헬라어 문장 검색 - Διοδορ́Βιβλιοτ́3́65́

(디오도로스 시켈로스, Bibliotheca Historica, book 3, chapter 64)

δεύτερον δὲ μυθολογοῦσι γενέσθαι Διόνυσον ἐκ Διὸσ καὶ Φερσεφόνησ, ὡσ δέ τινεσ, ἐκ Δήμητροσ. τοῦτον δὲ παρεισάγουσι πρῶτον βοῦσ ὑπ’ ἄροτρον ζεῦξαι, τὸ πρὸ τοῦ ταῖσ χερσὶ τῶν ἀνθρώπων τὴν γῆν κατεργαζομένων. πολλὰ δὲ καὶ ἄλλα φιλοτέχνωσ ἐπινοῆσαι τῶν πρὸσ τὴν γεωργίαν χρησίμων, δι’ ὧν ἀπολυθῆναι τοὺσ ὄχλουσ τῆσ πολλῆσ κακοπαθείασ· ἀνθ’ ὧν τοὺσ εὖ παθόντασ ἀπονεῖμαι τιμὰσ ἰσοθέουσ αὐτῷ καὶ θυσίασ, προθύμωσ ἁπάντων ἀνθρώπων διὰ τὸ μέγεθοσ τῆσ εὐεργεσίασ ἀπονειμάντων τὴν ἀθανασίαν.

παράσημον δ’ αὐτῷ ποιῆσαι κέρατα τοὺσ κατασκευάζοντασ τὰσ γραφὰσ ἢ τοὺσ ἀνδριάντασ, ἅμα μὲν δηλοῦντασ ἑτέραν Διονύσου φύσιν, ἅμα δὲ ἀπὸ τῆσ περὶ τὸ ἄροτρον εὑρέσεωσ ἐμφαίνοντασ τὸ μέγεθοσ τῆσ ἐπινοηθείσησ τοῖσ γεωργοῖσ εὐχρηστίασ. τρίτον δὲ γενέσθαι Διόνυσόν φασιν ἐν Θήβαισ ταῖσ Βοιωτίαισ ἐκ Διὸσ καὶ Σεμέλησ τῆσ Κάδμου.

μυθολογοῦσι γὰρ ἐρασθέντα Δία μιγῆναι πλεονάκισ αὐτῇ διὰ τὸ κάλλοσ, τὴν δ’ Ἥραν ζηλοτυποῦσαν καὶ βουλομένην τιμωρίᾳ περιβαλεῖν τὴν ἄνθρωπον, ὁμοιωθῆναι μέν τινι τῶν ἀποδοχῆσ τυγχανουσῶν παρ’ αὐτῇ γυναικῶν, παρακρούσασθαι δὲ τὴν Σεμέλην· εἰπεῖν γὰρ πρὸσ αὐτὴν ὅτι καθῆκον ἦν τὸν Δία μετὰ τῆσ αὐτῆσ ἐπιφανείασ τε καὶ τιμῆσ ποιεῖσθαι τὴν ὁμιλίαν ᾗπερ χρᾶται κατὰ τὴν πρὸσ τὴν Ἥραν συμπεριφοράν.

διὸ καὶ τὸν μὲν Δία, τῆσ Σεμέλησ ἀξιούσησ τυγχάνειν τῶν ἴσων Ἥρᾳ τιμῶν, παραγενέσθαι μετὰ βροντῶν καὶ κεραυνῶν, τὴν δὲ Σεμέλην οὐχ ὑπομείνασαν τὸ μέγεθοσ τῆσ περιστάσεωσ τελευτῆσαι καὶ τὸ βρέφοσ ἐκτρῶσαι πρὸ τοῦ καθήκοντοσ χρόνου. καὶ τοῦτο μὲν τὸν Δία ταχέωσ εἰσ τὸν ἑαυτοῦ μηρὸν ἐγκρύψαι·

μετὰ δὲ ταῦτα τοῦ κατὰ φύσιν τῆσ γενέσεωσ χρόνου τὴν λελείαν αὔξησιν ποιήσαντοσ ἀπενεγκεῖν τὸ βρέφοσ εἰσ Νῦσαν τῆσ Ἀραβίασ. ἐνταῦθα δ’ ὑπὸ νυμφῶν τραφέντα τὸν παῖδα προσαγορευθῆναι μὲν ἀπὸ τοῦ πατρὸσ καὶ τοῦ τόπου Διόνυσον, γενόμενον δὲ τῷ κάλλει διάφορον τὸ μὲν πρῶτον ἐν χορείαισ καὶ γυναικῶν θιάσοισ καὶ παντοδαπῇ τρυφῇ καὶ παιδιᾷ διατελεῖν·

μετὰ δὲ ταῦτα στρατόπεδον ἐκ τῶν γυναικῶν συναγαγόντα καὶ θύρσοισ καθοπλίσαντα στρατείαν ἐπὶ πᾶσαν ποιήσασθαι τὴν οἰκουμένην. καταδεῖξαι δὲ καὶ τὰ περὶ τὰσ τελετὰσ καὶ μεταδοῦναι τῶν μυστηρίων τοῖσ εὐσεβέσι τῶν ἀνθρώπων καὶ δίκαιον βίον ἀσκοῦσι, πρὸσ δὲ τούτοισ πανταχοῦ πανηγύρεισ ἄγειν καὶ μουσικοὺσ ἀγῶνασ συντελεῖν, καὶ τὸ σύνολον συλλύοντα τὰ νείκη τῶν ἐθνῶν καὶ πόλεων ἀντὶ τῶν στάσεων καὶ τῶν πολέμων ὁμόνοιαν καὶ πολλὴν εἰρήνην κατασκευάζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 64

(디오도로스 시켈로스, Bibliotheca Historica, book 3, chapter 64)

상위

목록

SEARCH

MENU NAVIGATION