Diodorus Siculus, Bibliotheca Historica, book 3, chapter 31

(디오도로스 시켈로스, Bibliotheca Historica, book 3, chapter 31)

τὰσ δ’ ἐσχατιὰσ τῶν πρὸσ μεσημβρίαν μερῶν κατοικοῦσιν ἄνδρεσ ὑπὸ μὲν τῶν Ἑλλήνων καλούμενοι Κυναμολγοί, κατὰ δὲ τὴν τῶν πλησιοχώρων βαρβάρων διάλεκτον Ἄγριοι. οὗτοι δὲ πώγωνασ μὲν φέρουσι παμμεγέθεισ, κυνῶν δὲ τρέφουσιν ἀγρίων ἀγέλασ πρὸσ τὴν τοῦ βίου χρείαν εὐθέτουσ. ἀπὸ γὰρ τῶν πρώτων τροπῶν τῶν θερινῶν μέχρι μέσου χειμῶνοσ Ἰνδικοὶ βόεσ ἀμύθητοι τὸ πλῆθοσ ἐπιφοιτῶσιν αὐτῶν τὴν χώραν, ἀδήλου τῆσ αἰτίασ οὔσησ·

οὐδεὶσ γὰρ οἶδεν εἴθ’ ὑπὸ ζῴων πολλῶν καὶ σαρκοφάγων πολεμούμενοι φεύγουσιν, εἴτε δι’ ἔνδειαν τροφῆσ ἐκλείποντεσ τοὺσ οἰκείουσ τόπουσ εἴτε δι’ ἄλλην περιπέτειαν, ἣν ἡ μὲν πάντα τὰ παράδοξα γεννῶσα φύσισ κατασκευάζει, τὸ δὲ τῶν ἀνθρώπων γένοσ ἀδυνατεῖ τῷ νῷ συνιδεῖν. οὐ μὴν ἀλλὰ τοῦ πλήθουσ οὐ κατισχύοντεσ δι’ ἑαυτῶν περιγενέσθαι τοὺσ κύνασ ἐπαφιᾶσι, καὶ μετὰ τούτων ποιούμενοι τὴν θήραν πολλὰ πάνυ τῶν ζῴων χειροῦνται·

τῶν δὲ ληφθέντων ἃ μὲν πρόσφατα κατεσθίουσιν, ἃ δὲ εἰσ ἅλασ συντιθέντεσ ἀποθησαυρίζουσι. πολλὰ δὲ καὶ τῶν ἄλλων ζῴων διὰ τῆσ τῶν κυνῶν ἀλκῆσ θηρεύοντεσ ἀπὸ κρεοφαγίασ τὸν βίον ἔχουσι. τὰ μὲν οὖν τελευταῖα γένη τῶν πρὸσ μεσημβρίαν οἰκούντων ἐν μορφαῖσ ἀνθρώπων τὸν βίον ἔχει θηριώδη·

λείπεται δὲ διελθεῖν ὑπὲρ δύο ἐθνῶν, τῶν τε Αἰθιόπων καὶ τῶν Τρωγλοδυτῶν. ἀλλὰ περὶ μὲν Αἰθιόπων ἀναγεγράφαμεν ἐν ἄλλοισ, περὶ δὲ τῶν Τρωγλοδυτῶν νῦν ἐροῦμεν.

일치하는 문장이 없습니다.

SEARCH

MENU NAVIGATION