헬라어 문장 검색 - Διοδορ́Βιβλιοτ́3́66́

(디오도로스 시켈로스, Bibliotheca Historica, book 3, chapter 65)

διαβοηθείσησ δὲ κατὰ πάντα τόπον τῆσ τοῦ θεοῦ παρουσίασ, καὶ διότι πᾶσιν ἐπιεικῶσ προσφερόμενοσ πολλὰ συμβάλλεται πρὸσ τὴν ἐξημέρωσιν τοῦ κοινοῦ βίου, πανδημεὶ συναντᾶν αὐτῷ καὶ προσδέχεσθαι μετὰ πολλῆσ χαρᾶσ. ὀλίγων δ’ ὄντων τῶν δι’ ὑπερηφανίαν καὶ ἀσέβειαν καταφρονούντων καὶ φασκόντων τὰσ μὲν βάκχασ δι’ ἀκρασίαν αὐτὸν περιάγεσθαι, τὰσ δὲ τελετὰσ καὶ τὰ μυστήρια φθορᾶσ ἕνεκα τῶν ἀλλοτρίων γυναικῶν καταδεικνύειν, κολάζεσθαι τοὺσ τοιούτουσ ὑπ’ αὐτοῦ παραχρῆμα.

ἐνίοτε γὰρ τῇ τῆσ θείασ φύσεωσ ὑπεροχῇ χρώμενον τιμωρεῖσθαι τοὺσ ἀσεβεῖσ, ποτὲ μὲν αὐτοῖσ ἐμβάλλοντα μανίαν, ποτὲ δὲ ταῖσ τῶν γυναικῶν χερσὶ ζῶντασ διαμελίζοντα·

ἐνίοτε δὲ καὶ διὰ τῆσ στρατηγικῆσ ἐπινοίασ παραδόξωσ ἀναιρεῖν τοὺσ ἐναντιοπραγοῦντασ. ἀναδιδόναι γὰρ ταῖσ βάκχαισ ἀντὶ τῶν θύρσων λόγχασ τῷ κιττῷ κεκαλυμμένασ τὴν ἀκμὴν τοῦ σιδήρου· διὸ καὶ τῶν βασιλέων διὰ τὴν ἄγνοιαν καταφρονούντων ὡσ ἂν γυναικῶν, καὶ διὰ τοῦτ’ ἀπαρασκεύων ὄντων, ἀνελπίστωσ ἐπιτιθέμενον κατακοντίζειν. τῶν δὲ κολασθέντων ὑπ’ αὐτοῦ φασιν ἐπιφανεστάτουσ εἶναι Πενθέα μὲν παρὰ τοῖσ Ἕλλησι, Μύρρανον δὲ τὸν βασιλέα παρ’ Ἰνδοῖσ, Λυκοῦργον δὲ παρὰ τοῖσ Θρᾳξί.

μυθολογοῦσι γὰρ τὸν Διόνυσον ἐκ τῆσ Ἀσίασ μέλλοντα τὴν δύναμιν διαβιβάζειν εἰσ τὴν Εὐρώπην, συνθέσθαι φιλίαν πρὸσ Λυκοῦργον τὸν Θρᾴκησ βασιλέα τῆσ ἐφ’ Ἑλλησπόντῳ· διαβιβάσαντοσ δὲ αὐτοῦ πρώτασ τὰσ βάκχασ ὡσ εἰσ φιλίαν χώραν, τὸν μὲν Λυκοῦργον παραγγεῖλαι τοῖσ στρατιώταισ νυκτὸσ ἐπιθέσθαι καὶ τόν τε Διόνυσον καὶ τὰσ μαινάδασ πάσασ ἀνελεῖν, τὸν δὲ Διόνυσον παρά τινοσ τῶν ἐγχωρίων, ὃσ ἐκαλεῖτο Χάροψ, μαθόντα τὴν ἐπιβουλὴν καταπλαγῆναι διὰ τὸ τὴν δύναμιν ἐν τῷ πέραν εἶναι, παντελῶσ δ’ ὀλίγουσ αὐτῷ τῶν φίλων συνδιαβεβηκέναι. διόπερ λάθρᾳ τούτου διαπλεύσαντοσ πρὸσ τὸ σφέτερον στρατόπεδον, τὸν μὲν Λυκοῦργόν φασιν ἐπιθέμενον ταῖσ μαινάσιν ἐν τῷ καλουμένῳ Νυσίῳ πάσασ ἀποκτεῖναι, τὸν δὲ Διόνυσον περαιώσαντα τὰσ δυνάμεισ μάχῃ κρατῆσαι τῶν Θρᾳκῶν, καὶ τὸν Λυκοῦργον ζωγρήσαντα τυφλῶσαί τε καὶ πᾶσαν αἰκίαν εἰσενεγκάμενον ἀνασταυρῶσαι.

μετὰ δὲ ταῦτα τῷ μὲν Χάροπι χάριν ἀποδιδόντα τῆσ εὐεργεσίασ παραδοῦναι τὴν τῶν Θρᾳκῶν βασιλείαν καὶ διδάξαι τὰ κατὰ τὰσ τελετὰσ ὄργια·

Χάροποσ δ’ υἱὸν γενόμενον Οἰάγρον παραλαβεῖν τήν τε βασιλείαν καὶ τὰσ ἐν τοῖσ μυστηρίοισ παραδεδομένασ τελετάσ, ἃσ ὕστερον Ὀρφέα τὸν Οἰάγρου μαθόντα παρὰ τοῦ πατρόσ, καὶ φύσει καὶ παιδείᾳ τῶν ἁπάντων διενεγκόντα, πολλὰ μεταθεῖναι τῶν ἐν τοῖσ ὀργίοισ· διὸ καὶ τὰσ ὑπὸ τοῦ Διονύσου γενομένασ τελετὰσ Ὀρφικὰσ προσαγορευθῆναι. τῶν δὲ ποιητῶν τινεσ, ὧν ἐστι καὶ Ἀντίμαχοσ, ἀποφαίνονται τὸν Λυκοῦργον οὐ Θρᾴκησ, ἀλλὰ τῆσ Ἀραβίασ γεγονέναι βασιλέα, καὶ τῷ τε Διονύσῳ καὶ ταῖσ βάκχαισ τὴν ἐπίθεσιν ἐν τῇ κατὰ τὴν Ἀραβίαν Νύσῃ πεποιῆσθαι.

τὸν δ’ οὖν Διόνυσόν φασι κολάσαντα μὲν τοὺσ ἀσεβεῖσ, ἐπιεικῶσ δὲ προσενεχθέντα τοῖσ ἄλλοισ ἀνθρώποισ, ἐκ τῆσ Ἰνδικῆσ ἐπ’ ἐλέφαντοσ τὴν εἰσ Θήβασ ἐπάνοδον ποιήσασθαι. τριετοῦσ δὲ διαγεγενημένου τοῦ σύμπαντοσ χρόνου, φασὶ τοὺσ Ἕλληνασ ἀπὸ ταύτησ τῆσ αἰτίασ ἄγειν τὰσ τριετηρίδασ.

μυθολογοῦσι δ’ αὐτὸν καὶ λαφύρων ἠθροικότα πλῆθοσ ὡσ ἂν ἀπὸ τηλικαύτησ στρατείασ, πρῶτον τῶν ἁπάντων καταγαγεῖν θρίαμβον εἰσ τὴν πατρίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 65

(디오도로스 시켈로스, Bibliotheca Historica, book 3, chapter 65)

상위

목록

SEARCH

MENU NAVIGATION