Diodorus Siculus, Bibliotheca Historica, book 3, chapter 40

(디오도로스 시켈로스, Bibliotheca Historica, book 3, chapter 40)

παραπλεύσαντι δὲ τούτουσ τοὺσ τόπουσ πολλὰ μὲν Ἰχθυοφάγων ἔθνη κατοικεῖ τὴν παράλιον, πολλοὶ δὲ νομάδεσ Τρωγλοδύται. πρὸσ δὲ τούτοισ ὄρη παντοῖα ταῖσ ἰδιότησιν ὑπάρχει μέχρι λιμένοσ τοῦ προσαγορευθέντοσ σωτηρίασ, ὃσ ἔτυχε τῆσ ὀνομασίασ ταύτησ ἀπὸ τῶν πρώτων πλευσάντων Ἑλλήνων καὶ διασωθέντων. ἀπὸ δὲ τούτων τῶν μερῶν ἄρχεται συναγωγὴν λαμβάνειν ὁ κόλποσ καὶ τὴν ἐπιστροφὴν ἐπὶ τὰ κατὰ τὴν Ἀραβίαν μέρη ποιεῖσθαι.

καὶ τὴν φύσιν δὲ τῆσ χώρασ καὶ θαλάττησ ἀλλοίαν εἶναι συμβέβηκε διὰ τὴν ἰδιότητα τῶν τόπων· ἥ τε γὰρ ἤπειροσ ταπεινὴ καθορᾶται, μηδαμόθεν ἀναστήματοσ ὑπερκειμένου, ἥ τε θάλαττα τεναγώδησ οὖσα τὸ βάθοσ οὐ πλέον εὑρίσκεται τριῶν ὀργυιῶν, καὶ τῇ χρόᾳ παντελῶσ ὑπάρχει χλωρά.

τοῦτο δ’ αὐτῇ φασι συμβαίνειν οὐ διὰ τὸ τὴν τῶν ὑγρῶν φύσιν εἶναι τοιαύτην, ἀλλὰ διὰ τὸ πλῆθοσ τοῦ διαφαινομένου καθ’ ὕδατοσ μνίου καὶ φύκουσ. ταῖσ μὲν οὖν ἐπικώποισ τῶν νεῶν εὔθετόσ ἐστιν ὁ τόποσ, κλύδωνα μὲν οὐκ ἐκ πολλοῦ κυλίων διαστήματοσ, θήραν δ’ ἰχθύων ἄπλατον παρεχόμενοσ·

αἱ δὲ τοὺσ ἐλέφαντασ διάγουσαι, διὰ τὰ βάρη βαθύπλοι καθεστῶσαι καὶ ταῖσ κατασκευαῖσ ἐμβριθεῖσ, μεγάλουσ καὶ δεινοὺσ ἐπιφέρουσι κινδύνουσ τοῖσ ἐν αὐταῖσ πλέουσι. διάρσει γὰρ ἱστίων θέουσαι καὶ διὰ τὴν τῶν πνευμάτων βίαν πολλάκισ νυκτὸσ ὠθούμεναι, ὁτὲ μὲν πέτραισ προσπεσοῦσαι ναυαγοῦσι, ποτὲ δ’ εἰσ τεναγώδεισ ἰσθμοὺσ ἐμπίπτουσιν·

οἱ δὲ ναῦται παρακαταβῆναι μὲν ἀδυνατοῦσι διὰ τὸ πλέον εἶναι τὸ βάθοσ ἀνδρομήκουσ, διὰ δὲ τῶν κοντῶν τῷ σκάφει βοηθοῦντεσ ὅταν μηδὲν ἀνύωσιν, ἐκβάλλουσιν ἅπαντα πλὴν τῆσ τροφῆσ· οὐδ’ οὕτω δὲ τῆσ ἀποστροφῆσ τυγχάνοντεσ εἰσ μεγάλην ἀπορίαν ἐμπίπτουσι διὰ τὸ μήτε νῆσον μήτ’ ἄκραν ἠπείρου μήτε ναῦν ἑτέραν πλησίον ὑπάρχουσαν ὁρᾶσθαι· ἄξενοι γὰρ παντελῶσ οἱ τόποι καὶ σπανίουσ ἔχοντεσ τοὺσ ναυσὶ διακομιζομένουσ. χωρὶσ δὲ τούτων τῶν κακῶν ὁ κλύδων ἐν ἀκαρεῖ χρόνῳ τῷ κύτει τῆσ νεὼσ τοσοῦτο πλῆθοσ ἅμμου προσβάλλει καὶ συσσωρεύει παραδόξωσ ὥστε τὸν κύκλῳ τόπον περιχώννυσθαι καὶ τὸ σκάφοσ ὥσπερ ἐπίτηδεσ ἐνδεσμεύεσθαι τῇ χέρσῳ.

οἱ δὲ τούτῳ τῷ συμπτώματι περιπεσόντεσ τὸ μὲν πρῶτον μετρίωσ ὀδύρονται πρὸσ κωφὴν ἐρημίαν, οὐ παντελῶσ ἀπεγνωκότεσ τὴν σωτηρίαν·

πολλάκισ γὰρ τοῖσ τοιούτοισ ἐπιφανεὶσ ὁ τῆσ πλημυρίδοσ κλύδων ἐξῆρεν εἰσ ὕψοσ, καὶ τοὺσ ἐσχάτωσ κινδυνεύοντασ ὡσπερεὶ θεὸσ ἐπιφανεὶσ διεφύλαξεν· ὅταν δὲ ἀπὸ μὲν τῶν θεῶν ἡ προειρημένη μὴ παρακολουθήσῃ βοήθεια, τὰ δὲ τῆσ τροφῆσ λίπῃ, τοὺσ μὲν ἀσθενεστέρουσ οἱ κατισχύοντεσ ἐκβάλλουσιν εἰσ θάλατταν, ὅπωσ τοῖσ ὀλίγοισ τὰ λειπόμενα τῶν ἀναγκαίων πλείονασ ἡμέρασ ἀντέχῃ, πέρασ δὲ πάσασ τὰσ ἐλπίδασ ἐξαλείψαντεσ ἀπόλλυνται πολὺ χεῖρον τῶν προαποθανόντων· οἱ μὲν γὰρ ἐν ἀκαρεῖ χρόνῳ τὸ πνεῦμα τῇ δούσῃ φύσει πάλιν ἀπέδωκαν, οἱ δ’ εἰσ πολλὰσ ταλαιπωρίασ καταμερίσαντεσ τὸν θάνατον πολυχρονίουσ τὰσ συμφορὰσ ἔχοντεσ τῆσ τοῦ βίου καταστροφῆσ τυγχάνουσι. τὰ δὲ σκάφη ταῦτα τῶν ἐπιβατῶν οἰκτρῶσ στερηθέντα, καθάπερ τινὰ κενοτάφια, διαμένει πολὺν χρόνον πανταχόθεν περιχωννύμενα, τοὺσ δ’ ἱστοὺσ καὶ τὰσ κεραίασ μετεώρουσ ἔχοντα πόρρωθεν τοὺσ ὁρῶντασ εἰσ οἶκτον καὶ συμπάθειαν ἄγει τῶν ἀπολωλότων πρόσταγμα γάρ ἐστι βασιλέωσ ἐᾶν τὰ τοιαῦτα συμπτώματα τοῖσ πλέουσι διασημαίνειν τοὺσ τὸν ὄλεθρον περιποιοῦντασ τόπουσ.

παρὰ δὲ τοῖσ πλησίον κατοικοῦσιν Ἰχθυοφάγοισ παραδέδοται λόγοσ, ἐκ προγόνων ἔχων φυλαττομένην τὴν φήμην, ὅτι μεγάλησ τινὸσ γενομένησ ἀμπώτεωσ ἐγεώθη τοῦ κόλπου πᾶσ ὁ τόποσ ὁ τὴν χλωρὰν ἔχων τοῦ τύπου πρόσοψιν, μεταπεσούσησ τῆσ θαλάττησ εἰσ τἀναντία μέρη, καὶ φανείσησ τῆσ ἐπὶ τῷ βυθῷ χέρσου πάλιν ἐπελθοῦσαν ἐξαίσιον πλήμην ἀποκαταστῆσαι τὸν πόρον εἰσ τὴν προϋπάρχουσαν τάξιν.

일치하는 문장이 없습니다.

SEARCH

MENU NAVIGATION