헬라어 텍스트

Polybius, Histories, book 1, chapter 83

(폴리비오스, Histories, book 1, chapter 83)

τούτοισ ἦν. οἱ δὲ Καρχηδόνιοι περικλειόμενοι πανταχόθεν ἠναγκάζοντο καταφεύγειν ἐπὶ τὰσ συμμαχίδων πόλεων ἐλπίδασ. τότε δὲ καὶ μᾶλλον ἐφιλοτιμεῖτο, πεπεισμένοσ συμφέρειν ἑαυτῷ καὶ πρὸσ τὴν ἐν Σικελίᾳ δυναστείαν καὶ πρὸσ τὴν Ῥωμαίων φιλίαν τὸ σῴζεσθαι Καρχηδονίουσ, ἵνα μὴ παντάπασιν ἐξῇ τὸ προτεθὲν ἀκονιτὶ συντελεῖσθαι τοῖσ ἰσχύουσι, πάνυ φρονίμωσ καὶ νουνεχῶσ λογιζόμενοσ.

οὐδέποτε γὰρ χρὴ τὰ τοιαῦτα παρορᾶν οὐδὲ τηλικαύτην οὐδενὶ συγκατασκευάζειν δυναστείαν, πρὸσ ἣν οὐδὲ περὶ τῶν ὁμολογουμένων ἐξέσται δικαίων ἀμφισβητεῖν.

οὐ μὴν ἀλλὰ καὶ Ῥωμαῖοι τηροῦντεσ τὰ κατὰ τὰσ συνθήκασ δίκαια προθυμίασ οὐδὲν ἀπέλειπον.

ἐν ἀρχαῖσ μὲν γὰρ ἐγένετό τισ ἀμφισβήτησισ ἐξ ἀμφοῖν διά τινασ τοιαύτασ αἰτίασ.

τῶν Καρχηδονίων τοὺσ πλέοντασ ἐξ Ἰταλίασ εἰσ Λιβύην καὶ χορηγοῦντασ τοῖσ πολεμίοισ καταγόντων ὡσ αὑτούσ, καὶ σχεδὸν ἁθροισθέντων τούτων εἰσ τὴν φυλακὴν εἰσ τοὺσ πεντακοσίουσ, ἠγανάκτησαν οἱ Ῥωμαῖοι.

μετὰ δὲ ταῦτα διαπρεσβευσάμενοι καὶ κομισάμενοι διὰ λόγου πάντασ ἐπὶ τοσοῦτον εὐδόκησαν ὥστε παραχρῆμα τοῖσ Καρχηδονίοισ ἀντιδωρήσασθαι τοὺσ ὑπολειπομένουσ παρ’ αὐτοῖσ αἰχμαλώτουσ ἐκ τοῦ περὶ Σικελίαν πολέμου.

ἀπὸ δὲ τούτου τοῦ καιροῦ πρὸσ ἕκαστα τῶν παρακαλουμένων ἑτοίμωσ καὶ φιλανθρώπωσ ὑπήκουον.

διὸ καὶ πρὸσ μὲν τοὺσ Καρχηδονίουσ ἐπέτρεψαν τοῖσ ἐμπόροισ ἐξαγαγεῖν αἰεὶ τὸ κατεπεῖγον, πρὸσ δὲ τοὺσ πολεμίουσ ἐκώλυσαν.

μετὰ δὲ ταῦτα τῶν μὲν ἐν τῇ Σαρδόνι μισθοφόρων, καθ’ ὃν καιρὸν ἀπὸ τῶν Καρχηδονίων ἀπέστησαν, ἐπισπωμένων αὐτοὺσ ἐπὶ τὴν νῆσον οὐχ ὑπήκουσαν·

τῶν δ’ Ἰτυκαίων ἐγχειριζόντων σφᾶσ, οὐ προσεδέξαντο, τηροῦντεσ τὰ κατὰ τὰσ συνθήκασ δίκαια.