헬라어 문장 검색 - Διοδορ́Βιβλιοτ́3́04́

(디오도로스 시켈로스, Bibliotheca Historica, book 3, chapter 3)

μηδενὸσ δὲ τῆσ ἐπιβολῆσ καθικομένου. Καμβύσην μὲν γὰρ μεγάλῃ δυνάμει στρατεύσαντα τήν τε στρατιὰν ἀποβαλεῖν ἅπασαν καὶ αὐτὸν τοῖσ ὅλοισ κινδυνεῦσαι· Σεμίραμιν δέ, τῷ μεγέθει τῶν ἐπιβολῶν καὶ πράξεων διωνομασμένην, ἐπὶ βραχὺ τῆσ Αἰθιοπίασ προελθοῦσαν ἀπογνῶναι τὴν ἐπὶ τὸ σύμπαν ἔθνοσ στρατείαν· τούσ τε περὶ Ἡρακλέα καὶ Διόνυσον ἐπιόντασ ἅπασαν τὴν οἰκουμένην μόνουσ τοὺσ Αἰθίοπασ τοὺσ ὑπὲρ Αἰγύπτου μὴ καταπολεμῆσαι διά τε τὴν εὐσέβειαν τῶν ἀνδρῶν καὶ τὸ δυσκράτητον τῆσ ἐπιβολῆσ. φασὶ δὲ καὶ τοὺσ Αἰγυπτίουσ ἑαυτῶν ἀποίκουσ ὑπάρχειν, Ὀσίριδοσ ἡγησαμένου τῆσ ἀποικίασ. καθόλου γὰρ τὴν νῦν οὖσαν Αἴγυπτον λέγουσιν οὐ χώραν, ἀλλὰ θάλατταν γεγονέναι κατὰ τὴν ἐξ ἀρχῆσ τοῦ κόσμου σύστασιν·

ὕστερον μέντοι τοῦ Νείλου κατὰ τὰσ ἀναβάσεισ τὴν ἐκ τῆσ Αἰθιοπίασ ἰλὺν καταφέροντοσ ἐκ τοῦ κατ’ ὀλίγον προσχωσθῆναι. ὅτι δ’ ἐστὶν αὐτῶν ἡ χώρα πᾶσα ποταμόχωστοσ ἐναργεστάτην ἔχειν ἀπόδειξιν τὴν γινομένην κατὰ τὰσ ἐκβολὰσ τοῦ Νείλου· καθ’ ἕκαστον γὰρ ἔτοσ ἀεὶ νέασ ἰλύοσ ἀθροιζομένησ πρὸσ τὰ στόματα τοῦ ποταμοῦ καθορᾶται τὸ μὲν πέλαγοσ ἐξωθούμενον τοῖσ προσχώμασιν, ἡ δὲ χώρα τὴν αὔξησιν λαμβάνουσα.

τὰ δὲ πλεῖστα τῶν νομίμων τοῖσ Αἰγυπτίοισ ὑπάρχειν Αἰθιοπικά, τηρουμένησ τῆσ παλαιᾶσ συνηθείασ παρὰ τοῖσ ἀποικισθεῖσι. τό τε γὰρ τοὺσ βασιλεῖσ θεοὺσ νομίζειν καὶ τὸ περὶ τὰσ ταφὰσ μάλιστα σπουδάζειν καὶ πολλὰ τοιαῦθ’ ἕτερα πράττειν Αἰθιόπων ὑπάρχειν ἐπιτηδεύματα, τάσ τε τῶν ἀγαλμάτων ἰδέασ καὶ τοὺσ τῶν γραμμάτων τύπουσ Αἰθιοπικοὺσ ὑπάρχειν·

διττῶν γὰρ Αἰγυπτίοισ ὄντων γραμμάτων, τὰ μὲν δημώδη προσαγορευόμενα πάντασ μανθάνειν, τὰ δ’ ἱερὰ καλούμενα παρὰ μὲν τοῖσ Αἰγυπτίοισ μόνουσ γινώσκειν τοὺσ ἱερεῖσ παρὰ τῶν πατέρων ἐν ἀπορρήτοισ μανθάνοντασ, παρὰ δὲ τοῖσ Αἰθίοψιν ἅπαντασ τούτοισ χρῆσθαι τοῖσ τύποισ.

τά τε συστήματα τῶν ἱερέων παραπλησίαν ἔχειν τάξιν παρ’ ἀμφοτέροισ τοῖσ ἔθνεσι·

καθαρεύειν γὰρ ἅπαντασ τοὺσ περὶ τὴν τῶν θεῶν θεραπείαν ὄντασ, ὁμοίωσ ἐξυρημένουσ καὶ τὰσ στολὰσ τὰσ αὐτὰσ ἔχοντασ καὶ τὸν τοῦ σκήπτρου τύπον ἀροτροειδῆ καθεστῶτα, ὃν ἔχοντασ τοὺσ βασιλεῖσ χρῆσθαι πίλοισ μακροῖσ ἐπὶ τοῦ πέρατοσ ὀμφαλὸν ἔχουσι καὶ περιεσπειραμένοισ ὄφεσιν, οὓσ καλοῦσιν ἀσπίδασ· τοῦτο δὲ τὸ παράσημον ἐοίκε συνεμφαίνειν ὅτι τοὺσ ἐπιθέσθαι τολμήσοντασ τῷ βασιλεῖ συμβήσεται θανατηφόροισ περιπεσεῖν δήγμασι. πολλὰ δὲ καὶ ἄλλα λέγουσι περὶ τῆσ αὑτῶν ἀρχαιότητοσ καὶ τῆσ τῶν Αἰγυπτίων ἀποικίασ, περὶ ὧν οὐδὲν κατεπείγει γράφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 3

(디오도로스 시켈로스, Bibliotheca Historica, book 3, chapter 3)

상위

목록

SEARCH

MENU NAVIGATION