헬라어 문장 검색 - Διοδορ́Βιβλιοτ́3́15́

(디오도로스 시켈로스, Bibliotheca Historica, book 3, chapter 14)

τὸ δὲ τελευταῖον οἱ τεχνῖται παραλαβόντεσ τὸν ἀληλεσμένον λίθον πρὸσ τὴν ὅλην ἄγουσι συντέλειαν· ἐπὶ γὰρ πλατείασ σανίδοσ μικρὸν ἐγκεκλιμένησ τρίβουσι τὴν κατειργασμένην μάρμαρον ὕδωρ ἐπιχέοντεσ· εἶτα τὸ μὲν γεῶδεσ αὐτῆσ ἐκτηκόμενον διὰ τῶν ὑγρῶν καταρρεῖ κατὰ τὴν τῆσ σανίδοσ ἔγκλισιν, τὸ δὲ χρυσίον ἔχον ἐπὶ τοῦ ξύλου παραμένει διὰ τὸ βάροσ. πολλάκισ δὲ τοῦτο ποιοῦντεσ, τὸ μὲν πρῶτον ταῖσ χερσὶν ἐλαφρῶσ τρίβουσι, μετὰ δὲ ταῦτα σπόγγοισ ἀραιοῖσ κούφωσ ἐπιθλίβοντεσ τὸ χαῦνον καὶ γεῶδεσ διὰ τούτων ἀναλαμβάνουσι, μέχρι ἂν ὅτου καθαρὸν γένηται τὸ ψῆγμα τοῦ χρυσοῦ.

τὸ δὲ τελευταῖον ἄλλοι τεχνῖται παραλαμβάνοντεσ μέτρῳ καὶ σταθμῷ τὸ συνηγμένον εἰσ κεραμεοῦσ χύτρουσ ἐμβάλλουσι·

μίξαντεσ δὲ κατὰ τὸ πλῆθοσ ἀνάλογον μολίβδου βῶλον καὶ χόνδρουσ ἁλῶν, ἔτι δὲ βραχὺ καττιτέρου, καὶ κρίθινον πίτυρον προσεμβάλλουσιν· ἁρμοστὸν δ’ ἐπίθημα ποιήσαντεσ καὶ πηλῷ φιλοπόνωσ περιχρίσαντεσ ὀπτῶσιν ἐν καμίνῳ πέντε ἡμέρασ καὶ νύκτασ ἴσασ ἀδιαλείπτωσ· ἔπειτα ἐάσαντεσ ψυχθῆναι τῶν μὲν ἄλλων οὐδὲν εὑρίσκουσιν ἐν τοῖσ ἀγγείοισ, τὸν δὲ χρυσὸν καθαρὸν λαμβάνουσιν ὀλίγησ ἀπουσίασ γεγενημένησ.

ἡ μὲν οὖν ἐργασία τοῦ χρυσοῦ περὶ τὰσ ἐσχατιὰσ τῆσ Αἰγύπτου γινομένη μετὰ τοσούτων καὶ τηλικούτων πόνων συντελεῖται· αὐτὴ γὰρ ἡ φύσισ, οἶμαι, ποιεῖ πρόδηλον ὡσ ὁ χρυσὸσ γένεσιν μὲν ἐπίπονον ἔχει, φυλακὴν δὲ χαλεπήν, σπουδὴν δὲ μεγίστην, χρῆσιν δὲ ἀνὰ μέσον ἡδονῆσ τε καὶ λύπησ.

ἡ μὲν οὖν τῶν μετάλλων τούτων εὑρ́εσισ ἀρχαία παντελῶσ ἐστιν, ὡσ ἂν ὑπὸ τῶν παλαιῶν βασιλέων καταδειχθεῖσα. περὶ δὲ τῶν ἐθνῶν τῶν κατοικούντων τήν τε παράλιον τοῦ Ἀραβίου κόλπου καὶ Τρωγλοδυτικήν, ἔτι δ’ Αἰθιοπίαν τὴν πρὸσ μεσημβρίαν καὶ νότον, πειρασόμεθα διεξιέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 14

(디오도로스 시켈로스, Bibliotheca Historica, book 3, chapter 14)

상위

목록

SEARCH

MENU NAVIGATION