헬라어 문장 검색 - Διοδορ́Βιβλιοτ́3́36́

(디오도로스 시켈로스, Bibliotheca Historica, book 3, chapter 35)

ἐπεὶ δὲ τῶν ἐθνῶν καὶ βίων τὰ κεφάλαια τῶν δοκούντων εἶναι παραδόξων διεληλύθαμεν, περὶ τῶν θηρίων τῶν κατὰ τὰσ ὑποκειμένασ χώρασ ἐν μέρει διέξιμεν. ἔστι γὰρ ζῷον ὃ καλεῖται μὲν ἀπὸ τοῦ συμβεβηκότοσ ῥινόκερωσ, ἀλκῇ δὲ καὶ βίᾳ παραπλήσιον ὂν ἐλέφαντι, τῷ δὲ ὕψει ταπεινότερον, τὴν μὲν δορὰν ἰσχυροτάτην ἔχει, τὴν δὲ χρόαν πυξοειδῆ.

ἐπὶ δ’ ἄκρων τῶν μυκτήρων φέρει κέρασ τῷ τύπῳ σιμόν, τῇ δὲ στερεότητι σιδήρῳ παρεμφερέσ. τοῦτο περὶ τῆσ νομῆσ ἀεὶ διαφερόμενον ἐλέφαντι τὸ μὲν κέρασ πρόσ τινα τῶν πετρῶν θήγει, συμπεσὸν δ’ εἰσ μάχην τῷ προειρημένῳ θηρίῳ καὶ ὑποδῦνον ὑπὸ τὴν κοιλίαν ἀναρρήττει τῷ κέρατι καθάπερ ξίφει τὴν σάρκα.

τῷ δὲ τοιούτῳ τρόπῳ τῆσ μάχησ χρώμενον ἔξαιμα ποιεῖ τὰ θηρία καὶ πολλὰ διαφθείρει. ὅταν δὲ ὁ ἐλέφασ φθάσασ τὴν ὑπὸ τὴν κοιλίαν ὑπόδυσιν τῇ προβοσκίδι προκαταλάβηται τὸν ῥινόκερων, περιγίνεται ῥᾳδίωσ τύπτων τοῖσ ὀδοῦσι καὶ τῇ βίᾳ πλέον ἰσχύων. αἱ δὲ σφίγγεσ γίνονται μὲν περί τε τὴν Τρωγλοδυτικὴν καὶ τὴν Αἰθιοπίαν, ταῖσ δὲ μορφαῖσ ὑπάρχουσιν οὐκ ἀνόμοιοι ταῖσ γραφομέναισ, μόνον δὲ ταῖσ δασύτησι διαλλάττουσι, τὰσ δὲ ψυχὰσ ἡμέρουσ ἔχουσαι καὶ πανούργουσ ἐπὶ πλέον καὶ διδασκαλίαν μεθοδικὴν ἐπιδέχονται.

οἱ δ’ ὀνομαζόμενοι κυνοκέφαλοι τοῖσ μὲν σώμασιν ἀνθρώποισ δυσειδέσι παρεμφερεῖσ εἰσι, ταῖσ δὲ φωναῖσ μυγμοὺσ ἀνθρωπίνουσ προϊένται.

ἀγριώτατα δὲ ταῦτα τὰ ζῷα καὶ παντελῶσ ἀτιθάσευτα καθεστῶτα τὴν ἀπὸ τῶν ὀφρύων πρόσοψιν αὐστηροτέραν ἔχει. ταῖσ δὲ θηλείαισ ἰδιώτατον συμβαίνει τὸ τὴν μήτραν ἐκτὸσ τοῦ σώματοσ φέρειν πάντα τὸν χρόνον. ὁ δὲ λεγόμενοσ κῆποσ ὠνόμασται μὲν ἀπὸ τῆσ περὶ τὸν ὄγκον ὅλον ὡραίασ καὶ προσηνοῦσ ἡλικίασ, τὸ δὲ πρόσωπον ἔχων ὅμοιον λέοντι τὸ λοιπὸν σῶμα φέρει πάνθηρι παραπλήσιον, πλὴν τοῦ μεγέθουσ, ὃ παρισοῦται δορκάδι.

πάντων δὲ τῶν εἰρημένων ζῴων ὁ σαρκοφάγοσ ταῦροσ ἀγριώτατόσ ἐστι καὶ παντελῶσ δυσκαταμάχητοσ.

τῷ μὲν γὰρ ὄγκῳ τοῦτο μεῖζόν ἐστι τῶν ἡμέρων ταύρων, ὀξύτητι δὲ ποδῶν οὐ λειπόμενον ἵππου, τῷ στόματι δὲ διεστηκὸσ ἄχρι τῶν ὤτων. τὸ δὲ χρῶμα πυρρὸν ἔχει καθ’ ὑπερβολήν, καὶ τὰ μὲν ὄμματα γλαυκότερα λέοντοσ καὶ τὰσ νύκτασ ἀστράπτοντα, τὰ δὲ κέρατα φύσεωσ ἰδιοτρόπου κοινωνοῦντα· τὸν μὲν γὰρ ἄλλον χρόνον αὐτὰ κινεῖ παραπλησίωσ τοῖσ ὠσί, κατὰ δὲ τὰσ μάχασ ἵστησιν ἀραρότωσ. τὴν δὲ τῆσ τριχὸσ ἐπαγωγὴν ἔχει τοῖσ ἄλλοισ ζῴοισ ἐναντίαν. ἔστι δὲ τὸ θηρίον ἀλκῇ τε καὶ δυνάμει διάφορον, ὡσ ἂν ἐπιτιθέμενον τοῖσ ἀλκιμωτάτοισ τῶν ζῴων καὶ τὴν τροφὴν ἔχον ἐκ τῆσ τῶν χειρωθέντων σαρκοφαγίασ.

διαφθείρει δὲ καὶ τὰσ ποίμνασ τῶν ἐγχωρίων, καὶ καταπληκτικῶσ ἀγωνίζεται πρὸσ ὅλα συστήματα τῶν ποιμένων καὶ κυνῶν ἀγέλασ. λέγεται δὲ καὶ τὸ δέρμα ἄτρωτον ἔχειν·

πολλῶν γοῦν ἐπιβεβλημένων λαβεῖν ὑποχείριον μηδένα κατισχυκέναι. τὸ δ’ εἰσ ὄρυγμα πεσὸν ἢ δι’ ἄλλησ ἀπάτησ χειρωθὲν ὑπὸ τοῦ θυμοῦ γίνεται περιπνιγέσ, καὶ τῆσ ἐλευθερίασ οὐδαμῶσ ἀλλάττεται τὴν ἐν τῷ τιθασεύεσθαι φιλανθρωπίαν. διόπερ εἰκότωσ οἱ Τρωγλοδύται τοῦτο τὸ θηρίον κράτιστον κρίνουσιν, ὡσ ἂν τῆσ φύσεωσ αὐτῷ δεδωρημένησ ἀλκὴν μὲν λέοντοσ, ἵππου δὲ τάχοσ, ῥώμην δὲ ταύρου, τῆσ δὲ πάντων κρατίστησ σιδήρου φύσεωσ οὐχ ἡττώμενον. ὁ δὲ λεγόμενοσ παρ’ Αἰθίοψι κροκόττασ μεμιγμένην μὲν ἔχει φύσιν κυνὸσ καὶ λύκου, τὴν δ’ ἀγριότητα φοβερωτέραν ἀμφοτέρων, τοῖσ δὲ ὀδοῦσι πάντων ὑπεράγει·

πᾶν γὰρ ὀστῶν μέγεθοσ συντρίβει ῥᾳδίωσ. καὶ τὸ καταποθὲν διὰ τῆσ κοιλίασ πέττει παραδόξωσ· τοῦτο δὲ τὸ ζῷον τῶν ψευδῶσ παραδοξολογούντων ἱστοροῦντεσ ἔνιοι μιμεῖσθαι τὴν τῶν ἀνθρώπων διάλεκτον ἡμᾶσ μὲν οὐ πείθουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 35

(디오도로스 시켈로스, Bibliotheca Historica, book 3, chapter 35)

상위

목록

SEARCH

MENU NAVIGATION