헬라어 문장 검색 - Διοδορ́Βιβλιοτ́3́58́

(디오도로스 시켈로스, Bibliotheca Historica, book 3, chapter 57)

οὐρανοῦ δὲ μυθολογοῦσι γενέσθαι παῖδασ ἐκ πλειόνων γυναικῶν πέντε πρὸσ τοῖσ τετταράκοντα, καὶ τούτων ὀκτωκαίδεκα λέγουσιν ὑπάρχειν ἐκ Τιταίασ ὄνομα μὲν ἴδιον ἔχοντασ ἑκάστουσ, κοινῇ δὲ πάντασ ἀπὸ τῆσ μητρὸσ ὀνομαζομένουσ Τιτᾶνασ. τὴν δὲ Τιταίαν, σώφρονα οὖσαν καὶ πολλῶν ἀγαθῶν αἰτίαν γενομένην τοῖσ λαοῖσ, ἀποθεωθῆναι μετὰ τὴν τελευτὴν ὑπὸ τῶν εὖ παθόντων Γῆν μετονομασθεῖσαν.

γενέσθαι δ’ αὐτῷ καὶ θυγατέρασ, ὧν εἶναι δύο τὰσ πρεσβυτάτασ πολὺ τῶν ἄλλων ἐπιφανεστάτασ, τήν τε καλουμένην Βασίλειαν καὶ Ῥέαν τὴν ὑπ’ ἐνίων Πανδώραν ὀνομασθεῖσαν. τούτων δὲ τὴν μὲν Βασίλειαν, πρεσβυτάτην οὖσαν καὶ σωφροσύνῃ τε καὶ συνέσει πολὺ τῶν ἄλλων διαφέρουσαν, ἐκθρέψαι πάντασ τοὺσ ἀδελφοὺσ κοινῇ μητρὸσ εὔνοιαν παρεχομένην·

διὸ καὶ μεγάλην μητέρα προσαγορευθῆναι· μετὰ δὲ τὴν τοῦ πατρὸσ ἐξ ἀνθρώπων εἰσ θεοὺσ μετάστασιν, συγχωρούντων τῶν ὄχλων καὶ τῶν ἀδελφῶν, διαδέξασθαι τὴν βασιλείαν παρθένον οὖσαν ἔτι καὶ διὰ τὴν ὑπερβολὴν τῆσ σωφροσύνησ οὐδενὶ συνοικῆσαι βουληθεῖσαν. ὕστερον δὲ βουλομένην διαδόχουσ τῆσ βασιλείασ ἀπολιπεῖν υἱούσ, Ὑπερίονι συνοικῆσαι τῶν ἀδελφῶν ἑνί, πρὸσ ὃν οἰκειότατα διέκειτο. γενομένων δ’ αὐτῇ δύο τέκνων, Ἡλίου καὶ Σελήνησ, καὶ θαυμαζομένων ἐπί τε τῷ κάλλει καὶ τῇ σωφροσύνῃ, φασὶ τοὺσ ἀδελφοὺσ ταύτῃ μὲν ἐπ’ εὐτεκνίᾳ φθονοῦντασ, τὸν δ’ Ὑπερίονα φοβηθέντασ μήποτε τὴν βασιλείαν εἰσ αὑτὸν περισπάσῃ, πρᾶξιν ἐπιτελέσασθαι παντελῶσ ἀνόσιον·

συνωμοσίαν γὰρ ποιησαμένουσ τὸν μὲν Ὑπερίονα κατασφάξαι, τὸν δ’ Ἥλιον ὄντα παῖδα τὴν ἡλικίαν ἐμβαλόντασ εἰσ τὸν Ἠριδανὸν ποταμὸν ἀποπνῖξαι·

καταφανοῦσ δὲ γενομένησ τῆσ ἀτυχίασ, τὴν μὲν Σελήνην φιλάδελφον οὖσαν καθ’ ὑπερβολὴν ἀπὸ τοῦ τέγουσ ἑαυτὴν ῥῖψαι, τὴν δὲ μητέρα ζητοῦσαν τὸ σῶμα παρὰ τὸν ποταμὸν σύγκοπον γενέσθαι, καὶ κατενεχθεῖσαν εἰσ ὕπνον ἰδεῖν ὄψιν, καθ’ ἣν ἔδοξεν ἐπιστάντα τὸν Ἥλιον παρακαλεῖν αὐτὴν μὴ θρηνεῖν τὸν τῶν τέκνων θάνατον· τοὺσ μὲν γὰρ Τιτᾶνασ τεύξεσθαι τῆσ προσηκούσησ τιμωρίασ, ἑαυτὸν δὲ καὶ τὴν ἀδελφὴν εἰσ ἀθανάτουσ φύσεισ μετασχηματισθήσεσθαι θείᾳ τινὶ προνοίᾳ· ὀνομασθήσεσθαι γὰρ ὑπὸ τῶν ἀνθρώπων ἥλιον μὲν τὸ πρότερον ἐν οὐρανῷ πῦρ ἱερὸν καλούμενον, σελήνην δὲ τὴν μήνην προσαγορευομένην. διεγερθεῖσαν δὲ καὶ τοῖσ ὄχλοισ τόν τε ὄνειρον καὶ τὰ περὶ αὑτὴν ἀτυχήματα διελθοῦσαν ἀξιῶσαι τοῖσ μὲν τετελευτηκόσιν ἀπονεῖμαι τιμὰσ ἰσοθέουσ, τοῦ δ’ αὐτῆσ σώματοσ μηκέτι μηδένα θιγεῖν.

μετὰ δὲ ταῦτα ἐμμανῆ γενομένην καὶ τῶν τῆσ θυγατρὸσ παιγνίων τὰ δυνάμενα ψόφον ἐπιτελεῖν ἁρπάσασαν πλανᾶσθαι κατὰ τὴν χώραν, λελυμένην μὲν τὰσ τρίχασ, τῷ δὲ διὰ τῶν τυμπάνων καὶ κυμβάλων ψόφῳ ἐνθεάζουσαν, ὥστε καταπλήττεσθαι πλήττεσθαι τοὺσ ὁρῶντασ.

πάντων δὲ τὸ περὶ αὐτὴν πάθοσ ἐλεούντων, καί τινων ἀντεχομένων τοῦ σώματοσ, ἐπιγενέσθαι πλῆθοσ ὄμβρου καὶ συνεχεῖσ κεραυνῶν πτώσεισ·

ἐνταῦθα δὲ τὴν μὲν Βασίλειαν ἀφανῆ γενέσθαι, τοὺσ δ’ ὄχλουσ θαυμάσαντασ τὴν περιπέτειαν τὸν μὲν Ἥλιον καὶ τὴν Σελήνην τῇ προσηγορίᾳ καὶ ταῖσ τιμαῖσ μεταγαγεῖν ἐπὶ τὰ κατ’ οὐρανὸν ἄστρα, τὴν δὲ μητέρα τούτων θεόν τε νομίσαι καὶ βωμοὺσ ἱδρύσασθαι, καὶ ταῖσ διὰ τῶν τυμπάνων καὶ κυμβάλων ἐνεργείαισ καὶ τοῖσ ἄλλοισ ἅπασιν ἀπομιμουμένουσ τὰ περὶ αὐτὴν συμβάντα θυσίασ καὶ τὰσ ἄλλασ τιμὰσ ἀπονεῖμαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 57

(디오도로스 시켈로스, Bibliotheca Historica, book 3, chapter 57)

상위

목록

SEARCH

MENU NAVIGATION