헬라어 문장 검색 - Διοδορ́Βιβλιοτ́3́53́

(디오도로스 시켈로스, Bibliotheca Historica, book 3, chapter 52)

τούτων δ’ ἡμῖν διευκρινημένων οἰκεῖον ἂν εἰή τοῖσ προειρημένοισ τόποισ διελθεῖν τὰ περὶ τὰσ Ἀμαζόνασ ἱστορούμενα τὰσ γενομένασ τὸ παλαιὸν κατὰ τὴν Λιβύην. οἱ πολλοὶ μὲν γὰρ ὑπειλήφασι τὰσ περὶ τὸν Θερμώδοντα ποταμὸν ἐν τῷ Πόντῳ λεγομένασ κατῳκηκέναι μόνασ ὑπάρξαι· τὸ δ’ ἀληθὲσ οὐχ οὕτωσ ἔχει, διὰ τὸ πολὺ προτερεῖν τοῖσ χρόνοισ τὰσ κατὰ Λιβύην καὶ πράξεισ ἀξιολόγουσ ἐπιτελέσασθαι. οὐκ ἀγνοοῦμεν δὲ διότι πολλοῖσ τῶν ἀναγινωσκόντων ἀνήκοοσ φανεῖται καὶ ξένη παντελῶσ ἡ περὶ τούτων ἱστορία·

ἠφανισμένου γὰρ ὁλοσχερῶσ τοῦ γένουσ τῶν Ἀμαζονίδων τούτων πολλαῖσ γενεαῖσ πρότερον τῶν Τρωικῶν, τῶν δὲ περὶ τὸν Θερμώδοντα ποταμὸν ἠκμακυιῶν μικρὸν πρὸ τούτων τῶν χρόνων, οὐκ ἀλόγωσ αἱ μεταγενέστεραι καὶ μᾶλλον γνωριζόμεναι τὴν δόξαν κεκληρονομήκασι τὴν τῶν παλαιῶν καὶ παντελῶσ ἀγνοουμένων διὰ τὸν χρόνον ὑπὸ τῶν πλείστων. οὐ μὴν ἀλλ’ ἡμεῖσ εὑρίσκοντεσ πολλοὺσ μὲν τῶν ἀρχαίων ποιητῶν τε καὶ συγγραφέων, οὐκ ὀλίγουσ δὲ καὶ τῶν μεταγενεστέρων μνήμην πεποιημένουσ αὐτῶν, ἀναγράφειν τὰσ πράξεισ πειρασόμεθα ἐν κεφαλαίοισ ἀκολούθωσ Διονυσίῳ τῷ συντεταγμένῳ τὰ περὶ τοὺσ Ἀργοναύτασ καὶ τὸν Διόνυσον καὶ ἕτερα πολλὰ τῶν ἐν τοῖσ παλαιοτάτοισ χρόνοισ πραχθέντων.

γέγονε μὲν οὖν πλείω γένη γυναικῶν κατὰ τὴν Λιβύην μάχιμα καὶ τεθαυμασμένα μεγάλωσ ἐπ’ ἀνδρείᾳ·

τό τε γὰρ τῶν Γοργόνων ἔθνοσ, ἐφ’ ὃ λέγεται τὸν Περσέα στρατεῦσαι, παρειλήφαμεν ἀλκῇ διαφέρον· τὸ γὰρ τὸν Διὸσ μὲν υἱόν, τῶν δὲ καθ’ ἑαυτὸν Ἑλλήνων ἄριστον, τελέσαι μέγιστον ἆθλον τὴν ἐπὶ ταύτασ στρατείαν τεκμήριον ἄν τισ λάβοι τῆσ περὶ τὰσ προειρημένασ γυναῖκασ ὑπεροχῆσ τε καὶ δυνάμεωσ· ἥ τε τῶν νῦν μελλουσῶν ἱστορεῖσθαι ἀνδρεία παράδοξον ἔχει τὴν ὑπεροχὴν πρὸσ τὰσ καθ’ ἡμᾶσ φύσεισ τῶν γυναικῶν συγκρινομένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 52

(디오도로스 시켈로스, Bibliotheca Historica, book 3, chapter 52)

상위

목록

SEARCH

MENU NAVIGATION