헬라어 문장 검색 - Διοδορ́Βιβλιοτ́3́55́

(디오도로스 시켈로스, Bibliotheca Historica, book 3, chapter 54)

ἐκ δὲ ταύτησ ὁρμωμένασ ἐγχειρῆσαι μεγάλαισ ἐπιβολαῖσ, ὁρμῆσ αὐταῖσ ἐμπεσούσησ ἐπελθεῖν πολλὰ μέρη τῆσ οἰκουμένησ. ἐπὶ πρώτουσ δ’ αὐτὰσ στρατεῦσαι λέγεται τοὺσ Ἀτλαντίουσ, ἄνδρασ ἡμερωτάτουσ τῶν ἐν τοῖσ τόποισ ἐκείνοισ καὶ χώραν νεμομένουσ εὐδαίμονα καὶ πόλεισ μεγάλασ· παρ’ οἷσ δὴ μυθολογεῖσθαί φασι τὴν τῶν θεῶν γένεσιν ὑπάρξαι πρὸσ τοῖσ κατὰ τὸν ὠκεανὸν τόποισ, συμφώνωσ τοῖσ παρ’ Ἕλλησι μυθολόγοισ, περὶ ὧν τὰ κατὰ μέροσ μικρὸν ὕστερον διέξιμεν. τῶν οὖν Ἀμαζόνων λέγεται βασιλεύουσαν Μύριναν συστήσασθαι στρατόπεδον πεζῶν μὲν τρισμυρίων, ἱππέων δὲ τρισχιλίων, ζηλουμένησ παρ’ αὐταῖσ περιττότερον ἐν τοῖσ πολέμοισ τῆσ ἀπὸ τῶν ἱππέων χρείασ.

ὅπλοισ δὲ χρῆσθαι σκεπαστηρίοισ ὄφεων μεγάλων δοραῖσ, ἐχούσησ τῆσ Λιβύησ ταῦτα τὰ ζῷα τοῖσ μεγέθεσιν ἄπιστα, ἀμυντηρίοισ δὲ ξίφεσι καὶ λόγχαισ, ἔτι δὲ τόξοισ, οἷσ μὴ μόνον ἐξ ἐναντίασ βάλλειν, ἀλλὰ καὶ κατὰ τὰσ φυγὰσ τοὺσ ἐπιδιώκοντασ εἰσ τοὐπίσω τοξεύειν εὐστόχωσ.

ἐμβαλούσασ δ’ αὐτὰσ εἰσ τὴν τῶν Ἀτλαντίων χώραν τοὺσ μὲν τὴν Κέρνην καλουμένην οἰκοῦντασ παρατάξει νικῆσαι, καὶ συνεισπεσούσασ τοῖσ φεύγουσιν ἐντὸσ τῶν τειχῶν κυριεῦσαι τῆσ πόλεωσ·

βουλομένασ δὲ τῷ φόβῳ καταπλήξασθαι τοὺσ περιοίκουσ ὠμῶσ προσενεχθῆναι τοῖσ ἁλοῦσι, καὶ τοὺσ μὲν ἄνδρασ ἡβηδὸν ἀποσφάξαι, τέκνα δὲ καὶ γυναῖκασ ἐξανδραποδισαμένασ κατασκάψαι τὴν πόλιν. τῆσ δὲ περὶ τοὺσ Κερναίουσ συμφορᾶσ διαδοθείσησ εἰσ τοὺσ ὁμοεθνεῖσ, λέγεται τοὺσ μὲν Ἀτλαντίουσ καταπλαγέντασ δἰ ὁμολογίασ παραδοῦναι τὰσ πόλεισ καὶ πᾶν τὸ προσταχθὲν ποιήσειν ἐπαγγείλασθαι, τὴν δὲ βασίλισσαν Μύριναν ἐπιεικῶσ αὐτοῖσ προσενεχθεῖσαν φιλίαν τε συνθέσθαι καὶ πόλιν ἀντὶ τῆσ κατασκαφείσησ ὁμώνυμον ἑαυτῆσ κτίσαι·

κατοικίσαι δ’ εἰσ αὐτὴν τούσ τε αἰχμαλώτουσ καὶ τῶν ἐγχωρίων τὸν βουλόμενον. μετὰ δὲ ταῦτα τῶν Ἀτλαντίων δῶρά τε μεγαλοπρεπῆ δόντων αὐτῇ καὶ τιμὰσ ἀξιολόγουσ κοινῇ ψηφισαμένων, ἀποδέξασθαί τε τὴν φιλανθρωπίαν αὐτῶν καὶ προσεπαγγείλασθαι τὸ ἔθνοσ εὐεργετήσειν.

τῶν δ’ ἐγχωρίων πεπολεμημένων πολλάκισ ὑπὸ τῶν ὀνομαζομένων Γοργόνων, οὐσῶν πλησιοχώρων, καὶ τὸ σύνολον ἔφεδρον ἐχόντων τοῦτο τὸ ἔθνοσ, φασὶν ἀξιωθεῖσαν τὴν Μύριναν ὑπὸ τῶν Ἀτλαντίων ἐμβαλεῖν εἰσ τὴν χώραν τῶν προειρημένων.

ἀντιταξαμένων δὲ τῶν Γοργόνων γενέσθαι καρτερὰν μάχην, καὶ τὰσ Ἀμαζόνασ ἐπὶ τοῦ προτερήματοσ γενομένασ ἀνελεῖν μὲν τῶν ἀντιταχθεισῶν παμπληθεῖσ, ζωγρῆσαι δ’ οὐκ ἐλάττουσ τρισχιλίων· τῶν δ’ ἄλλων εἴσ τινα δρυμώδη τόπον συμφυγουσῶν ἐπιβαλέσθαι μὲν τὴν Μύριναν ἐμπρῆσαι τὴν ὕλην, σπεύδουσαν ἄρδην ἀνελεῖν τὸ ἔθνοσ, οὐ δυνηθεῖσαν δὲ κρατῆσαι τῆσ ἐπιβολῆσ ἐπανελθεῖν ἐπὶ τοὺσ ὁρ́ουσ τῆσ χώρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 54

(디오도로스 시켈로스, Bibliotheca Historica, book 3, chapter 54)

상위

목록

SEARCH

MENU NAVIGATION