헬라어 문장 검색 - Διοδορ́Βιβλιοτ́3́29́

(디오도로스 시켈로스, Bibliotheca Historica, book 3, chapter 28)

τούτων δὲ τῶν γενῶν τὰ μὲν πρὸσ ἑσπέραν μέρη κατοικοῦσιν Αἰθίοπεσ οἱ προσαγορευόμενοι Σιμοί, τὰ δὲ πρὸσ μεσημβρίαν κεκλιμένα νέμεται τὸ τῶν Στρουθοφάγων γένοσ. ἔστι γὰρ παρ’ αὐτοῖσ ὀρνέου τι γένοσ μεμιγμένην ἔχον τὴν φύσιν τῷ χερσαίῳ ζῴῳ, δι’ ἣν τῆσ συνθέτου τέτευχε προσηγορίασ.

τοῦτο δὲ μεγέθει μὲν οὐ λείπεται τῆσ μεγίστησ ἐλάφου, τὸν δὲ αὐχένα μακρὸν ἔχον καὶ περιφερεῖσ τὰσ πλευρὰσ καὶ πτερωτὰσ ὑπὸ τῆσ φύσεωσ δεδημιούργηται. καὶ κεφάλιον μὲν ἀσθενὲσ ἔχει καὶ μικρόν, μηροῖσ δὲ καὶ κώλοισ ὑπάρχει καρτερώτατον, διχήλου τῆσ βάσεωσ οὔσησ. τοῦτο πέτεσθαι μὲν μετέωρον οὐ δύναται διὰ τὸ βάροσ, τρέχει δὲ πάντων ὠκύτατον, μικρὸν ἄκροισ τοῖσ ποσὶ τῆσ γῆσ ἐπιψαῦον·

μάλιστα δ’ ὅταν κατ’ ἀνέμου πνοὰσ ἐξαίρῃ τὰσ πτέρυγασ, ὑπεξάγει καθαπερεί τισ ναῦσ ἱστιοδρομοῦσα· τοὺσ δὲ διώκοντασ ἀμύνεται διὰ τῶν ποδῶν ἀποσφενδονῶν παραδόξωσ λίθουσ χειροπληθιαίουσ. ὅταν δ’ ἐν νηνεμίᾳ διώκηται, ταχὺ συνιδρουσῶν τῶν πτερύγων ἀδυνατεῖ χρήσασθαι τοῖσ τῆσ φύσεωσ προτερήμασι, καὶ ῥᾳδίωσ καταλαμβανόμενον ἁλίσκεται.

τούτων δὲ τῶν ζῴων ἀμυθήτων ὄντων τῷ πλήθει κατὰ τὴν χώραν, οἱ βάρβαροι παντοδαπὰσ μηχανὰσ ἐπινοοῦσι κατ’ αὐτῶν τῆσ θήρασ·

ῥᾳδίωσ δὲ πολλῶν ἁλισκομένων ταῖσ μὲν σαρξὶ χρῶνται πρὸσ διατροφήν, ταῖσ δὲ δοραῖσ πρὸσ ἐσθῆτα καὶ στρωμνήν. ὑπὸ δὲ τῶν Σιμῶν ὀνομαζομένων Αἰθιόπων πολεμούμενοι διακινδυνεύουσι πρὸσ τοὺσ ἐπιτιθεμένουσ, ὅπλοισ ἀμυντηρίοισ χρώμενοι τοῖσ τῶν ὀρύγων κέρασι·

ταῦτα δὲ μεγάλα καὶ τμητικὰ καθεστῶτα μεγάλην παρέχεται χρείαν, δαψιλείασ οὔσησ κατὰ τὴν χώραν διὰ τὸ πλῆθοσ τῶν ἐχόντων αὐτὰ ζῴων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 28

(디오도로스 시켈로스, Bibliotheca Historica, book 3, chapter 28)

상위

목록

SEARCH

MENU NAVIGATION