헬라어 문장 검색 - Διοδορ́Βιβλιοτ́3́12́

(디오도로스 시켈로스, Bibliotheca Historica, book 3, chapter 11)

περὶ δὲ τῶν συγγραφέων ἡμῖν διοριστέον, ὅτι πολλοὶ συγγεγράφασι περί τε τῆσ Αἰγύπτου καὶ τῆσ Αἰθιοπίασ, ὧν οἱ μὲν ψευδεῖ φήμῃ πεπιστευκότεσ, οἱ δὲ παρ’ ἑαυτῶν πολλὰ τῆσ ψυχαγωγίασ ἕνεκα πεπλακότεσ, δικαίωσ ἂν ἀπιστοῖντο. Ἀγαθαρχίδησ μὲν γὰρ ὁ Κνίδιοσ ἐν τῇ δευτέρᾳ βίβλῳ τῶν περὶ τὴν Ἀσίαν, καὶ ὁ τὰσ γεωγραφίασ συνταξάμενοσ Ἀρτεμίδωροσ ὁ Ἐφέσιοσ κατὰ τὴν ὀγδόην βίβλον, καὶ τινεσ ἕτεροι τῶν ἐν Αἰγύπτῳ κατοικούντων, ἱστορηκότεσ τὰ πλεῖστα τῶν προειρημένων ἐν πᾶσι σχεδὸν ἐπιτυγχάνουσι.

καὶ γὰρ ἡμεῖσ καθ’ ὃν καιρὸν παρεβάλομεν εἰσ Αἴγυπτον, πολλοῖσ μὲν τῶν ἱερέων ἐνετύχομεν, οὐκ ὀλίγοισ δὲ καὶ πρεσβευταῖσ ἀπὸ τῆσ Αἰθιοπίασ παροῦσιν εἰσ λόγουσ ἀφικόμεθα·

παρ’ ὧν ἀκριβῶσ ἕκαστα πυθόμενοι, καὶ τοὺσ λόγουσ τῶν ἱστορικῶν ἐξελέγξαντεσ, τοῖσ μάλιστα συμφωνοῦσιν ἀκόλουθον τὴν ἀναγραφὴν πεποιήμεθα. περὶ μὲν οὖν Αἰθιόπων τῶν πρὸσ τῇ δύσει κατοικούντων ἀρκεσθησόμεθα τοῖσ ῥηθεῖσι, περὶ δὲ τῶν κατὰ τὴν μεσημβρίαν καὶ τὴν Ἐρυθρὰν θάλατταν κειμένων ἐν μέρει διέξιμεν.

δοκεῖ δ’ ἡμῖν ἁρμόττειν προδιελθεῖν περὶ τῆσ τοῦ χρυσοῦ κατασκευῆσ τῆσ ἐν τούτοισ τοῖσ τόποισ γινομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 3, chapter 11

(디오도로스 시켈로스, Bibliotheca Historica, book 3, chapter 11)

상위

목록

SEARCH

MENU NAVIGATION