεὶσ τὰ ποιήματα τῶν ἀρχαίων, τῶν τε μυθολόγων καὶ τῶν ποιητῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 66

(디오도로스 시켈로스, Bibliotheca Historica, book 3, chapter 66)

상위

목록

SEARCH

MENU NAVIGATION